تبا تقرا على المجنون والصاحي كما المجنون
تريح يامبارك فالسما ياطايره طيري
شرايك؟ يامبارك تخلط المله مع القانون
بعد زعلت حوا .. فالسما ياطايره طيري
مبارك
ليادرهم جملكم يا الجنوبي مايحصل لون==
يسبعه المسبع فا السما ياطايره طيري
لاكن طيور بقعا رفرفت لوريشها مدهون==
وصاحبنا مصاحب فا السما ياطايره طيري
الجنوبي
مكاسيب الضحا وضحا وشقحا مار لو تضحون
ولا عندك مخاوي فالسما ياطايره طيري
الا يالشايب اللي مابقى لك في جماك سنون
تناظر فالمناظر فالسما ياطايره طيري
مبارك
على صفحة كتابك يا الجنوبي حرف ميم ونون==
يصلي با الجماعه فا السما ياطايره طيري
ليامنك رضيت عن اليتيم الناس مايرضون==
تحدك شاب نامه فا السما ياطايره طيري
الجنوبي
على صفحة كتابي كل علم ن زين يالمزيون
كذا ولا كذيا فالسما ياطايره طيري
على قول الثبيتي والله انك حنوة الحاجون
تلوى فالدروب وفالسما ياطايره طيري
=========
===========
الطاروق الثاني
محاوره
مبارك العتيبي -و-حكيم الراي
مبارك
سلام الله سلامٍ يقنع الشعار و الجمهور=
على حد الكواكب في سماهاوأمش ياماشي
أدورشاعرآ فا المنتدى واقف عليه الدور=
حكيم الراي مدري ويش رايه وأمش ياماشي
حكيم الراي
الايامرحبا بالشاعر اللي ماعليه قصور
يقولون الحقايق ماتغير وامش ياماشي
مبارك شايبٍ في اول شبابه ذاق طعم السور
وصار ايحن للماضي ويرزم وامش ياماشي
مبارك
مدام أنك من أهل الحق لاتشهد شهادة زور==
تخرب سمعتٍ يشهد لاهلها وأمش ياماشي
ولوأنك مشيت مع السنع قلنا الولد مشكور==
ولوجنبت عنه أزعلت ربعك وأمش ياماشي
حكيم الراي
علامك يوم تمشي منحــني غادٍ كــما البـاكــور
وتعديت الحـدود المستـقـيـمه ومش يـامـــاشـي
تقوله يامبارك عقب تشبع من سنــــام الـثــــور
وانا عارف محاصيل الجماعة وامش ياماشي
مبارك
وألأ يازين طبعك ماتضيع رزقك المذخور==
تدله ف الليال الخرمسيه وأمش ياماشي
أنامجلس مع القاضي وأنا مجلس مع الدكتور=
أخذ علمي وضم العلم وأسمع وأمش ياماشي
حكيم
ترى ماودي اظهر يابن عايش كنزك المصرور
تضج اهل اليمن والشام فرحه وامش ياماشـي
انـا ماقـلـت لـك سالــم وانا ماقـلـت لـك ماجــور
أخــذ مره وحلـتـيـته وصبـره وامـش ياماشــي
مبارك
ترى ماودي اظهر يابن عايش كنزك المصرور
تضج اهل اليمن والشام فرحه وامش ياماشـي
انـا ماقـلـت لـك سالــم وانا ماقـلـت لـك ماجــور
أخــذ مره وحلـتـيـته وصبـره وامـش ياماشــي
حكيم
مبارك يابن عايش يوم جيت بمـنـزل المـجــدور
عساك ارتحـت مابيـن السنايــح وامش ياماشـي
ابن عايش خـطـفـله لـقـمةٍ يـوم القـدور تـفــور
وبعد ماحطها فى الحثل طاحت وامـش ياماشـي
مبارك
أشوفك تلتفت للقدر وأنت مطفن الدافور=
أكلها وأحمد الله قبل تنسى وأمش ياماشي
لاكنك ياقمر عشرين مضلم مابدالك نور=
تبي غيرك يبيع ويشتري لك وأمش ياماشي
حكيم
بعد هـديـت في سرب القطـا يالطيــر أبو دنـقـور
على برقعـك عـود فـوق عـودك وامش ياماشي
بقيلـك عـنـد عـمك مايسر الـخـاطـر المـكـسور
هــديـه والهديه مـاتـرجــع وامـــش ياماشــــي
مبارك
وراك من الزعل ياطير رحت تباري المضهور=
وحصاتك دربها عنا وراها وأمش ياماشي
لاكن الناس قالو لقمته ماتشبع العصفور=
وعلى حبل السواني لايهمك وأمش يا ماشي
حكيم
حصل شيٍ غريب وشفت في بعض البطـون ظـهـور
وعسـى الـذمـه بـريه يا بن عايش وامــش يـامـاشــي
انا اسوق الجـمـل يـوم ابـن عايـش يقـهــر الـمـقـهـور
وتـرى الـريـعـان ريـعـان الـثـبـيـتـي وامـش ياماشي
مبارك
ياراع الورده اللي جابها القبار للمقبور==
تبا ترقد وتصحي بس مدري وأمش يا ماشي
ليا كرمت راع الميركه لايدري الناطور==
تضيع السالفه بين الثنينه وأمش ياماشي
حكيم
اثـرك الحـيـه اللـي تـاكـل اللـقـمه بـلاحـنـجــــور
بعد ماشـلعوا نـيـبــان فـمـهـا وامـش يــامــاشـــي
بلشت مع العيون السـود لوجات الـعـيــون الــعــور
ابـى اكـحـلـها من الاثـمـد بمـرود وامـش ياماشـي
مبارك
تدربيها شهر وألأتدربيها ثلاث شهور=
بطون الناس مليا با السواف وأمش ياماشي
نسيت أنك على سبع المواني قد مضالك دور=
وضحكة المهادي في مهاده وأمش ياماشي
حكيم
تـستـر يا ابن عايش وانت وضعك عندنا مخبـور
تسير بالسفـينه فــي المواني وامــــش ياماشـــي
بعد جاك المهـندس وش بـقـي يا راعـي الماطـور
على درب الشقى واللــي بعـدها وامش ياماشـي
مبارك
عصاك اللي تهمك قبل غيرك راسها مشقور=
درى عنها درى والله يعينك وأمش يا ماشي
لاكن ليا رميت بعيد لاترمي على الناضور=
أكلها مادرى راع المطيه وأمش ياماشي
حكيم
تــوقــع لا تـطـيـر مـع الهـو يا لشـايـب المـذعــور
سلـم راسك وعـقــلـك يابـن عمي وامـش ياماشـي
نـقـلـت من الكتاب اللي بـخـط الساحـر المسحـور
ولا تـمـلـي عـلـيـه مـن كـتابـك وامـش ياماشـي
مبارك
أنا ماني براعي سلعتن بين الرجال تبور==لاكن الضرب فا الميت محرم وأمش ياماشي
وأنا اللي شفت في حبلك رخاوه والحجر محجور==لاكنك لاتراخا قوم دافع وأمش يا ماشي
حكيم
بـعــد بـل الـمـطــــر جـبــــتـك لامــنـهـي ولامامـور
شــدادٍ مــاتـعـــرفـه لاتــشـــده وامـش يــاماشـــي
تـخـفـى الـبـيـن الـظاهـر وبـان الخـافــي الـمـستـور
تبى تـلــقـالـهـا مـخــرج ومــدرج وامــش ياماشـــي
مبارك
ليا جبت الهديه زان طبعك جعلها منذور==تبي تضحك الى شفت النتيجه وأمش ياماشي
حكيم الراي يحكم ويتحاكم والعلم منشور==أثر طبع الخزاعي مايكبه وأمش ياماشي
حكيم
بـعــد مـارق عـظـم العـود شـفـتـه يـتـبـع الـطـابــور
زعـل عـمـه وابـن عــمـه وخـالـه وامـش ياماشـي
تحـط الحاضـرين غياب وتحط الـغــياب حـضـور
بـعـد لـونـت صفـحـتـك العـريضه وامش ياماشي
مبارك
تبي تاكل لحالك وأنت زادك يا ولد مخشور==مخاشرك الفقير براس مالك وأمش ياماشي
تعش من العشا وأطعم طعم ليمونك المعصور==وأبوعرام كساب الجمايل وأمش ياماشي
حكيم
دخيـلـك لاتجـدد قــصـة اللـــي دمــهـا مـهــدور
بـعـد حـلـقـت لحـيـتـك الكـريـمه وامـش ياماشــي
تـجـي فـوق المنصه يا مـبـارك وانـت مالـك دور
وثوبـك صار مايسـتر جـنـوبـك وامـش ياماشــي
مبارك
وأضن الناس من كثر الكواياصابها حاشور==قياس الضغط عالي والحراره وأمش ياماشي
وأنامدري زمانك ليش من حادور في حادور==على ذر الخلا تمشي برجلك وأمش ياماشي
حكيم
انـا اعــرف الـمـحانـي والجـبـال وذيـبـهـا المسعـور
واشـوف الصوره اللـي فـى المجلـه وامــش ياماشي
تـتـوب ام الـكـبـايـريـاعــساهـا ذنـــبــــهـا مـغــفــور
لـكــن الـطــبـع باقــيــتٍ جــذوره وامــش يـاماشي
مبارك
لياطارت حبارى ناحت الورقابراس القور=
وطاح التمر من خضر الجرايد وأمش ياماشي
لاكن الحبل ألأسود قالو أنه حبلك المجرور=
ورمايك رديفك ف المشاكل وأمش ياماشي
حكيم
تـصـنفـر فـى الـمكــيـنـه والمكـيـن راسـها مشعور
خـسـاره ياحكـيـم الـراي جهــدك وامـش ياماشـي
مـبــارك لـيـه يــمـنـاك الطـويلـه كـفـهـا مـبـتــور
وانا ماضحك عـلى المبـلي وحاله وامش ياماشي
مبارك
يبيع البيض سلاقه ويا كل حبه المنثور==
غبينه والغبينه وش دواها وأمش ياماشي
أنا يمناي ماتقصر وأنا ماني قصيّر شور==
حصات رزاح ماتنزاح قدمك وأمش يا ماشي
حكيم
أنـا أشـوف اليـتـيـمه يابـن عايش قـلبـهـا مـفـطـور
عسى الله يستـر احـوال الـيـتـيـمه وامـش ياماشي
تـرى بعض الـروابـع تخـتـلف يالشايــب المغـرور
تـعــلـم مـن حـيـاتـك يـامـسافـر وامـش يامـاشـي
مبارك
تعش من العشا وأن طحت عاتب حضك المعثور==
ومن يونس ويسكت ما نلومه وأمش ياماشي
وأعرف أنك وطيت بحيد رجلك جمرت التنور==
حليله دوب ما فتّح عيونه وأمش ياماشي
حكيم
بـعـد صب اللـبـن راع الغـنـم فـي بــطــنـه المبـقـور
نـتـيجـتها وخـيـمه وانـت عـارف وامـش ياماشــي
تـبـالـك يـابـن عـايـش واحةٍ فـيـها ثـمـر وزهـور
لـكـن الحبـل في راس العـسـيـفـه وامش ياماشي
مبارك
تدق الزور والا يا الخزاعي ماتدق الزور=جروحك ماتشافت يا الخزاعي وأمش يا ماشي
ليا شفت الهزيله عفتها لوهي تطيع الشور=و أخليها على درب الهزايل وأمش يا ماشي
حكيم
نشوف العيطموس اللي تهـوس وعـطـرها منثـور
مهـرها راس عنـتـرمع جواده وامـش يـامـاشــي
الايـاردي حـظـك يالغـريـب المعـسـر المعـسور
عليك الناس تضحك وأنت غافـل وامش ياماشي
مبارك
علومك كلبوها نقطتً سودى على الاضفور=
قصر حبل الجماله يا الجمالي وأمش يا ماشي
وحمولك فوق متنك لو نركب لك ثلاث جسور=
لاكن أصبرعلى رزقً تحوشه وأمش يا ماشي
حكيم
عــلام البوصله فـيـها أختـلال وسهـما مفرور
نجيب الها خبيـرٍ في البـواصل وامش ياماشي
يحسب انـه كبيـربعيـن نفسه واصبـح المـكبـور
لـكـن الامـعـه عـزي لحـاله وامـش يـامـاشــي
مبارك
أنا حط الهدف مثل الزرار بثوبك المزرور=
وأمشيها وأنا واثق بنفسي وأمش يا ماشي
وأنا ضنك تبيلك بنت حلوه من بنات الحور=
وتا كلها حلاوه وأنت حالي وأمش يا ماشي
حكيم
لـحـسـت الجمـره اللي يا مبارك لـمسهـا مـحـذور
واشوف الدود يمشي في جنوبك وامـش ياماشـي
عطيتك ماكتبلك وانت جاهـل بالجهـل معـذور
رضعت الديد يا راع المنيحه وامش ياماشي
مبارك
تعين فا اليمين وفا اليسار وشبرك المشبور =
وتلقا الخير فيها يا الخزاعي وأمش يا ماشي
تبي ترجع لدرب الحق لو أنك ولد تيمور=
وتاتكره نصيبك ثم تحبه وأمش يا ماشي
حكيم
الايالـطيـر الابـرق جـاك مـن يـم الشـمال أطيـور
وريـشـك راح تـذراه الـهـبايـب وامـش ياماشي
ركـب فـوق المطـيه والمطـيه راسـها مخـمـور
بعـد غـاب القمر عـن دار عنتر وامش ياماشي
مبارك
نصيبك منسدح وأنته تدرجها بلا مقدور=
لاكن سقها وراها مع ولدها وأمش ياماشي
تطحطح با الحمول ورزقها في بيتها المعمور=
و تحك الجنب الايمن قبل تاقف وأمش ياماشي
حكيم
تعشاء يالهـويش من الشحـم والا من الشابـور
لبست أحجولك اللي عام الأول وامش ياماشي
تـدور للسلامه وأنـت صرت بزاويه محصور
هذا حـضك وماحاشت يدينك وامش ياماشي
================================
===============================
الطاروق الثالث بين مبارك العتيبي ومفلح البقمي
والبدايه مع مفلح
مفلح البقمي
من هجوسٍ لا حضرت في الملعبة ماهيب عميا
تدرك اسرار القوافي بالبصر ولّا البصيرة
ما حضرنا غير عقب انّا ضربنا خير الاريا
واستخرنا وصار يا اهل المنتدى في الامر خيرة
مبارك العتيبي
من هجوسن للعلوم اللي تسر البال ضميأ
مرحبا يا الشاعر اللي ودنا نعرف مسيره
أن مشا للشرق قلنا يا سلام ويا سلميا
وأن مشا للغرب قلنا راح من ديره لديره
مفلح البقمي
البقا يا شاعرٍ غنا على القاف ولحنيا
جاب ما عنده وحنا ما نرده عن مصيره
كم خسرنا في زمنّا من رجالٍ مار دنيا
والسريرة يا مبارك عند علّام السريره
مبارك العتيبي
اليتيم أقفا فطامه بس عيا منفطميأ =
وأكثر الاجواد في ضل الحصاه المستديره
وأنت ياوقت الشقا وإلا أنت ياوقت الندميا=
رحت غربالاً لعكفان الشوارب فا الجزيره
مفلح البقمي
قلب من يذبح قلوب الناس وسط ضلوع حنيا
دونه رماح وسهام ودونه سيوفٍ شطيره
والمشاعر والشواعر تطبخ في نار حميا
وفارس امن المنطقة ما سل سيفه من جفيره
مبارك العتيبي
والله أنك من رجال كبودها للعز دميأ= والعرب قبل الكبيره كيف تقنع با الصغيره
وأنت ترجع للبري وتكب راس المتهميأ= والدمحنيه دمحنيه ترى ماهي شعيره
مفلح البقمي
الك يومين وزياده وانت تبغا وقفة اميا
لكن ابشر يا مبارك يوم قيفانك خطيره
وانت ما تدري سميره شرها من شر لميا
لكن انك ما تفرق شر لميا من سميره
مبارك العتيبي
من سعى و أطاف يسعى فا المطاف وفا الحرميأ - والصغيره للصغيره والكبيره للكبيره
وردوها صدروها والعسل حلو الطعميأ - كيف تضرب عشر في عشرين يا شيخ العشيره
مفلح البقمي
ما حدن يحيي قلوبٍ من زمن عميا وصميا
ازهمه واقول دوك اشرب لبن ويقول بيره
ارتوانا من قراحٍ نحفره لين انه اميا
وبعضهم يشرب هماج ومستريحٍ فوق بيره
مبارك العتيبي
أن بلشتو با العرب وإلا بلشتو با العجميأ -
عود الطرقي وراع البيت ما عود بعيره
و الرشا فوق المحاله والكتابه با القلميأ -
وعادة التاجر يشوف السوق ويعلم خشيره
مفلح البقمي
الجمل نوحي هديره كل يوم ولا انحدميا
والجمل وقتٍ مضى نرتاع لا اوحينا هديره
البنات الوحده منهن تبا قصر وخدميا
ويحرزن اقوى الرجال ولكن ازرن في منيره
مبارك
========================
============================
الطاروق الرابع
مبارك العتيبي وفارس الحرف
مبارك
سلام مني عد برق لاح في عرض المخيل =
ياهل الديار اللي نعرف أنتاجها وحدودها
مافيه ليل بلا نهار ولا نهار بدون ليل =
ياشاعر العجمان عندي سالفه بشهودها
فارس
يامرحبا ترحيبة" ماقالها الصدر البخيل
من شان ابو ممدوح ازودها كرم وزودها
بالك تجيب الحجه اللي مايجي معها دليل
واللي بعدها كل كلمه عندنا مردودها
مبارك
أن جيتنا من تركيا وأن جيت من خان الخليل =
ما عاد تبغاك الهنوف اللي لمست نهودها =
إما لقيت الهيل عندك ما شربت الجنزبيل=
وأنت ألك عند الناس دينه ما عطتك قصودها
فارس
حنا نعدل المايله لاكن حاسب لا تميل
ميلتك شوف الناس يامبارك تعل كبودها
والله ما احط الذيل راس ولا بحط الراس ذيل
لو ان بقعا يالعتيبي ماتلين عضودها
مبارك
أنتم زحازيح الرجال اللي يذرون الدخيل =
أدخل على الله ما ضلم الاجواد في مجهودها
ياوادي العجمان يا جعلك بعد سيلك تسيل=
وشوف عبد الله وعبد الله تحت معبودها
فارس
ياليتها بالسيف ولا ليتها بم الفتيل
والله ماتدرج ولا تخلج على مولودها
صبرك وتنبيك الليالي بالكثير وبالقليل
عان السحابه مافصل براقها ورعووودها
=======================
======================
الطاروق الخامس
طليق الحجاج ومبارك العتيبي
طليق الحجاج
ســلام الله سـلامـن مــن هجـوسـي والـعـلـم مـرفــوع
عــلــى وضــــح الـنــقــا والــنـــار لـلــعــدوان مـشـبـوبــة
لاتستفسر عن الموضوع ياللي تجهل الموضوع
يـلــيــن تــشـــوف مـــيـــزان الـحـقـيـقــة نـــوبـــة ونـــوبـــة
مبارك
وألا يامرحبا ترحيب وافي والخبر مسموع -- الى جيتو وجينا كل واحد قال مطلوبه
نبي نا خذونعطي والشريعه سلمنا المشروع -- و أنا مقرأ ولاكتب قصةً ماهيب مكتوبه
طليق الحجاج
عسـى فيـك البقـا ياللـي ترحـب والعتـب مـرفـوع
نـبـي نبـنـي بـيـوت المعـرفـة طـوبـة ورى طـوبــة
تركد ياالعتيبي واعرف ان الشكـل غيـر النـوع
ياكم من سلعتن يااصحابنا فالسوق مضروبة
مبارك
يبا يكبر بليس الورع و أنته بعد راس الكوع-
وتلبس غترتك من لعبت الشيطان مقلوبه
مدام أنك تحب أم العرب لو قلبها مطبوع -
عسى ربي يعين الناس ماكوله ومشروبه
طليق الحجاج
لاتذكر ما حصل فالمجتمع للفار والجربوع
لكن تبغي الصراحة وقفـة الرجـال محسوبـة
لاعـــاد تـنــزل الـقـبــوع يـالـلــي تـلـبــس الـقـبــوع
اشـوف احوالكـم ياشـيـخ مـجـرورة ومنصـوبـة
مبارك
يقولون الجبرتي عاش حوله بكر بن زعزوع-
وأناصاحب وفا شرواك ما نقصة ماجوبه
محمد يطبخ الطبخه وحامد يقطع المقطوع -
وأنا أمشي مع طريقً نص الامه ما تمشوبه
طليق الحجاج
تــقــولــة مـاتــقــولــة لاتــســولـــف والـــوفــــا مـــــــزروع
تــــرى الــرجــال مـايـلـبـس لـبـاســن مــاهــو بـثـوبــة
وردت الـعــد لـكــن ماحـصـلـك مـنــة لـــو قـرطــوع
حصل لو ماحصل تبقى جيوش الظلم مغلوبة
مبارك
نبي نضرب مثل ونعدللتابع وللمتبوع-
وحنا خابرين الوقت فيه حقوق مسلوبه
وأنا بنشد على شان أعرف اللي يعرف الصبوع-
و أعرف اللي يصلي فرض والاصحاب مصحوبه
طليق الحجاج
على حق الاوادم محتدينك للظمـا والجـوع
لكنهـا تعتبـر فـي صالـح الاجــواد مرغـوبـة
عرفت اللي عيونك ترقبة يالشاعر الدلوع
لـكـنــك قــــدم الـتــوبــة وربـــــك قــابـــل الـتــوبــة
مبارك
-أنا وافي وأنا كافي وأنا عندي عسل مصنوع-
أعشيك العسل و أركب حصانك وأضرب الجوبه
تبي تا كل دمحنيه وتاكل رز عقب أسبوع-
و تعشالك طعامن نص ربعك ما تعشوبه
مبارك
أنا عمي حسن سبحان من جابه بدون سموع -
وعمتكم حسينه من غلا ه تحك عرقوبه
وعطاها الله ولد ماله حلي بس الولد مصقوع--
وليا صادت حمام وبيض قمري ود ته صوبه
الطاروق السادس
بين مبارك العتيبي =وعلي حاسن
مبارك
يابن حاسن من ورى شط البحربحاره =
وأن خسر واحد تعود من نصيب الثاني
وأنت عندك محملاً كلاً يفر الطاره =
وعمكم ما هوب لامسلم ولا نصراني
علي حاسن
يامبارك كان علمك فود ماهو عاره
منت قادر لاتذكرني ولا تنساني
من سباب الجاره اللي ماتطيق الجاره
عمكم بين البريطاني والا مريكاني
مبارك
جاكم السنبوك والطيار ف الطياره =
وأنقطع سلك الحرير وطاحت العمداني
كيف عينك ما تشوف اللي يقود الغاره =
جالسن تاكل حلال القوم واليتماني
علي
لاتطاوع نفسك اللي لكل سو اماره
ونغزك ابليس قمت وجيتني عجلاني
طارد الشيطان حتى تمسكه فالحاره
ون مسكته سم بالرحمن ياقوماني
مبارك
مجلس الرحمن فيه أخبار ويش أخباره =
ليش تدخل فيه ما سميت با الرحماني
والغدى لقمة بليله والعشأ جماره =
يــــالله أنك لاتحافيني ولاتــبلاني
علي
المجالس يامبارك كلها منهاره
رغم هذا ماشكيت الخوف انا باماني
يامبارك صاحبك لوقام يشعم ناره
ولعت ناره بقاصي القوم قبل الداني
مبارك
خابرين اللي يعرف الصيد با السناره =
وأنت راقد ياعلي في دافي الاحضاني
والكسير ليا أنكسر كثروله الجباره =
تظهر الايام ويبين لك الغلطاني
علي
البلا موجود معك بداخل السياره
يرحم الله جدك اللي كان ياما كاني
الحفيد اللي فقد جده وخذ له ثاره
باق بالمره ويام وباق العجماني
----------------------------------------
مبارك العتيبي
سلام ردية وفا لهذيل في حلة هذيل /// والقوم حاضرها ليا غابت يسد غيابها
نبغا نسوق جمالنا ف الدرب با الحمل الثقيل /// وهذيل وعتيبه معزتها بروس أشنابها
مساعد السويهري
يامرحبا ترحيبة ن توصف كما بن ن وهيل ///ترحيبة ن مثل العسل من هاجسن غنابها
سر الجمال وخلها تمشي مع الدرب الطويل ///وأنا هذلين لا نوى الطرقه يحسب يحسابها
مبارك العتيبي
مـدري سنـد وإلا سعـد وإلا فهـد وألا جمـيـل //إ مـــــا لـقـيـنــا عـمــهــا وإلا قـفـلـنــا بــابــهــا
وخابرك تا تمشي مع الطرقه وتا تصهل صهيل /// والنـاس لــو طـالـت لحـاهـا مــا تـطـول ثيابـهـا
مساعد السويهري
يامبارك الدنيا تراها بين عدل وبين ميل ///والشمس نعرف وقت مطلعها ووقت غيابها
كف الكريم اليا عطت ماهي كما كف البخيل /// اعرف هدفها واقطر الحبه على مضرابها
مبارك العتيبي
ماخلقت الدنيا لاهلها بين يوم وبين ليل /// ولياحصل نكبه عرفنا أنك تعرف أسبابها
والتاجر اللي يلتفت ويقول ما عندي عميل /// يافزعت الله كيف خلق الله صدق كذابها
مساعد السويهري
يا الشيخ أبو ممدوح لو تدري عن الهول المهيل /// الناس هذا الوقت ماندري وش الي صابها
حنا نجيب الك العلوم الي مثبتها الدليل /// وأنتم ليا جات الحقايق تحجبون حجابها
مبارك العتيبي
الحي في مكه لاكن الميت في خان الخليل///وأنت من هل مكه وهل مكه تعرف شعابها
والطيب ما يسوى الردى والناس كانت فوق خيل /// وليارضيتو رجحة الميزان ما نرضابها
مساعد السويهري
ياطرقي العتبان حنا لا نزل ولا نميل/// وليا عطانا جابة ن ما يختلف هندابها
كل الكلام الي تبونه من سنعنا مستحيل /// لا عاد تتبعها بعد راحت ولا تشقابها
مبارك العتيبي
طالع بعينك في نجوم الجدي ياعبد الجليل /// وأنته تعرف أن العقارب سمها ف أذنابها
والشرق مثل الغرب مابه لامبات ولامقيل ///والدرس جوف المدرسه يقرأ على طلابها
مساعد السويهري
اللاله أنا لو سمحت الأمر واعفيت الزميل/// يمكن تموت الحيه الي سمها في نابها
حنا نعرف انه يباريها على حيد المسيل /// لكن قدامه رجالن واقفه بحرابها
مبارك العتيبي
أحدن لبس عمه وأحد لبس الحزام المستطيل /// وأحدن يقول النار نار القوم من شبابها
والرمح لو يخطي سنانه ينفع السيف الصقيل /// والقوم تنطح قوم والبندق ضعيف خشابها
مساعد السويهري
يا شاعر العتبان لا تقعد تحط ولا تشيل /// ارفق على النفس العزيزه لا تثير أعصابها
لاتقرب المضماه وانته ما حزيت الها صميل /// هذي جبال هذيل ما تصبر على ملهابها
مبارك العتيبي
الحق مايرجع على راعيه با الراي الهزيل /// والناس لو فيها تشابه فارقه بأسلابها
والسفن تبحر والمسافه ف البحور الفين ميل /// ولانلحق الهذلان غير الخير في مرقابها
مساعد السويهري
يامبارك العربان احد صاحي واحد قلبه هبيل /// والله يبارك في البيوت الي وثاق اطنابها
اليا الحقتك الشمس بكره دور القيف الظليل /// وان كان مريت المدينه صل في محرابها
مبارك العتيبي
أنقدر الهذلان ونقدرك يا الشيخ الجليل /// ونشقا بمرجلة الرجال وغيرنا يشقابها
وأنته ترى مانت بوكيل آدم وأنا ماني وكيل /// والغايبه عن قسمها قالو يسد غيابها
</b></i>
===================
فارس الحرف ومبارك العتيبي
فارس الحرف
لن لقينا مدرس ن يكتب على الصبوره=والدروس اللي كتبها ميعرف يشرحها
خطة الدولة تبا تسفره ياخذ دوره=ولا يعذرب خطة الدولة ولا يمدحها
مبارك العتيبي
أنت تبغانا نشوتك مثل شوت الكوره=يا المليح اللي علومه كلها يملحها
خلها بيني وبينك ملحةً مستوره =أنت من ذولا وذولار بنا مصلحها
فارس الحرف
الشعوب اليعربية ماتكب الثوره=ليتها ماتلتبس وجنونها تريحها
الزميل اللي سواتك ماجرحت شعوره=ون صدمت الصبة بسيارتك صلحها
مبارك العتيبي
قبرزينب كان ودك يا الايمام تزوره =كل ماصليت لازم جبهتك تمسحها
وأنت تلبس لبس قوم وصايتك مزروره =وكان عينك توجعك عند الطبيب أفتحها
فارس الحرف
لو يروغ ابا الحصيني في يدي حنجوره=الحصاني حظها فالمحبلة يطرحها
رد يم السالفه وش لك بلعب بزوره =والله اني من يداويها ومن يجرحها
مبارك العتيبي
ياحليل اللي عصاه من أصلها مشقوره =قايمه ومقــــومه وقـــــــــيامها ذابحها
لاتعاين فا الضعيف اللي مطفي نوره=مكسبك من راس مالك شرط ما يفرحها
فارس الحرف
يامبارك فالزمان اللي تفوح قدوره=العرب عرض علاها الطرقي ومالحها
العسل والتمر والمرقوق والشابوره=لا تحوشه من حلوق الناس وتشرشحها
مبارك العتيبي
أن عصرتوها ترى ما تنفع المعصوره =ومن تخوفه السلوك الحمر ما يربحها
ضمة العصفور والاضمة العصفوره =بيتها معمور وأنته عندها تمدحها
فارس الحرف
ناصحك لا تلحم الدبه على الماصوره=يوم انا بساير العتبان ولحلحها
طاح حفار الحفر بالحفره المحفوره =والسبايب يوم ينساها ولا برحها
مبارك العتيبي
ماوراك إلا سباع الديره المسعوره =ماتحسب حساب ناصيها ولا سانحها
وش هو اللي يفرق القطره من المقطوره =وأن فتح بيبانها للعــــــاصفه ينطحـــــها
فارس الحرف
خبزة العجان ماكفت سرا طابوره=والجواعا مالقت غيره يبا يمنحها
يسرح الفلاح ويعود على حنطوره=ماله الا يحرث ارض اجداده ويفلحها
مبارك العتيبي
لقمة التاجر كبيره وفجرة حنجوره =ملحها زايد وزايد ملحها قرقحها
مايعرف الغندره لوجاته الغندوره =والعرب في رزقها المقسوم من سامحها
فارس الحرف
يوم اعرض الجرح يامبارك على دكتوره=قال ماعالج جريحه جرحها يذبحها
ياعتيبه ياهل الميقاف واهل الشوره=تنشب اللقمه مع حنجور من درمحها
مبارك العتيبي
لويموت الزرع باقي ما تموت جذوره =والعرب وش لون تفلح ما وصل فالحها
وأنت لاتاطا فروخ الحـــــيه المقبوره =والشجاري ما يفيد غصونها طايحها
فارس الحرف
لو بطا مستور تامل ملكته مستوره=ون عقد شيخ القرى لا بد ما ينكحها
صيد نهر النيل مايغني هل المعموره=لو يمسيها مع الايام ويصبحها
مبارك العتيبي
جعلها نذرن عليه وجعلها منذوره =كيف خلاها سدى للناس ما وضحها
كاتب القصه وذيك القصه المذكوره =لو يغطيها الزمان يدور ثم يفضحها
فارس الحرف
المنيحه لو تقول ديوسها مصروره=الايدين اللي تحلب الديس ماترمحها
رشدي اباضه عيونه في نحى الشحروره=لو تبا تزعل مصر واللي ضفى مشلحها
مبارك العتيبي
الزمان اليوم يا مكبر خطاه وجوره =مامعك من صوبه إلا كورت ن دردحها
المسابح تسليه وإلا العصا باكوره =لاتبل الروس وتخل الهوى يلفحها
========================
=================
وانتظروا المزيد
10-01-2012, 07:51 PM
ديوان محاورات مبارك العتيبي
تعليمات المشاركة
المواضيع المتشابهه
