ياسعود كان انك تهدد علـى النـوح
تعـال انـا ويّـاك ننـعـا هنـيّـا
تعال انا وياك ناخـذ عـن الـروح
عطنـي وانـا بعطيـك ممـا تهيّـا
صبري وصبرك عقب فرّاج مشحوح
ماعـاد فيهـا يـا البناخـي كنيّـا
ون كان صوتك شح والصوت مبحوح
خـل انهتانـك بالخفـايـا خفـيّـا
اون واتبـع ونـة الصـدر بفحـوح
ولافرّجة مـن ضيقـة البـال شيّـا
ياطيري الليا ابرق الريـش ذابـوح
مبعد على راس راعيه صبح وعشيّا
تعرضّه يوم اظلـم الليـل سامـوح
وعليـه ماسيـت الفجيعـه مسيّـا
جيته على جثـة احبـاراه مذبـوح
وامسـت همومـي داهيتنـي دهيّـا
و اصبحت انا عن نقلة الطير مصفوح
ماعاد اللي في نقـل غيـره شهيّـا
ماراح جعله مايعـود علـى اللـوح
ولا عسـاه اليـا رجـع مـا يحيّـا
ليت النقيصه في الرواقي ومجـروح
وفـي كـل كابـوداً سـواة الحديّـا
وليت ه غدا وارجيه مع كـل طـاروح
فـي المقبلـه يملابـه الله يـديّـا
لو هو غدا ياسعود ماحسفّ الـروح
بـس الحسوفـه ميتتـه هاالسويّـا
وفرّاج مشروهه على كـل ممـدوح
ياخذ قضـاه اللـي براسـه حميّـا

---

hfk u,k dved 'dvi tvh[