مسري على وطلال مشاري والله اني كنت اثق فيكم واستامنكم على عوايزي واثركم سراقة غطوة البرميل اللي ادورها في كل مكان
واللي اكبر منها تستخدمون الشعر في مصالحكم الشخصيه
واحد يقول :
نبا العشاء مندي وعلم خويك ×× قدام لافقش روسكم بالاثافي
والثاني يقول :
لازم تعلمنا بساعة مجيك×× حتى نجيب العذر للضيف كافي
كلها شغلة خطاره في خطاره
وما سمعتو اللي يقول :
ادوختنا من عصر نسمع دويك ××××× واثرك مركب قدر والقز طافي
الليل ظلم وانت تســـــلخ طليك ××××× ابا انسدح وارقد وادبل لحافي
والا الثاني اللي جاني بعلوم ما اعرفها ويوم نشدته قال هاذي حداثه وازريت احفظ منها شي المهم فيها الشمش تحظن الملوخيه والقمر يشرب فنجال الثرياء والنجوم تراجع مستشفى السعودي اللماني وعلى ها الموال
الهم غطوة البرميل هاتوها لاسكيكم على زراعة عفيف واقول عانهم يطبخون على الحطب ويتسببون في التصحر ويسرقون غطاوي البراميل