على بحر القصيد أجرّ صوتي وألعب المســـــحوب
وأسلّي روحي اللي من عناها ضاق خاطرهــــــــا

أسلّيها وانا أدري مالها عن قدرهــــا المكتــــــوب
واحاكيها وعيني دمعهـا غـــــرّق محاجــرهـــــــــا

دخـيـلــك يـازمـانــي لا تـعـذبـنـي كــفـــاك ذنـــــوب
كفـايـة وش تـبـي فــي روحــي الهـزلـه تسامـرهـا

غدت روحي من أسبابك يلين الها الحجر والطوب
سـجـنـت أفـراحـهـا وأتـراحـهـا فـكّــت ظـوامـرهــا

أذنـت لحزنـك الجايـر وحزنـك فــي الغـيـاب يـنـوب
يمـركـز جبهـتـه فــي الـصـدر ويـكـثّـف مـحـاورهـا

تمركـز فـي الحنايـا وأرسـل جنـوده بـدون إسلـوب
هـدم بـيـت السـعـاده هــدم والضحـكـه محاصـرهـا

يطاولهـا نهـار ولا سكـن لـيـل الـدّجـى المـرعـوب
يولّـجـهـا الـسّـهـر خَـذْلَــه بـعــد شـيّــب نـواظـرهـا

بكت من ليلها الحالك .. بكت من حقها المسلوب
قـضـى حـبـر العـيـون الـسّـود وإكتـلّـت محـابـرهـا

كفاية يازمن نفسك ماعـــــادت تحتمــــــلك ذنوب
كفايه وش تبي في روحي الهزله تســــــــامرهــا

:

ياسر العضياني

---

y]j v,pd lk Hsfhf; dgdk hgih hgp[v ,hg',f