اليكم قصيده لشاعري المفضل محمد بن فطيس المري

توبة ابن فطيس

يالله وانا طالبك تغفـر لـي ذنوبـي يـا غفـور



لوماتطهرنـي بعفـوك مـا تطهرنـي البحـور



أنا من الطين انخلقت , أخطـي ولانيـب معـذور



مؤمن بتوراتـك و إنجيلـك و مؤمـن بالزبـور



لكن خُدعت بزخـرف الدنيـا وزادتنـي غـرور



طبعاً بما إنـي بنـي آدم حصـل منّـي قصـور



أسألك تغفر لي و تستر موقفـي يـوم النشـور



من يستلمها بالشمال افلس وهـو يدعـو ثبـور



واسألك يا ربـي تعاونّـي علـى نيـل الأجـور



واسألك جاهٍ مع هـل الدنيـا وحـظٍ مـا يبـور



من لا تهيّا لـه مقـامٍ مـع طويليـن الشبـور



وان شاب راسه لا ترجّى فيـه تجبيـر الكسـور




ومانيب ناسي قصةٍ صـارت وانـا ازورالقبـور



ساعة ظهر لي شايبٍ له حول قرنيـن محجـور




سلّم وجا صوبي يقول : ابنشـدك يللـي تـزور



أنا مضى وقتي ومـرّت بـي طويـلات الدهـور




قلت : الزمان اللي يبارينا علـى خبـرك يـدور



أما البشر , , , لا والله الاّ غير من حد الجـذور




استغرب الشايب من اللي قلـت وبليّـا شعـور



قال : افتني عن حالة الشيبان والشيـخ الوقـور



القدوه اصحاب الأمور اللي تطـاع بكـل شـور




قلت : البعض منهم على ما قلت في وصفك وقور



الطاعه العميـا بقـا منهـا مجاملـة الحضـور



والبعض لا عبـدٍ يخـاف الله ولا عبـدٍ شكـور



بهيمةٍ يرجـع علـى منحـاه الاوّل ومحصـور



والبعض الآخر شابت رموشه على درب الفجـور



أشيمطٍ زانـي قضـا عمـره بحانـات الخمـور




قال : افتني عن حالة الخفـرات ربّـات الخـدور



شيهانةٍ تشمخ عفاف وتصقـل فـروخ الصقـور





قلت : العـذارى فـي زمنّـا ببغـاوات الطيـور



تلبس عباةٍ ضيّقـة حـول الردايـف والخصـور



وموضة شيالٍ تكشف الوجنات والـوان الشعـور



لا فوّحت صفر الدلال ولا عرفت غـش القـدور



الأم ما صانت عفاف البنت من عمـر الزهـور



وشلـون يتربّـى عيـال ام التبـرّج والسفـور




قال : افتني بحال الشباب الصلب صيّـاد النمـور



الوافي الشهم الغيور اللي لعرض الجـار سـور




قلت : الشباب بوقتنا وجهه مثـل بـدر البـدور



قصّـة شعـورٍ صيّرتهـم لا إنـاث ولا ذكـور



ناسٍ ( فلنتينو ) وناسٍ تلبـس ( كرستانديـور )



من كان يشرب من قرار البير مشروبه ( بيور )



مامنهم اللي قام دون اعـراض جيرانـه غيـور



والوالدين حقوقهم ضاعت وعنهـم فـي نفـور

---

jJJ,fm hfJk t'dJJJJs