الزمـان يـدور والدنيـا تــدور=ودوره الايـام مـاهـي هيـنـه
ماتـدق الا جلاميـد الصـخـور=خل عـاد اهـل العضـام اللينـه
والحرار اللي علي روس الوكـور=كـل حـر مابـقـي الامكيـنـه
والضحايا في الصحون وفي القدور=فوق نـار اهـل الوجيـه الدينـه
في غليـان التغطـرس والغـرور=دور الـواقـع مـاعـاد تعيـنـه
مثل حرف الجر في بعض السطور=لويشيـنـه القـلـم ويـزيـنـه
والطماعه حطهـا نمـر النمـور=بيـن لحيانـه وبــن لسيـنـه
ليش يبسـن الحناجـر والنحـور=والديـوس ام الحليـب محيـنـه
ادري ان اصل المناجـم مايبـور=كـل منجـم فيـه تلقـى عينـه
عند ماتصفق بحـور فـي بحـور=مايبيـن الا الوجـيـه البيـنـه