السلام عليكم ورحمة الله وبركاته


بحكم اني عضوء جديد وجاي مطفي النور على ما يقولون وحصلت لي مسبه وراح اقبلها بصدر رحب من اخواني.


بصراحه اخاف تزعلون إذا قلت إن هذا تطفل خصوصاً وانا مبتدي ولاني بحجم كاتب الموضوع ولا اللي رد عليه

لكن اتمنى تقبلون مني وجهة نظري


بالنسبه لي افظل أن اكون باسم مستعار لماذا ؟

لا لعدم ثقة في نفسي لكن لي اهداف واهداف نبيله وليس كما يظنه من يظن السوء باخوانه.

وهدفي هو الحصول على صداقات بعيده كل البعد عن الحزازيات التي يعلمها الجميع فمن الممكن ان اتحدث لشخص لم اكن استطيع التحدث معه بسبب خلافات قديمه مضى عليها الزمن واغبر.

السؤال الذي يطرح نفسه هو ماذا تريد من اسم هذا العضوء في المنتدى.
اذا قلت لي التعارف والالتحام فقف قليلاً وتامل صدقها وهل هدف هذا المنتدى هو التعارف اكاد اقسسم لو فتح موقع للتعارف لما رأيت عضواً واحداً انما هو الفظول.

الهدف من الموقع ليست الاسماء الحقيقيه للاعظاء بل تاريخ القبيله وتقاليدها واعرافها وقصائدها واخبارها.
وهناك قسسم به اخبار ابناء القبيله زواجات وفيات حفلات ترقيات تهنيات وباسماء حقيقه.

فماذا تريد من الاسماء الاعظاء او ماذا تستفيد لاشي تستفيده ابداً حتى ولو علمت من هو .
الان وقد تابعت هذا الموضوع وجدت ما يلي :

انا اسمي فلان بن فلان بن فلان تحقيق قال ونعم فيك وفي ابوك وفي جدك يعني ياطيبك يوم قلت اسمك وهذا كانه محتاج احدٍ ينعم له واللي باسم مستعار ماله نصيب ههههههه

طيب وبعدين هذاك قلت ونعم وش صار ولا شي: فيه تقدم في تطور فيه شي استفدته من اسمه الحقيقه انك عرفت انه فلان اللي كان فيه مشكله بينكم ولاعاد رديت عليه ولاعاد كلمته بعدها
الحقيقه انك عرفت ان سنه صغير وشفت نفسك عليه
الحقيقه انه ما هو من جماعتك القريب وبعيد وليش ادخل معه في حوارات مالي فيها لزوم



صدقوني هذا التطفل خاطئي ويقلل من الاهتمام بالاعظاء : ياخوي اتركوا الناس في حالها انت عامله بافكاره باسلوبه بطرحه وقيّمه باللي يستحق اذا كان باسمه الحقيقي او باسمه المستعار .

هذا شي راجع لحريته الشخصيه وانت بتجبره لا وتسب تقول مو واثق في نفسسسه وش دخلكم بالناس يامال الغنيمه

اتمنى من القائمين بهذا المنتدى حذف هذا الموضوع بعد النظر فيه بعين الاعتبار

لان من الواجب التفاعل في مثل هذي الاخطاء الغير ملحوظه

وسامحوني


والسلام عليكم ورحمة الله وبركاته