ياذيب يبكونك هل الفطر الشيب = لا يعتهم مثـل خيـل المحيـا

ياونتن ونيتها من كنيني=ونة خفاف الريش ورق الحمامي
على ربـوع ذبحـوا محرمينـي=من دون زمل معورجات الوشامي
عفاس زبن اللي تصف القرينـي=زبن الحصان اللي غطاه العسامي
ترعابه العره الجـراع الحنينـي=من أم اللهيب اليا طوارف جهامي
ترعابه العره وتصبـح سمينـي=وترعابه الخيفات هجفا السنامـي
ياراكب اكوار عـوص الهجينـي=من ساس عيرات الهجين الهمامي
ارقابهن مـع المطـارق تلينـي=واليا مشن يشدن جول النعامـي
خلوا زبار السـر عنكـم يمينـي=تاطون خشـم قنيفـذه والعدامـي
تلفون ابو سلطان يا عارفيني =يا موصلين شيوخ برقا كلامي
عسى نساهم ما تجيب الجنيني=خلو مواقفهم وجو فالكمامي
ان كان لافزعه ولا منذريني =هاذي عليهم من كبار الملامي
حنا ذراهم والعرب خابرني =حنا ذراهم من جنوبن وشامي
اليا قادو الاجناب جمعن رزين =سقنا جملنا يمهم بالخطامي
بجمعن سوات الروم يرطن رطيني=فيه الفهود وكل حرن قطامي
الاد روق مدلهين الحزيني=طراحة الملبس نهار الزعامي
والله لو انه يوم جا خابريني=انا الناخذ جيشهم والخيامي
وانا النذبحهم بحد السنيني=بحدب الرهاف مطلقات اللجامي
ذبحاتنا لجدوده الاوليني = والي بقا شهودن للعضامي
منهم سعود مورد الهايبني =مثل القمر بواج ليل الظلامي

وراك يالوطيا تجرين الاتعاس= عقب الردوم اللي تزايد زفرها
صكو علي عفاس مختلفت اجناس=في ديرةً ماعنده الا حجرها
ياليت مع عفاس تسعين رماس= من الاد روق اللي قوين سطرها
ياليت شبيب جاهم علي قب الافراس= وياروح روحي ليت مارق حظرها