يـا مذيـع النشـره أنطـق بالحقيـقـه
لــو تجـيـب الزايـفـه مــا نعتمـدهـا
.
موجـز الأخبـار عــدّه فــي دقيـقـه
أذكـر اللـي صـار والأخبـا ر عدهـا
.
أنطلـق بالصـوت والشـاشـه طليـقـه
لـو عليهـا مـن غثاهـا طـول يـدهـا
.
يفـتـح الله يــا مشاعـرنـا الرقيـقـه
من صدوف الوقت ماتت في مهدها
.
لا تـقـول الــدمّ الأحـمـر مــا نطيـقـه
لــو نـمـرّ الميّـتـه نـفـتـش لـحـدهـا
.
هـات مـا عـنـد الـعـدوّه والصديـقـه
مـا نـحـبّ مــن العـلـوم إلاّ جـددهـا
.
الـمـراســل لا يـجـيـنــا بالـعـتـيـقـه
أزمـة المـال الجديـده وش بعـدهـا
.
بنـك ليمـان المريكـي فـي حريـقـه
مـا حصـل للمسلميـن أمـرّ وادهــى
.
أعلـن افلاسه .. ولا عـنـده طريـقـه
يستعيـد مـن المؤشـر مــا رصـدهـا
.
والـبـنــوك العـالـمـيـة مستـضـيـقـه
تبـذل المجـهـود لا ينـقـص عـددهـا
.
والـذهـب مخـطـور لا يفـقـد بـريـقـه
يـا مكافـي شــرّ الأيــام ونكـدهـا
.
لـيـن رحـنـا بينـهـم مـثـل السلـيـقـه
غلطة ٍ مـا عـاد نـدري مـن قصدهـا
.
يـا الله انـك ترحـم أحـوال الخليـقـه
تستجيرك مـن بلدهـا فـي بلدهـا !!
"""""""""""""""""""""""""""""""""""""""""""""""""" """""""
كتمت غيضي وانا زعلان
عليك مدري على روحي
/
ما ودّي أشرّع البيبان
وأعاتبك وأنبش جروحي
/
قلبي تعوّد على الكتمان
ماهوب بأسراره يبوحي
/
لا عاد تنشد من الغلطان
غلطان انا وانت مسموحي
/
حقـّك على قلبي الولهان
اللي لا ناداك ما توحي
/
أسقيتك من الغلا هتان
وقام الجفاء برقه يلوحي
/
أكرمتني والكريم إمعان
رح بلــّغ طيوفك تروحي
/
وزّع سلامي على الخلان
مالي ورا الحبّ مصلوحي
"""""""""""""""""""""""""""""""""""""""""""""" """
يا همّي ويا غمـيّ ويـا خوفـي
من معطيات الموضـه العصريّـه
قامت تسلسل للعـرب وتحوفـي
حرمـه ورجـال و ولـد وبنيّـه
تورّطـوا بالثـوب والنفنـوفـي
لبس ٍ قديـم وصفحتـه مطويّـه
والله ما سوّت بينهـم معروفـي
ماتـت تقاليـد الرجـال الحيّـه
بالمودرن راح الولـد مشغوفـي
زيّه نيو لوك ولا شفنـا زيّـه !
ودّه يجي بأوصافهـم موصوفـي
صـاروخ مـدري قنبلـه ذريّـه
والبنت تمشي بطنهـا مكشوفـي
ومركبّـه فـي سرّهـا تركيّـه !
وأنا ما غير أقصر وأمدّ الشوفـي
وأقول يا الله فـي صـلاح النيّـه
هذا التطـوّر ماهـو أبمخلوفـي
تقليـد فيـه مخالفـه شرعيّـه
وشلون أجاريهم على المعزوفـي
وأحيان أنام بغتـره وطاقيّـه !!
مالي بهم لـو ينقـز الملقوفـي
ويسجّل أسمي ( عاشق الرجعيّه )
"""""""""""""""""""""""""""""""""""""""
جهاز قلبي لو يصيح اقرب جهاز اقرب جهاز **
يرسل ولا يستقبل الا ذبذبه في ذبذبه
بيني وبين اهل الهوى تشويش واصوات نشاز **
تلعب بي الموجه واعود على الطرق العبه
انا على شط الخليج وشوف بالي في الحجاز **
ممنوع يقربني وانا بالمثل ممنوع اقربه
صعب اصله رغم العلاقه والبطاقه والجواز **
دون تهايت الوجيه الذاهبه والمذهبه
شباب مطفي وثار بين نار وبين قاز**
وانا مشبب وماهويت الا عيون المشببه
ياكثر مابيني وبينه من جبال تهاز**
لكن ياصفق الهوى ود الهوى ولاجبه
اطرز اشواقي وسيرها عليه اخر طراز**
وسلوكها سلكن يجاذبني وسلك اجاذبه
العام ثقلبي من صخر واليوم قلبي من قزاز**
ويوم انكسر صدقني وحلفت له ماكذبه
ياصاحبي ممنوع حب بيننا ولا مجاز**
ابكتبه في لوحه العشاق وان مت اشطبه
كسبتني وابشرك ناجح بتقدير امتياز**
دامك على وضح النقى حليت كل الاجوبه
مايجرح الرجال غير انه من ارجال العزاز**
يشيلها من لحيته ةيحطها فوق شنبه
""""""""""""""""""""""""""""""""""""""""""
حصرياً : هذه القصيدة ستكون في ديوان سداح الثالث القادم وستكون بصوت إماراتي .
مرثية فـ ( الشيخ / زايد بن نهيان )
الـبـيّــن الــلــي يـتّـقــي لــــو يـتّــقــي لازم يـبــيــن
لا كـشـرّت ســود الـلـيـال الـلــي تـحــدّ أضـراسـهـا
أشـيــل مـفـتــاح الــفــرج والله يـعـيــن الـصـابـريـن
مــا صابـنـي غـيـر السـهـوم الـلـي بـريـت أقواسـهـا
ملـجـاي مــن سبّـحـت بــه سـبـحـان رب العالـمـيـن
مـن خـوف خـزنـة خـاطـري تـسـري بـهـا حرّاسـهـا
مانيـب جالـس عـن جنـاب الشـعـر مكـتـوف اليـديـن
لا ضاقـت بـطـون البـحـور الــزرق مــن غطّاسـهـا
يــا الـلـي تبـثّـون النـبـا .. آمـنـت بـالـحـق المـبـيـن
دوب الـقـلـوب الغـافـلـه قــامــت تــــدقّ أجـراسـهــا
تـقـدّمــت بــــي ونّــــه وتــوّخــرت بــــي ونّـتــيــن
ـ مـروّســه وأنـــا مـــن الـبــارح عــلــى مـرواسـهــا
وأمـسـيـت مابـيـنـي وبـيــن دمـوعــي ألاّ حاجـتـيـن
وديّ بـلـقــط أنـفــاســي ووديّ بـلــقــط أنـفـاسـهــا !
يا صعبها صعبـاه لا جاتـك علـى الحصـن الحصيـن
والله لتـبـطـي بـــك تـجــول ولا تـــزول أونـاسـهــا
لا والله ألاّ راح شـيــخ الـعــرف والـعـقـل الـرزيــن
الـلــي يـقــود الـمـجـد والشـيـخـه زهــــاه لـبـاسـهـا
زايــد عـلـى أسـمـه زايــد وزوده يـكــفّ الـزايـديـن
وغـيـره حـسـاب الـزايــده عـنــده نـقــص مقيـاسـهـا
شـيـخ الشـيـوخ الـلـي جمعـهـا كـلّـهـا دنـيــا وديـــن
عـلـى النـقـا والمعـرفـه هــي سـاسـه وهــو ساسـهـا
تـشـهـد لـــه أعـمـالـه ودورات اللـيـالـي والـسـنـيـن
زيـزومـهـا لا صـكّــت الأريـــا .. بـالأريــا داسـهــا
ضـلـع الأمــارات أنكـسـر لـكـنّ عـونـك يــا مـعـيـن
قـامـت تشـايـل بعضـهـا مــن شـــرّ عـلــم ٍ حـاسـهـا
عجمـان شـال أبوظـبـي .. ودبــيّ شــال أم القـويـن
ويــوم الفـجـيـره شـالــت الخـيـمـه تـنـكـسّ راسـهــا
وجه الفضاء شاحب وصدر الارض مشحون وحزين
أظـلــم سـمــاء الـدولــه بـعــد مـافـارقـت نـبـراسـهـا
أستـغـفـر الله والـقـضـاء جـــاري وحـكــم الله يـقـيـن
يـا مـوت كـم نـاس ٍ علـى زايـد جـرحـت إحساسـهـا
عــز الله انــي عاشـقـه عـشــق الـرجــال الطيـبـيـن
الله حــبــاه بــحـــبّ بــلـــدان الـخـلـيــج ونـاســهــا
عسـاك فــي جـنـة عــدن مـرحـوم يــا ذرب اليمـيـن
يـطـرق علـيـك مـــن الـهـبـوب الـبــارده نسنـاسـهـا
للجـنـه ومـثـواك روضــه مــن ريــاض الصالحـيـن
وتــآخــذ كـتـابــك بالـيـمـيـن وتـهـتـنـي بـأونـاسـهــا
أقـولـهـا ودمـــوع الأحــيــاء مــــا تــــردّ المـيـتـيـن
مـيــر الـقــدر مـكـتـوب والـدنـيـا عـلــى مـرواسـهـا
"""""""""""""""""""""""""""""""""""""""""""""""""" """
ســداح
يا بنت حواء طموحك لو تخبيّنه
يبحث خفاه الزمان ويكشف اسراره
يومي لك الانفتاح ويغمز بعينه
وأنتي في دواّمة العادات محتاره
...
حلمك حصرتيه في موتر تسوقينه
و عيت في تحقيق حلمك شلة الحاره !
المجتمع يردعك من صلب تكوينه
غلطانه إليا سبحتي عكس تياره
لازال بعض التطوّر ما بلغ حينه
هذا هو الواقع وهاذي هي أسواره
لو عاقل الوقت يضحك من مجانينه
ما غيرت ضحكته من موجز اخباره
مالك ومال الشقاء يا اللي تمنيه
مخدومه بدون رخصة سوق سياره !!
"""""""""""""""""""""""""""""""""""""""""""""""""" """""""""""""
يا العاهل المغربي هبّت عليك الهبوب
يمكن تشيل الهبوب المملكه كلّها
دوّر للإصلاح منفذ مع وساع الدروب
وثيقتك في المحيط الأطلسي بلّها
...
فك الرباط وتوغل في خبايا القلوب
لا تكبر المعضله والمشكله حلّها
لولا المظاليم ما قامت تثور الشعوب
ما ساد من يحكم العربان ويذلّها !!
"""""""""""""""""""""""""""""""""""""""""""""""""" """"""""""""
الـمـاســنــجــر حــــدّثــــوه .. وزيّــــنــــوه
وأقــفــزوا بـــــه .. قـفـزتـيــن ٍ هـايــلــه !
.
كــل مــا يـفـرغ مــع الـوقــت أشـحـنـوه
بـالــخــطــوط الـقــايــمــه .. والــمــايــلــه
.
بـالـتـطــوّر يــهــدمــون الـــلـــي بـــنـــوه
وبــــــــارك الله بــالــيــديــن الــطــايــلــه
.
مـيـر يــا هـــنّ .. أنـتـبـه لـــه .. لا هـنــوه
لا تــعـــيـــل ولا تــضـــيـــف الــعــايــلـــه
.
فــيــه نــــاس ٍ كــــل ّ خــافــي بـيّــنــوه
لا يــــورّونـــــك نــــجـــــوم الــقــايـــلـــه
.
مــــــا يــخــشّــه عـــاقـــل إلا جــنــنــوه
وصــــار رايــــح مــنــه وإلا جــــاي لــــه
.
فـــي مـربــع صــورتــه يــــوم أمـحـنــوه
بــــدّل الــصـــوره .. بــكـــرت الـعـايـلــه !
""""""""""""""""""""""""""""""""""""""""""""""
يـا ثـروة بـلادي سامحيـنـا عــن التبـذيـر
عسـى الله علـى مـا ضـاع لـك لا يعاقبنـا
/
كبـرتـي .. وسلّمـنـاك لـلـغـش والـتـزويـر
وبـإسـمـك تغافـلـنـا الـنـظـام وتـلاعـبـنـا
/
ورحتي هباء منثور ومن يكشـف التقريـر
يشـوف التـجـاوز نـاشـب ٍ فــي مذاهبـنـا
/
نسوقك ما بيـن الهنـد والسنـد سـوق بعيـر
وحـنـا الـديـون مشـيّـده فـــي مضـاربـنـا
/
لـو أنـاّ فقـارى كـان طبنـا وتبنـا .. مـيـر
ذبحنـا الغنـاء والبـخـل غـثـرب مشاربـنـا
/
نعاتـب حكومتنـا الرشيـده عـن التقصـيـر
وتـقـول المشـاكـل كلـهـا مــن سبايـبـنـا
/
نطيـح ونعلّـق حلمنـا فــي جـنـاح الطـيـر
ونـقـوم وذعـاذيـع الهبـايـب تـطـيـر إبـنــا
/
غـلاء المعيـشـه فـاحـش ولا يـبـي تبـريـر
لا شـابـت لحـانـا مـــن يـدسّــم شـواربـنـا
/
و وليّ الأمر قال أصبروا وأبشروا بالخير
وجزنا عن الإضـراب مـن خـوف يضربنـا !
/
ألا ياطـويـل العـمـر خـذهـا بـــلا تشـفـيـر
تـرا مــن جنـابـك لا غــدا الـشـر ولا طبـنـا
/
نــمــرر مطـالـبـنـا ولا تـقـبــل الـتـمـريــر
مـا ينقـص مـن الـثـروه زيــادة رواتبـنـا !
"""""""""""""""""""""""""""""""""""""""""""""""""" """"""""""""""
12-09-2011, 11:44 PM
يــــــتــــــبع
تعليمات المشاركة
المواضيع المتشابهه
