ديــــوان الشاعر /ســـداح الغــنـــامي العــــتيـــبي - الصفحة 10

02-17-2012, 12:43 AM

#91

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

نعود بقصيده لشاعرنا المبدع /ســــــــــــداح

يا مـلّ قلـب ٍ مـلّ ف الصـدر واحتـار
__________ينضـح ومجـرا الـدم يـدفـع نضيـحـه

كبير عرض وطول وضلوعـه قصـار
__________وأن ضاق ما ضاقت عليـه الفسيحـه

مـا كـنّـه ألاّ فـيـه .. صـفـارة إنــذار
__________أجاهـده مـع كــل نبـضـه وصيـحـه

وأحايـلـه وأعطـيـه تبـريـر وأعــذار
__________وأفلـح علـى نهـج الوجيـه الفليـحـه

جـاك الـبـرا مــردود للشـعـر شـعّـار
__________يـا معشـيّ الشاعـر لسـان الذبيـحـه

لي نظرتي ما بين .. وجهات الأنظار
__________ولاهي على كـل النواحـي صحيحـه

أشـدّ حبـل الفكـر مـن شــان يـنـدار
__________يطرقنـي الهـاجـوس لاهــبّ ريـحـه

تعبيـر والتعبيـر عــن صـايـر ٍ صــار
__________أرفـع نظـرهـا واعتبـرهـا نصيـحـه

من موجـز النشـره لتفصيـل الأخبـار
__________الوقت جـارح .. والنشامـى جريحـه

والمجتمـع شرايحـه .. سـرّ وإجهـار
__________شريحـة ٍ تضحـك .. وتبكـي شريحـه

يا ربّنـا الأخـلاق فـي هـدم وإعمـار
__________علـى ثبـات رضـاك بغـضـك تزيـحـه

أهـل العقـول الراجحـه مالهـا كــار
__________وأهـل العقـول الفـارغـه مستريـحـه

جنـايـز ( الأســرى ) تـسـلّـم لـقـبّـار
__________وحنّـا نسلـهـم مــع عـيـون المليـحـه

ننقز على الطبله ونرقص على الطار
__________واللـي يطيـح نصّـوره فــي مطيـحـه

خيبه وشقّ ستار .. يـا سوبـر ستـار
__________جيـتـوا تـجـروّن الـخـزا والفضـيـحـه

مربـاك ف الجنّـه ومـثـواك ف الـنـار
__________يا اللي كسبت من الفواحش مديحـه

يا كبـر شرهتنـا علـى حاكـم الـدار
__________مـنّـصـب الـمـتـرديّـه .. والنـطـيـحـه !

__________________

منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات

للشاعر الكبير /فلاج بن عبدالله بن دخيل الله بن طايل بن نافه

02-25-2012, 12:28 AM

#92

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

مرثيه في الشيخ المرحوم/عريمط بن براصي بن نافه الغنامي رحمه الله

قالها الشاعر حين وفاه جده هو الشاعر:
ياسر بن بندر بن مدوخ الغنامي
الملقب: سداح العتيبي

مواكـب الحـزن تمشـي مـن مكـان لمكـان
الـمــوت يقـتـادهـا .. والـصـبـر يبـرالـهـا

**
تفتـح صـدور العـبـاد ولا عليـهـا ضـمـان
إلـيــا تمـثـنـت قـلــوب الـنــاس تغـتـالـهـا

**
يـا مـرسـل التهنـئـه بالشّـمـع والشمـعـدان
أرجــوك كـــلّ التـهـانـي قـفّــل إرسـالـهـا

*
مـع خالـص الشّكـر والتقـديـر والإمتـنـان
مـانـيـب ويّـــا عـلــوم ٍ جـيــت مشتـالـهـا

**
وشلون تنقز كذا .. يا هلال شهر رمضان
أستغفر الله مـن ( وشلـون ) مـن قالهـا ؟

**
مـن يـوم هلّيـت هلّـت يــا الله المستـعـان
صـواعــق الـعـلـم فــــال الله ولا فـالـهــا

**
هـــزت كـيـانـي وخلّـتـنـي بـلـيّـا كــيــان
أجـاهــد الـــروح لـيــن يـهـيـد زلـزالـهــا

**
مــع دخـولـك قـبـل نــورك عليـنـا يـبــان
والـوف قلبـي .. ونفـسـي وابــري حالـهـا

**
وأنــا عيـونـي هزيـلـه والمـدامـع سـمـان
يـــا لايـمـيـن الـعـيـون مصـابـهـا جـالـهـا

**
خلوني أربط على صـدري حـزام الأمـان
وأدعـوا لـي الله يجيـر النفـس مـن حالهـا

**
فقـدت راس ٍ عزيـز ومـن طـوال اليمـان
قـامـت عـلـيـه المـنـيّـه تـطــوي حبـالـهـا

**
فـقـدت وجــه ٍ كـريـم وهيـبـة ٍ مــا تـهـان
فـقـدت نـفـس ٍ تـحـوز الـمـدح بخصالـهـا

**
فقـدت رجـل المعالـي مـا ضـرا بالطمـان
فقـدت نـسـل الـكـرام ومـضـرب أمثالـهـا

**
فقـدت تاريـخ حافـل مـن سـجّـل الـزمـان
فـقـدت مــن سيـرتـه بالـطـيـب منـزالـهـا

**
وشلون أبرثيه وعشري عقـب فقـده ثمـان
وقصيدتـي عـن فقـيـد الطـيـب يرثالـهـا !

**
عسـى المراجـل بعـد موتـه تجـار وتعـان
المـرجـلـه فـاقــده واحـــد مـــن رجـالـهــا

**
هلّت عليـه المنابـر دمـع .. مـع كـلّ آذان
إمـــام ربــعــه .. ومفـتـيـهـا .. وخـيّـالـهـا

**
وتبكـي علـيـه النخـيـل اليابـسـه واللـيـان
والــبــن والـهـيــل والــدلّـــه وفـنـجـالـهـا

**
ويبكي عليه الكـرم عقـب إنفـلات العنـان
راعـيـه يــوم الـمـكـارم محـتـمـي جـالـهـا

**
والشعر يبكي وينشـد عـن فصيـح اللسـان
ومساجلاتـه غشاهـا الـحـزن وأومــا لـهـا

**
فـيــه الـتّـقـا والـنّـقـا والـعـقـل والإتـــزان
والسـيـره الطـاهـره رامــت لــه وطالـهـا

**
عسـاه مرحـوم يــوم الحـشـر والإمتـحـان
ومجـار فــي سـاعـة ٍ مــا تـامـن اهوالـهـا

**
في ظل ربه وينعـم وسـط خضـر الجنـان
يـظـلّــه بـرحـمـتـه ويـعـيــش بـظـلالـهــا

**
الله يغسـلـه مــن ذنـوبـه ويـبـقـا مـصــان
ويعتـق مـن النـار يــوم الخـلـق بأعمالـهـا

__________________

للشاعر الكبير /فلاج بن عبدالله بن دخيل الله بن طايل بن نافه

05-31-2012, 01:41 AM

#93

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

قصيدة لشاعر الكبير /سداح
ياسر بن بندر بن مدوخ الغنامي

غنيّت من هاجس طرا في بالـي

هاجس ليا غنيّت له غّنـا لـي

لا فرّ دولابي .. وهـزّ اشواقـي

جريّت صوتي فـالطويل العالـي

من تحت رجلي يوم تاطا واطـي

ومن فوق راسي غترتي واعقالي

وفي عظم مخي شاشه وطباعـه

وبين الضلوع الحدب حاسب آلي

شاعر وسط في مركزي متوسط

حالي على قدّي وأقّـدي حالـي

ما اقول أنا راع الحصان السابق

لاشك مع عج الرمك .. خيّالـي

ومثايلي .. ماهيب دايـم جزلـه

وان جيت امثّلها كثيـر أمثالـي

مير العصا اللي في يدي عصايه

والوسم وسمي والجمال أجمالي

أقودهـا وأسوقهـا .. وأغنـيّ

والله يجملّهـا مـع الجمّـالـي

أرضى بنقـد الناقـد المتمـرس

الواعي اللي ماعليـه اشكالـي

واصدّ عن هرج الهبيـل الحاقـد

اللي يصب المرّ فوق الحالـي !

أنا سمعت أعـن الزمـان الأوّل

وأنـا تحديّـت الزمـان التالـي

لي لابه وعزوه وربـع وديـره

ماني مع جـرد الفيافـي جالـي

تاريخ ثابت والعرب تـدري به

يوم الهلالي .. يحتميه أهلالـي

أرد عن خالي سوالـف عمـيّ

وأرد عن عميّ سوالـف خالـي

والطيب أحبّـه واحتـرم جلابـه

وأدورّه بـجنيـه وإلاّ ريـالـي

وعلى سلومي ما تضيع علومي

ووصاة ابويه شلتهـا لـعيالـي

والناس خلق اجناس لكن يبقـى

اللي عليه العلم .. راس المالـي

من سبنيّ من شان قولٍ قلتـه

لسانه اللي يفرده وش قالـي ؟

أمّا رضيـت بـحقّـه ومعدالـه

وإلاّ عليه الحـقّ .. والمعدالـي

ماهـوب مفنينـي ولا محيينـي

لا قام يركـز ساقـه ويبرالـي

أمرٍ طبيعي لـو تغـار الحرمـه

مير البلا من غيرة الرجّالـي ؟

تموّا على كسب الجميلـه تمـوّا

ماعاد تنفـع حيلـة المحتالـي

الله يكثـرّ خيـركـم ويديـمـه

فازوا بـالأولى محتمين التالـي

استغفر الله يـوم أعـدّ ذنوبـي

وأضيق لا ضاق الحبيب الغالـي

بيني وبين الحب وقفـة خاطـر

خلاني أعـدّ الهجـوس لحالـي

يا اللي وردت الجمّـه المردمّـه

راحت حبالك تلتوي فـحبالـي

صدّرت عنها والخواطـر طابـت

اللّه .. ولا دلو ٍ تطـقّ الجالـي

__________________

للشاعر الكبير /فلاج بن عبدالله بن دخيل الله بن طايل بن نافه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صقر النصافي	الصريـح	منتدى الشعر والقصص الشعبية	6	02-08-2013 02:08 PM
الشاعر العملاق في سيرة بسيطة في جريدة اليوم	سعود بن منيف بن نافه	منتدى تاريخ وديار قبيلة الغنانيم.	10	02-14-2012 12:16 AM
الشاعر ملفي المورقي للعبيكان: الدين ما فيه الحياء والمجامل	الصاعق	منتدى الشعر والقصص الشعبية	3	09-18-2011 04:38 PM

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم > دواوين شعراء الغنانيم
ديــــوان الشاعر /ســـداح الغــنـــامي العــــتيـــبي

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules