السلام عليكم ورحمة الله وبركاته

اعضاء ومشرفي منتدى قبيلة الغنانيم

يسعدني ان اضع بين ايديكم مجموعه من قصائد

الشّاعر
عبدالله ابن عون

وعسى ان يكون اختياري جيد


يامل قلـبٍ يسـج وفيـه دولاجـه=من هاجساً بالظماير قـام يدرجّهـا
في معزلاً عن جميع الخلق وزعاجه=ماسمع من الناس لو تكثر لجالجّهـا
ما غير ادوج تقول مضيعاً حاجـه=واخذ و سنّد على روحي وهرّجهـا
ودوج لو كان ما رجلـي بدواجـه=ادلـه النفـس ليـن الله يفرّجـهـا
يالله يالي بيدك الضيـق وفراجـه=ياخالق الخلق ياقاضـي حوايجهـا
تفرج لعينٍ اليا غضّـت بسوهاجـه=تجهزعليها الطواري لين تزعجّهـا
بالصدر ضيقة ونوم العين هملاجه=عينٍ من العـام والسهـر متولجّهـا
نوبً سهرها شديد ونـوب نهاجـه=مراً تكن الدمـوع ومـرّ تزهجهـا
عليك ياللـي بقلبـي كـن وهاجـه=وهاج نار هوى الغربي يسارجهـا
راعي ثمانن كما الياقـوت لعّاجـه=كن البرد يوم تضحك في مفارجهـا
ياروح روحي وجرح القلب وعلاجه=الطف بحالاً عليك الهـم ساهجهـا
قلباً يناجيك باسلوب الهـوى ناجـه=يشكيلك الحال داخلهـا وخارجهـا
اما التفت له وتم الوصـل بمواجـه=والا بلا عشرتـاً هـاذي نتايجهـا
وش ينفعك من حنين القلب وخلاجه=وجروحاً اسبابها انـت ولاتعالجهـا


القصيد الثانيه:
قصيدة : ياهل الجيوب السارية دورو لي

هذي قصيدة قالها عبدالله بن نايف ابن عون

في اخوه الشيخ سطام بن نايف بن عون رحمه الله قبل وفاته


ياهل الجيـوب الساريـة دوروا لـي=خطاً يوقف بـي علـى بيـت سطـام
مـاوالله استانـس اذا ضـاق جولـي=الا اليـا جالـه علـى النـار همهـام
اليا قام نجره يزعج الصـوت حولـي=واحيا السمر بألحاق الابـرام الابـرام
لـو هـو يذكرنـي قديـم الفعـولـي=اللي غدت مثـل الهـذاري والاحـلام
فعول الرجال اللـي تشيـل الحمولـي=نطّاحت الكايـد مفاريـس الاخصـام
وليا ذكرت افعـال هـاك الزحولـي=ربعاً تقافـت دونهـم جـرد الاعـوام
اخـذ شـوي مغيبـن فـي ذهـولـي=يعرض لي الماضي كما عرض الافلام
بأطياف ذكرى فـي خيالـي تجولـي=تطوفبـي بيـن الحقايـق والاوهـام
دنيـاً تـزول وماعليـهـا يـزولـي=الباقـي الله وأفضـل الخلـق مـادام
ياحـيـف ياتفريقـهـا للشمـولـي=تنشـر بيارقهـا علـى كـل مقـدام
وتاطا كبـار الجـاه وطـي النعولـي=لين القضـا فيهـم غرسنابـه السـام
هـذي منازلـهـم خلـيـاً تهـولـي=ترثالهـا فـي هـاك الايـام الايـام
بلاقعـاً شـهـبً خلـيـاً محـولـي=تبنيبهـا هـوج الدواليـب الاســوام
عقب الجهام وعقـب هـاك النزولـي=تقـول محـدن حـل فيهـا ولاقــام
طرفي بدمعـه يـوم اجيهـا همولـي=تقـرب محاظيبـي ولانـي بـمـلام
اذكر طربهـا قبـل عشريـن حولـي=قـدام تزلـف هـاك الايـام قــدام
ولو صرت من غارات سلمى زعولي=اللـي علـي العقـل تنفيـذ الاحكـام
واعـزي الخاطـر بربعـاً بقـولـي=هم نور عيني في غطاليـس الاظـلام
لـولا الاسـود معقبيـن الشبـولـي=عندي تغلّق مصـدر الانـس بلحـام
لاجيتهم عقـب البطـى يسّـروا لـي=توسيع بـال وضيـع الهـم الاكـرام

القصيده الثالثه: البارحه جفني

البارحة جفني عـن النـوم مذهـول=طيـب المنـام ولذتـه ماحصللـي
اليا شتل عيني عـن النـوم شاتـول=أخذت مـع هاجـوس قلبـي تسلّـي
وليا عذل عيني عن السهر عـاذول=قلـت السهـر ياعاذلـي جايزنلّـي
مادام الي قلباً مـن الحـب مدهـول=ما اشوف في كثر العذل صالحنلـي
اتركني اتبع راحـت البـال واقـول=من ماتصور واحضـره هاجسنلّـي
خل القلم يكتب من القيـل معسـول=ابيع واشـري فيـه واخـذ وخلّـي
اخذ من اول صفوة الجيـل مزلـول=واترك حثال الجيـل عنّـي يولّـي
عسى يعالج خاطـراً فيـه نشبـول=من ضيقته ضاق الفضـا والمحلّـي
كان العزيز يصيـح للحـب مذلـول=فانـا الذليـل ولاحــداً ذلّ ذلّــي
دايم وجيبي بـزرق الدمـع مبلـول=وحالي نحيلاً من الهـوى مستخلّـي
حالاً براه الهجر حولاً ورى حـول=ياللي يتـوق لهجرالاحبـاب حلّـي
طفلاً طغى ماله بسوق الهـوى دول=بحلى صفات المحصنـات متحلّـي
راعي هدب عيناً بلا كحل مكحـول=والبدر كنّـه فـي الجبيـن متجلّـي
ما احرزت اجيه ولايجي منه مرسول=بينـي وبينـه واحــداً واقفنـلـي
عليه قلبي بيـن الاظـلاع متلـول=ودايم وهـو للبـال قبلـة مصلّـي

القصيده الرابعه/: ياملّ عيـنٍ يعـلّ الجيـب ذارفـها


ياملّ عيـنٍ يعـلّ الجيـب ذارفهـا=اربع وعشرين ساعه تهجل اهجالي
والنوم يا دحيـم عايفتـه وعايفهـا=دارت سنتها على سِهْـر وتملاّلـي
مدري على النوم عيني وش مكلّفها=للسِهْر في نونها ممسـى ومقيالـي
واللي جعل نوم عيني مـا يوالفهـا=واهج لهيب الغرام اللي برى حالـي
واحالي اللي طهوم الشـوق ناحفهـا=مابـاقٍ الاّ عظـامٍ جسمهـا بالـي
عليك ياللي غلاك الـروح متلفهـا=ياللي محلّك بوسـط القلـب نزّالـي
غلاك نفسي عن الخفرات صارفهـا=لو يجمعن لي من اولهن الى التالـي
لك سيرةٍ بالمحبّه ما اقـدر اخلفهـا=لو هي سبايب سهر عيني وغربالي
الاّ رجا ساعةٍ ما اقضي حسايفهـا=والاّ على السنّـه السمحـا تهيّالـي
رجعت للسالفـه واحييـت سالفهـا=اللي يقولونها في مـاض الاجيالـي
اللي سبب موت ضيف جديع ماقفها=حيث ان ذبّاح ضيف جديع يبرى لي

القصيده الخامسه:انا غرب واللي خاطري ينتحي له شرق



انا غرب واللي خاطري ينتحيلـه شـرق=بعيداً وطن مظنون عيني عـن اوطانـي
حصل في غروب الشمس بيني وبينه فرق=عسى الله يقرب دار مـن حبـه اشقانـي
اليا جا لذيذ النوم يسرق عيونـي سـرق=ذكرته بعيـد وعافـت النـوم الاعيانـي
الا يالله انك لاتجـازي حمـام الـورق=وراه يتلاحـى بالطـرب ليـن يشعانـي
قام يتلاحـى وشعانـي بحلـو الطـرق=ومن الولف اظنه جاين الـورق ماجانـي
من اربع سنين ومهجة الروح فيها حـرق=نتيجـة نـدب عينـاً سهمهـا تمثنانـي
وساع العيون الساحريـة طعنهـن زرق=لها نظرةً من صابتـه طـاح وجعانـي
سقا الله اليا قام يتكاشـف علـي البـرق=وانا اشوف زولة بين ربعـي وخلانـي
تفتح لعيني يوم اشوفـه وسـاع الطـرق=وانا قبل اشوفة مثـل يعقـوب عميانـي
تهشم نظيرة من هميل الدمـوع الـزرق=وعمي لين جابوله قميص ابنـه الثانـي

---

rwhz] gahuvLuf]hggi fk u,k