المشاركة الأصلية كتبت بواسطة سلطان مطلق الغنّامي



.
.


سند مساء الخير والعزف الفريد ،،

صحيح امسية فاشلة مقابل خمس او ست اماسي ناجحة قد تقلب الطاولة على

رأس الشاعر لان المتلقي عند الانطباع الاخير مهما كان تاريخ الشاعر

والاعلام لعبة خطيرة وسيف ذو حدين ،، لكن بندر المحيا صديق واخ غالي

وياسند على المستوى الاخلاق بندر اعلى بكثير مما تتخيل وشاعريته والله ماعليها

غبار والدليل مشاركته في المليون طلعت بصورة مشرفة عكس بعض

المهرجين الذين شاركوا جزاهم الله خير لاضحاك الجمهور عليهم

واعطائهم فكرة خاطئة عن الشاعر السعودي !!

واحترامي لخالد محمد وبندر المحيا حقيقة من افضل من مثل العتبان في المليون ،،

نرجع يا مجرم للرحابنه ،، هل تتوقع ان فيه مبدع سعودي بيلحق بركبهم ياسند !!

مدرسه لوحدها اسمها الرحابنه لن تتكرر بنفس الشكل ابداا ،،

من ناحية الحشر حشرتني بس على يدك ياسند عينت الممول بشرط مايكون

شركة نشر تملي عليك الشروط وتبخسك حقك في التوزيع ،،



تحياتي واحترامي الشديد لكل من مرّ من هنا

سلطان


..

أضغط هنا ياسلطان

اأضغط هنا ياسلطان

على طاري الرحابنه بغيت أدورموسيقاهم وأستحيت من السيده جارة القمر قلت يمكن تاخذ بخاطرها وتطلق طلاق أنها ماعاد تغني

زانه فيروز للجمجه والأعصاب ههههههه

ياحوووول أبك تسيف أحش في خويك << يقول لحووووول ويومي براسه تسذا >>

والله ونعم بخويك ياسلطان ولو ماهو شاعر ومتميز وكنا نشوف أنه يستاهل أن الواحد يبحث عن قصائده ويبحث عن جديده كان ماقلت هالكلام ..بس ليته مايعودها ههههه والله أني صادق من أجل الشعر والا الرجوله عساه أطيب جمناعته ..أنا اتكلم عن الشعر وبما ان بندر المحيا شاعر وظهر على الأعلام فيحق لنا أن ننتقده أذا غير أسلوبه اللي حببناه عشانه مثل ماحببنا شعره ..عموماً هي حرؤكات اليدين الغير مبرره والمبالغ فيها وبشده .أول مره أشوفه يسويها وقلت يالله انك تجيره من العثور ..نايف صقر مثل يحتذا به في الألقاء وبندر بن سرور وبدر عبد المحسن ماعاب قصيدهم ولا أنقص من توهجهم ولا مكانتهم ألقائهم لقصائدهم بشكل عفوي على سجيتهم وطبيعتهم التي ألفوها وألفها الناس وسعد بن جدلان ماضره ردائة الألقاء في شيء بل أنه الأول حيث ماحل ومع من حل .......بأستثناء صاحب هذا البيت طبعاً طبعاً طبعاً ..ياسيدي والله ما أشوف الأنداد * أنا وحيد الشعر ماخلق له ثاني ..نعن شكله حلف أظنه صدق في هذا البيت وكذب في كل ماقال من شعر

سلطان نعتذر منك لصديقك ووالله أني أتمنى للجميع النجاح وللشعر والشعراء الأزدهار ..لكن دون أخلال في المبادئ العامه ودون تخريب للذوق العام ..وسلمت ودمت