يامترف الروح يا زين النبا الحالي = جا زلتن هي خطا والا انت عامدها
ان كان زله مسامح يا بعد حالي = و ان كان عامد ترى ماني بميدها
اما اعتذرلك بعذرن فيه محوالي = والا وطاك النظام ولا ترددها
و قالت لي ابشر بعذرن يسمح البالي= واعطيك عن نيها تنظيم جايدها
ولكنّك اصبر وابا البس لبسي الغالي= وابا البس البشت والقذله نكددها
وجتني تدرج تدرج غافلن خالي = في غبه الصيد يومنه يراودها
تجرغصن ٍ جذب عاقل وجهالي = وتومي لورد ٍ يبا الحيضان واردها
وقالت علومك وهات ريال بريالي = عطني علومك من اولها وفقدها
عطني من اللي ورد في شهر شوالي= والمرمسه خلها في البنك جمدها
اليوم وقتك يبا صبروسعت بالي = وانته حجازي ونفسك من يصايدها
قلت اسمحيلي على مافات يامالي = اليوم دنيا ً تبذا للي يحددها
قالت مسامح لكن العلم اله تالي = عطني جدادن نبا نقرا جرايدها
قلت انتي من ايا قبيله يابعد حالي = ودني اعرفك حتى اعرف مقاصدها
قالت من اهل الجمل حمايه التالي = سواقتن للعطف وهمه قوايدها
اليا اختلط عجها في الصبح بقتالي = بشلفن تعاقب بيمنى من يوردها