فضفضه لا تخلي شي في قلبك - الصفحة 495 - منتديات شبكة قبيلة الغنانيم الرسمية

09-20-2012, 10:35 PM

#4941

سموالذات

كاتب ماسي

تاريخ التسجيل: Dec 2010

المشاركات: 8,015

معدل تقييم المستوى: 22

السلام عليكم ورحمة الله وبركاته ............ وبعد

والله ي اني ضحكت ضحك ما ضحكته لي زمااان

!!

الي ينشدون عني ي حبني لكم قسم انا موجود ولاني بموجود

؟

العلم ويش اشوف لي رؤوس اينعت وحان وقت قطافها

نعنبو بعض العرب ي رياجيل يجيك رمه حتى في هرجته

طشيتو راسي قعدت اقرا كل الي فاتني وشفت العجب

المشعاب عساك للمشعاب الي يوقع على خناعك الا
انت وش تبا بالناس يومنك طايرن في حلوقهم هع هع
بالنسبه لأيميلي وحركات التهكير عندي مناعه ابديه
ومعلومات عني والله لتبطي عظم ي بابا كان غيرك اشطر

ودي اعرف الحين الحين انا والمستلبد مطلوبين امنين
ولا مستهدفين شخصياً ؟؟ ي حبكم للفضول والتحشر

فيه ناس يازون بين العصا ولحاتها

المهم حركات الصبيان تراني ماني بحبها

في فترة غيابي ذي تعرفت على صومالي متجنس سعودي

الحنونه والحره تشكراتي لكما على حسن الخلق وعلى كل شي

انا جيت يالله حيني

بس فيه شغله غريبه مدري احد لاحظها او لا ؟؟

يالله انا كنت هووون وبرجع لكم بعد شوي

لحظه نسيت اقول شي للمستلبد يخي انت (اسطورة) بث

__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)

09-20-2012, 10:55 PM

#4942

المستلبد

كاتب متميز

تاريخ التسجيل: Sep 2011

الدولة: في خط الاستواء الجاف وسط الصبخاء

المشاركات: 460

معدل تقييم المستوى: 14

هههههه يالله حيه لو تأخرت يوم ماجيت بلغت عنك لجنة الفساد واشبك اسمك مع المراعي في الغش التجاري
لاتروح تصرف المطلوب امنيآ مغير انت ألحالك وابشرك مطلوب حيآ او ميتآ واما انا اجودي وينتصلا على طرف ثوبي حتى انشد عاشق المرقاب والمشعاب وخالد والحنونه وحره والسربوت هههه وانا محد يبغا مني غير اني اخثرق عليكم هنيا
وتكفا انا طالبك عرفني على الصومالي المتجنس سعودي اللي تعرفه علشان اعرفك على السعودي المتجنس صومالي عندنا هنيا ههههه
وتبا الصدق تراني نشدت عنك وقلت طيب الذكر الله يرحمه وماجورين واقلط الله يحييك ودي اعزمك للعشاء بس العامل الماخوذ اليوم مطعمن الغنم عن ابو سعيبيله وسرحبها ولاعود ليا هالحين بس الله يحييك في موضوع لي في المنتدى خلنا نتنقدبه لبكره تضوي الغنم وندور الي ماتطعم ونذبحه
والله اليوم خامتني على الترحيب من الصبح وابرك حزه يوم الله جابك ويالله انك تحييه ودي اسرد الترحيب للصبح بس مافي الخاطر لاتكفيه الصحف

__________________

منتديات قبيلة الغنانيم

09-20-2012, 10:58 PM

#4943

المشعاب

كاتب مبدع

تاريخ التسجيل: Dec 2011

المشاركات: 745

معدل تقييم المستوى: 13

هههههههههههههههههههههه
مساءالخير يربع
يخلود لاتحرجني بها الموضوع
المستلبد تراه في وجهي ماعد اتعرضه مره
بس انت شكلي بشرشحك شرشحه
هههههههههههههههههههههههه
مبروك التطور في ظلم الظاهر حاسدني على شي بغيت اجيب العيد
امس في الدوار الجديد الي من عند محطة شرار الله يقلعها من ديره
كل الي يسوق فيها بنقاليه متخلفين مافيها سكان قلت شكل خلود داعن علي اني اصدم في هادوار
هههههههههههههههههههههههههه
وبعدين ماتبيعوني البطحى الي دايم مزبوره في الكبري حقكم ابا اجيب شيول نواف سجى
وابخذها عندي عماره استثماريه في عفيف علشان تستاجر عندي انت وسمو الذات
هههههههههههههههههههههههه
سمو الذات ليش منزعج مني وايد بس حبيت اوسوس بكم شوي بس يكون في علمك جميع ماطرحته هنا عن جميع الاعضاء صحيح 100/100هذا ليس كره لهم بل حب استطلااع لحياتهم الدنيويه
وبالنسبه لامتلااكي عنك اسرار تقتضي الكشف عنها في الوقت الراهن ولايمكن ان اطرحها هنا يعني تطمن
هههههههههههههههههههههههههههههههه
يمقن اغادر الفضفضه وش رايكم يشاطرين

__________________

منتديات قبيلة الغنانيم

09-20-2012, 11:14 PM

#4944

المستلبد

كاتب متميز

تاريخ التسجيل: Sep 2011

الدولة: في خط الاستواء الجاف وسط الصبخاء

المشاركات: 460

معدل تقييم المستوى: 14

ههههه ياخالد حده على الجرف وجنب عنه لان معي خيط مكره ابغا اعطيهياه علشان يتجود فيه واطلعه هههه والببغاء ان كان يجي نسله حبارى عطنيه ابغا اهده في الحلال وذكرتني مقطوع الطاري الي كان عندي ماحفظ من العلوم غير خضير وخلوها لان لونه اخضر واناديه خضير والمبلي انعقد لسانه عليها ثم عانه عاقبني كل ماطلعت من الغرفه قالها ورا بعض خضير خلوها وكل مادخلت الغرفه عرضنيها وفضحني في العيال كل من جاني قالها له وتالي كربزته عسل طبيعي وخالطه بشوية غراء لين راح لسانه يتلاصق في منقاره وماعاد يفصح الكلام وعودت جلبته على اول سومه وكل من نشدني عنه قلت مخثرق ولايصلح وعان اخوي الصغير معاقبني يبغا غيره ودورلي واحدن ابلم مايعرف يهرج وعلمني فيه

__________________

منتديات قبيلة الغنانيم

09-20-2012, 11:26 PM

#4945

سموالذات

كاتب ماسي

تاريخ التسجيل: Dec 2010

المشاركات: 8,015

معدل تقييم المستوى: 22

البقا البقا ي المستلبد اي خابرك موتني من عقب الشيله ذيك

اجل انا اقشر ماني بأجودي وكل شوي ناقزن لي في حلق واحد

يقول انت اجودي ي وجه الله <<<

لا ما ابالك ذبيحه محتمي عن اللحم >> ابو سعيبيله

المشعاب لا والله يخوي بس فيه اشاء غثيثه هنيا

المعلومات خلها في بطنك عساك للماحي الا << ذل

برب بروح ادور لي عيشه اكلها ما عندكم غار الجوع

وبعدها بدور موضوع المستلبد الله يستر منه << خابره نكبه

__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)

09-21-2012, 12:14 AM

#4946

المشعاب

كاتب مبدع

تاريخ التسجيل: Dec 2011

المشاركات: 745

معدل تقييم المستوى: 13

كركركركركركركركركركركركركركر
اعزائي المشاهدين زاتو ماقدر اتكلم مع سمو الزات
قتليك اني بحبك مثل القمله الي عندنا هنا
اي اي اي
مجرد لهجه سودانيه
ههههههههههههههههههههههه
اليله السمره سودانيه

سودانيه شاركت في مسابقة ملكة جمال العالم.. فازت بلقب نجاتيف الملكة!

سوداني يدرس مسائي انطفت الكهرباء .. سجلوه غياب.

سوداني إنضم للقاعدة قالهم .. عليكم الله تحطوني في الخلايا النائمة

* سألوا سوداني: أيش يعجبك في قصص الأنبياء والصالحين؟ قال: والله كلها عبر وحكم .. وبالزات قصة أسيادنا أهل الكهف
يا سلام عليهم... كبسوها نومة تلاتمية سنة.

* شاعرسوداني:
زاتي انا ماقادر اقيف عن حبك وزاتك انت ماداير تهتم بيهو

وزاتي انا برسم ليك خط بدربك وزاتك إنت لازم تمشي عليهو

عليك الله ماتحلف بربك حبيبك كيف ما ترفق عليهو

سوداني تثاوب .. قالتلو زوجته: دامك فاتح فمك صوت للعيال (يعني نادي للعيال) ....

سوداني جالس مع لبنانيات سألوه : وش جلسك مع الورد.. قال: والورد ماداير سماد ؟

* سوداني جاله ولد أبيض عيونه زرق شعره أشقر سماه.... المستحيل بزاتو

سوداني جاه شلل مادرى إلا بعد تلت أيام <------- كان نايم .

سوداني شاف زيتونه قام يصيح .. تذكر أيام الطفولة

سوداني كسلان شاف ولده يغرق .. قالو أنقذني !! قال له أبوه: ما بدك تموت شهيد ؟

سوداني مات ليش ماله خلق يتنفس

سوداني يأذن وهو منبطح ليش؟ علشان المايكرفون طايح

سودانية رايحة المدرسة ونافشة شعرها ليه؟ أسبوع الشجرة

سودانيين سرقوا بنك.. تعيجزو عند عد الفلوس (تكاسلو يعدو الفلوس)قالو : آآي بكره نعرف من الجرايد

سودانيين بدن يعملو فريق كرة قدم .. تخانقوا على الإحتياط
خخخخخخخخخخخخخخخخخخخخخخ
يحبي لكم يخوانا السودانيين
والله ابغي اروح لسودان تمشيه من يخاويني
هناك يجماعة الفضفضه
بس تراء السياره ماتجمل شاص ابو شنب
القديم تحملو المطاب والتعب
هههههههههههههههههه

__________________

منتديات قبيلة الغنانيم

09-21-2012, 12:51 AM

#4947

عاشق المرقاب

كاتب مبدع

تاريخ التسجيل: Mar 2012

المشاركات: 682

معدل تقييم المستوى: 13

مساء الخيرات

منورين يالربع مبطين عن هالسوالف الزينة اللة يسعدكم

__________________

منتديات قبيلة الغنانيم

09-21-2012, 02:11 AM

#4948

خالد قايل الغنامي

كاتب متألق

تاريخ التسجيل: Sep 2008

المشاركات: 1,491

معدل تقييم المستوى: 18

خالد قايل الغنامي is on a distinguished road

تراها في ذمتك انكم بعتوه
اقسم بربي انى معلمن الاثول قايلن له لايبيعه
لان اصله افريقي
والافريقي
مايردد بل يحفظ
وسمته منه بلفين وخمس مير علمه لى لحش عراقيبه
الخبل اللى عندى اخذته بربعه ونص
وجابلى الصمرقع
بما انى ساكن في حى الخراريص
حفظته اسم قبيلتهم
وعانه كل صبح مصبحهم
مغير ينادى خراريص خراريص

__________________

الغـــــــنــــ gzk2007 ـــامــي

09-21-2012, 02:36 AM

#4949

المستلبد

كاتب متميز

تاريخ التسجيل: Sep 2011

الدولة: في خط الاستواء الجاف وسط الصبخاء

المشاركات: 460

معدل تقييم المستوى: 14

انا مادبل كبدي غير علشانه من افريقيا لان اللون الاسود كله ماادانيه انسان ولاحيوان وهذ خضر بس عفته من علومه اجي تعبان ابغا ارقد ويروح يصايح خضير خلوها ثم قمت عليه نهار زعلان وحذفته في الشارع وقلت اذن تجيه تريله ويقوللها خلوها المهم جاه مقرودن من جيرانا ورجعه للبيت ودسوه اخواني عني اسبوع ثم اشغلنا بالمحاورات يفجر راسي اخوي بالساحه لين اخر الليل ويجي هذا ويكمل لين الصبح ثم حلفت اني لذكيه وعود اخذه اخوي للطايف مده وباعه من عنده وانا مناكرني مايدانيني والكلام اللي اقوله له يسفهني مايقوله
بس ابشر بالعوض عندي تيس عارضي اذانيه هطل ماتشتريه

__________________

منتديات قبيلة الغنانيم

09-21-2012, 04:54 AM

#4950

خالد قايل الغنامي

كاتب متألق

تاريخ التسجيل: Sep 2008

المشاركات: 1,491

معدل تقييم المستوى: 18

لايكون التيس اللى يسرق القصيد
ههههههه
المهم البغبغاء
انباع يعنى معاد هو براجع
حسبي الله علاكم انتم جبتو له نفسيه
كل ماجاب شي قمتو تزرون عليه
حسبي الله علاكم
انا ناشدن البغبغاء اللى عندى وقالى اعرفه وعرف ديرته من وين ومن اى قبيله فى افريقياء
والمشكله بغبغانكم جايبله علمن موب صرى هههههههه
وبغبغانى ثقه ههههههه
انت منتهى
مير استغل مخك ابرك لك وربي

__________________

الغـــــــنــــ gzk2007 ـــامــي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
متى يطمئن قلبك	غيوم نجد	المنتدى الإسلامي	7	03-29-2012 04:33 PM
دع الشمس تشرق في قلبك!!!	الحنونه	القسم العام	28	11-11-2011 05:35 AM
كيف تجعل قلبك يخشع في الصلاه	كنترول	المنتدى الإسلامي	10	03-19-2011 08:43 PM
آبكي ولآ تجعل قلبك يشيخ بآلكتمآن	الحنونه	القسم العام	2	08-24-2010 05:04 AM
3حروف قد تلين قلبك	أبو خالد	المنتدى الإسلامي	5	07-24-2010 09:19 PM

		منتديات شبكة قبيلة الغنانيم الرسمية > الأقسام العامة > الــصــيـوان واستراحة الأعضاء.
فضفضه لا تخلي شي في قلبك

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules