حل المفارق وحنا عنه في غفله = شاء القدر وافترقنا وزادت أحزاني
خمس السنين اقبلت واقفت وهي عجله = ياليت نقدر نرجع عمرنا ثاني
فرقاك ياصاحبي والله مهي سهله = الله عليم بحالي كيف أنا أعاني
مجروح من بعدك وصابتني العله = والصدر ضاق ولذيذ النوم جافاني
قلبي يحبك ودمع العين يشهد له = مامر يومن وطيفك فيه خلاني
أدري ساعات الفرح دايم وهي عجله = مامداني أفرح بدنيا ألا وتعداني
ضاع الفرح بعدك ونسيت انا شكله = خيم علي الحزن والشوق بكاني
العمر لو يرجع أرخص كل شيء لجله = ودي أشوفك يامحبوبي وتلقـاني
أذكر زمان مضى خــل وفى لخله = غلاك ماني بناسيه ولا تنساني
وجعل السعد دربنا ياصاحبي جعله = ويوفقك ربي لتحقيق الاماني