ياليتني نامس واقرصك لانمت =وامص دمك يالغضي مص سن توب
أقرصك نايم وبا انحاش لاقمت =وليا رجعت اتنام ماعنك مجنوب
صاحي معك وان نمت فيّه تحلمت=ارعبك في نومك وانا منك مرعوب
ازن فإذنك زن ما حاصل ٍ صمت =واجر موالي على كل مسحوب
لو جبت لي بف باف وبالجو سممت=اغيب ساعة عنك والوقت محسوب
واليا صفا لك جوكم جيت سلمت=اعطي تحية حب بأداب وسلوب
واردك لحزنك بعد ماتبسمت=وساوي القرصات في كل عرقوب
واكرر القرصات مهما تألمت=مالك ياكود الصبر والصبر مطلوب
عن دم غيرك يالغضي من بشر صمت=ماتدري انك نادر الدم مرغوب
مليان دمك بالفتامين وانعمت =حتى ان حجمي صار في حجم يعسوب
مقدر على بعدك على دمك ادمنت =انا اشهد انه عندي الذ مشروب
لو صابني مكروه ابد ماتندمت=ولو مت من دونك مقدر ومكتوب