مساء الخير لجميع قروب الفضفضة
المستلبد----شكرا للمعلومات المختصرة عن الموضوع ولكن مدري ليش الباقين كاشين مني يادافع البلاء ماحد يتجاوب معي غيرك ماني بعبع ولا سعلوة ههههههههههههه تراني ابن حلال وقلبي طيب ---وكمان صايم ههههه

حرة على كف صقار----تراني احب امزح معك عشانك تنرفزين بسرعة وردودك تضحك اذا ارتفع ضغطك لاتفسرين اسلوبي معك انة استهتار بشخصك او ماشابة --لا واللة اخت عزيزة احترمك واقدرك ولكن لا يمنع ذلك اني ارفع ضغطك شوي هههههه --اسمك لية مكون من اربع كلمات حرة-على-كف-صقار--هالاسم الطويل نسجل بة اربعة اعضاء جدد ههههههههههه-----يذكرني باسماء الشركات(شركة الحمراني والسليماني المتحدة) بس خسارة انفصلو
لاتصيرين قعفة ههههههههههههههههه

المشعاب------مسوي هاليومين حركات يعنني خطير واعرف اللي تحت الارض--علومك مثل برنامج Number book اللي مايعطيك الاسم الحقيقي لصاحب الجوال ولكن يطلع لك الاسم الاكثر حفظا ----يعني انت الحين اسمك مشعاب بيك-مثلا- وخزنت رقمك عندي باسم (قطلة) وكذلك المستلبد مخزنة بنفس الاسم وعند البحث يطلع اسمك(العجراء) لانة الاكثر حفظا من اصدقائك ههههههههههههههه --- معلوماتك اللي جمعتها من كل شن رقعة مستحيل كل صحيحة-- يعني معلوماتك لاتنفع ولا تضر عساني جاسوس مزدوج وتبي تبلس علي وبعدها يعدموني -يرحم والديك-لاتكشف امري (لا تصدق) --بعدين لو عندي شي ابي اهايط بة عن نفسي كان انا اولى اني اطلعة --بس الحمد للة مااحب المظاهر والبهرجة والهياط--بعدين وش تبي بالبنات تجمع معلومات عنهن هاااااااااااااة الظاهر تبيلك رمعة بمشعاب زيك على القلة لين تعقل ههههههههههه-هذي مسموح فيها شكرا نعرفهن تراهن من جماعتنا غناميات ماجبت جديد
وبعدين انا اعرفك زين مازين يامشعاب وعندي معلومات كاملة عنك وقد تخاوينا انا واياك وقد فزعت لي وافتكيتني في كثير من الهوشات اللة يجمل حالك -وقد تكمخت بك وانحذفت فيك وابوي كان يقنص بك ويحذف بك الارانب والجرابيع واللة زمان يامشعاب(ماقصدك اقصد المشعاب اللي هو عصا خشبي) مادام كفشتك وش رايك تغير نفسك وتصير (عصا ماوكلي) ماحد قد جربك او مريت علية هههههههههههههههههههههههههههههههههههههههههههههههههه هههههههههههههههههه
الحنونة ------مشكورة طال عمرك ومنورة الفضفضة بوجودك --بس انتي اقل وحدة بالقروب في المداخلات احس انك ماتحبين سوالفنا وزارية علينا وعلى شخابيطي --قالو لي هالزاوية للفضفضة والوناسة وسعة الصدر وجيت مدرعم من كثر حبي لسعة الصدر والوناسة وهذا طبعي ماحب التصنع والتكلف والتثيقل --بس الحمد للة ماني مخفة --ههههههه-وبعدين امدحتس واتحمد لك على السلامة بعد طول غياب ولا تقاويني وتكسحيني لكن يصير خير المرة الثانية اذا رجعتي بعد طول غياب ابا اكتب لك (اجل انتي منقطعة .من متى.مادريت.ومتى جيتي.مافقدتس) هههههههههههه -اكيد بتردين بعدها على طوووول طلايب وهواش(ياجليل الحياء يالي ماتستحي) على قولة الممثل الكويتي (النفيسة) اللة يبيحة
ههههههههههه-اكيد حرة ارتاحت يوم غيرت الموجة عليك ----------اتغشمر معك ترى لا تصدقين-- الظاهر هذريت من النوم مدري وش اكتب
تبوني اخثرق معكم والا انخمد ارقد