سمـعت لـي سالـفه ماهيـب مـعـــقوله = غثّت على الكبد حين اوحيت طرياها
واخذت لي وقت و الافـــكار مشغوله = و الســالـفه روّحــت مانيب وياها
(ا)حــبال الايــام معـــقوده و مـفـتوله = ورموز الايام مدري ويش مـعناها
و البكـره اللي ثمــان سنـــين مــعقوله = مافارقت من ثمــان سنين مـرباها
امست عن المجمــتع والنـاس مـعزوله = ما تـعرف الا معشـــاها , مـضحاها
وحين اصبح الصبح بعد الليل وسدوله = مع طلعت الشمس خانوها رعاياها
وراحت مع اللي يشيل الجمر بــحثوله = لا رِحم ساسه وهي لا رِحم مجناها
مـــجهول من شـــلة ٍ فالـوقت مـجهوله = بانت مواري قـــشرها فـي مــحياها
لو عن مــصايب فــعوله تـدري الدوله = ما كان دوّج من اقصــاها ليا ادناها
مـــا كــل مــحمولة ٍ فـالوقت مكفـــوله = ولا كل من قال له كلمـــه بيحماها
وهذلول لو مااستمع في راي هـــذلوله = مـا كان يمـــديه يلــعــنها ويـشناها
يـــا هـــيه ياللي بيدك الــعلم وحـــلوله = أنْه القضيه قـــبل لا تاصـل اتـــلاها
ما دام قـربه قشــر, فالوصل وشـهوله = من عاق دربه حــجر يشقح وينساها