هبت هبـوب الشمـال وهاجسـي دوبـه
يثـيـرنـي والقـريـحـه جـوّهــا هـــادي
.
والشـعـر لا مـرّنــي كـمّـلـت مـاجـوبـه
لـو كـان ماهـو منـاي وغايـة مــرادي
.
لاشــك سـلـم المـحـبّ وحـــقّ محـبـوبـه
والحـب مـن خلقـتـي مــزروع بـفـوادي
.
إلـيـا طـــواه الـضـمـا وأفـتــرّ دالـوبــه
لاحــت بـروقـي علـيـه وحــنّ رعّــادي
.
يا حـادي العيـس ركبـك طالـت دروبـه
والصوت مقطوع بين العيـس والحـادي
.
حـاول تـغـضّ النـظـر لا تلتـفـت صـوبـه
مـا تعتـدل جـرّتـه والمـشـي متـحـادي
.
طـال الـمـدى وأمــة الأســلام منكـوبـه
والنـكـبـه مـلـوّنـه ومــدوّنــه عــــادي !
.
الــذل فيـهـا يـهـوش ويـنـفـخ ذروبـــه
والضعـف مـع جنبهـا سـرداد مــردادي
.
تمسي على النعم ثم تصبح على الكوبه
ما سادت وغيرها في خيرهـا سـادي
.
لـو تجمـع حسابهـا ماهيـب محسـوبـه
ذهـيـبــة ٍ والــمــدوّر مـثـلـهـا غــــادي
.
يــا أمــة ٍ فـــي كـتــاب الله مكـتـوبـه
محـفـوظ تاريخـنـا هـجـري ومـيـلادي
.
ياشين وجـه العـراق ومـا أكثـر ذنوبـه
ما بيـن شعبـه وشعبـه حـرب وجهـادي
.
خلـيـط مــن راســـه لـسـاقـه لعـرقـوبـه
سنّـه وشيـعـه وكردسـتـان وأكــرادي
.
قــام التعنـصـر عليـهـم يطـحـن حبـوبـه
مـا فيهـم اللـي يصـون الملـح والـزادي
.
المشـكـلـه نـارهــا بـالـشـرّ مشـبـوبـه
أشـوفـهـا والـعــه والـوضــع وقّـــادي
.
الـحـكـم بالمصـلـحـه والـــدار منـهـوبـه
والامـن مفلـوت بـيـن الضـلـع والــوادي
.
شبّـت فـي تكريـت والبصـره وبعقـوبـه
وتفحّـمـت كـربـلاء وأنـهــار بـغــدادي
.
مـن سايـر المذهبيـن الـروس معصوبـه
عـان النجـف صـاح والفلـوّجـه تـنـادي
.
الديـن يكـرم عــن الـلـي نجّـسـوا ثـوبـه
ما لعب فالدين غيـر جهـاد الأجـوادي
.
ماعندهـم مشكلـه ف الـذبـح وأسلـوبـه
يـقـصّ روس الرهـايـن مــوس ردادي
.
الـطـاولــه يــــا ولاة الأمــــر مـقـلـوبـه
تكـاتـفـوا لا يــقــوم الــشــرّ يــــزدادي
.
مـن يـوم ضـاع السـلام ومـات منـدوبـه
سيـاسـة الغطـرسـه بالسـلـك تـنـقـادي
.
الـشــرق مـــا نقـبـلـه لـلـغـرب لعـبـوبـه
والـغـرب مــا نقبـلـه لـلـشـرق جـــلاّدي
"""""""""""""""""""""""""""""""""""""""""""""""""" """"""""""""
شكرا جزيلا يا ابيض الوجه وتعيش
ما جبته لحاله .. وشكرك لحالــه
/
أهديتني ديوان محمود درويش
ومحمود بن درويش مالي وماله
/
أنا بدوي وأعشق هل الخيل والجيش
ولا كل قايل يهتويني مقالــه
/
عفوي وجوّي لو يجي فيه تشويش
عاضتني العزله بجو ٍ بداله !
/
عاقل وبعض أحيان يآخذني الطيش
والكحل أذرّه في عيون الغزاله
/
خالقني الله تابع ٍ سيّد قريش
وصلّوا على محمد وصحبه وآله
/
قلـّي معقـّد نفس وأقول حتيش
أنا مع التعقيد .. عمّه وخاله
/
تحمـّلوا مشهاي .. يوم أنفض الريش
حر ٍ شرا مشهاه .. من حرّ ماله !
"""""""""""""""""""""""""""""""""""""""""""""""""" """""

"""""""""""""""""""""""""""""""""""""""""""""""""" """"""""

لو أن الله في صدري خالق ٍ قلبي ثلاث أدوار
قدر يستوعب اللّي كل ليله تطرق أبوابه

وخصّص دور للي تآصله من نشرة الأخبار
ودور لحضرة ضيوفه .. ودور لحضرة أحبابه

ولا شفته يغيض ويمتلي همّه ودمّه حار
ونيرانه في شريانه من الأحداث شبّابه

وصلك الدور وإلاّ ما وصلك الدور .. يا بشار
علي صالح يباريك .. ومعمّر فاقد اعصابه

على ظلمك بعد قامت وثارت ثورة الثوار
زهقت .. ويزهق الباطل لا جاء للحق طلابه

يا طول رقبتك وراسك مدرمح والعيون صغار
تحسب إنك أسد غابه وجدّك نعجة الغابه !

في دم الشعب تسبح يا البطوش المجرم الجزار
لا شفت مظاهره شغلت طياره ودبابه

جبان ولا تنادي بالعروبه وانت صوتك عار
لو أنـّـك تليس الدين الحنيف تدنّس ثيابه

يسوقك آية الله يا ضعيف الدين سوق حمار
لا سلّط فوقك السيف المزيّف تلحس إنصابه

ذبحت المسلمين ولا قدرت تحارب الكفار
شعاراتك على المنبر تجي وتروح كذابه

تجمّع مجلس الأمن وترجاك وعطاك انذار
وهاذي عادة الظالم لا كابر يفتل أشنابه

تبي تسقط رغم انفك عسى مثواك وسط النار
وتقاضيك اليتامى والقضاء المحتوم ترضى به

ياحزب البعث يوم البعث وش عذرك من الجبار
ليا قامت جهنم تزهم الشيطان وأحزابه !!
"""""""""""""""""""""""""""""""""""""""""""""""""" """"""""""

حبيبي .. عيونك صمت عنها في شهر الصوم
وأبفطر في عيد الفطر معهــا .. واعايدها

أخذ لي من أطراف الهدب موعد من اليوم
عساها ما تنساني .. وتصدق في موعدها

في عيني كلام وبين عوج الضلوع علوم
و روحـي على لاماك .. ذايب توجدها

أحبّك وشوقي زاد عن حدّه المرسوم
وكم لي تجاهدني طيوفك وأجاهدها

أنا الشاعر المعطى وأنا العاشق المحروم
عطاك اللحون وغيبتك راح مع يدها !!

لي صاحب ٍ ما ربطني في طرف كمّه
ألاّ غرام ٍ فـي عينـه قـرّ ميزانـه
.
لو كنت مانيب واحد من بنـي عمّـه
الحب كل البشـر ناسـه وعربانـه !
....
يممّت لـه خاطـري واليمّـه اليمّـه
أشيل حمل الغـلا بإسمـه وعنوانـه
.
يقول شعر الغزل مـا تلتفـت يمّـه
وقصايد فـالمصايـب مالهـا خانـه
.
رغم أنه أكبر مصيبه وأكبـر مطمّـه
أزريت لا أكتب قصيدة حبّ من شانه
.
والله لو يستحي شعـري علـى دمّـه
ما كان عيّا عليـه يكوسـر ألحانـه
يا اللي تقولين عمر الشوق ماهـزّك
وأنتي من الشوق مهتـزّه ومحتـرّه
/
باين عليك الزعل يدفعـك ويكـزّك
قولي بعد ما عرفت الحبّ بالمـرّه !
.../
يا روح روحي وش اللي محرقٍ رزّك
حرام أشوف العيون الدعج محمـرّه
/
أهواك وأقـدّرك وأغليـك وأعـزّك
مير البلا معطيـات الحـبّ مفتـرّه


"""""""""""""""""""""""""""""""""""""""""""""""""" """"""""

غيّب الموت حبّك بعد طال الغياب
أحسن الله عزاك .. ورحمة الله عليه

بعد ما كان في ريعان عز الشباب
حلّ فوفه جفاك .. وبيّن الشيب فيه
...
كفـّنه بالحسايف وأدفنه بالتراب
من نسيته نساك .. وليه من غير ليه

أبشر أني بخير وخاطري منك طاب
والمحبّه فداك .. وخل قلبك نبيه

ما غدى بالنشامى غير تلع الرقاب
ينسجنّ الشباك .. مع الضمير النزيه !


"""""""""""""""""""""""""""""""""""""""""""""""""" """""""""""""