يازبن كرب فوق ما يطـرد النـوم=حرايـر يازبـن مـثـل الاهـلـه
مرباعهـم مابيـن ظلـم والاكمـوم=ومـن السفايـف يرمحـن الاظلـه
ملفاك شيـخ بالقسـا يذبـح الكـوم=شيـخ وشيخـان القبـايـل تـدلـه
تلقى محمد زبن من جـاه مضيـوم=بن الذليـل اللـي مخيـف محلـه
وليا لفيـت الشيـخ يازبـن ملـزوم=تعطيـه مرسـوم ووسطـه سجلـه
وان كان جيت النضو يازبن ماسـوم=رد الخبـر والنضـو يازبـن خلـه
جانا من الشايـب مكاتيـب وعلـوم=حي الكتاب اللـي لفـا حشمـة لـه
الشايب اللي ينقـل الكبـر والـزوم=باغي لحكمي مير انا عاصـي لـه
الله يغشـك يـوم غشيتنـا الـيـوم=تقـرا الكتـاب ولا تهـاب المظلـه
جزاك من عندي من الخيـل حثلـوم=مثـل البـرد مـن مزنـة مستهلـه
ان كان تذكر سابق لك مـن اليـوم=فـرس عتيبـي ورد شاهـد لــه
انا برمحـي بـاول الخيـل ملحـوم=والا انت رمحك عند سـاره تشلـه
اديت انا اربع قحص والخامس التوم=بقعود زبـن اللـي بغـي ماحصلـه
والحرب شب وشبشبه كـل شغمـوم=من شبته ملح الفرنجـي عصـا لـه
اعرف ترى من طاح ماهوب مرحوم=يا كود مـن رب المـلا شافـع لـه
شافي وجرمان غـدوا بـاول القـوم=خلـو امطوعهـم وانـا شاهـد لـه
خلو مطوعهم علـى غوجـة التـوم=وعزي لمن حط الـردى مسنـد لـه
وانتم كما حوت على الشـط لاهـوم=وحنـا اخلقـنـا للواهـيـم عـلـه
وانتم كما ضلـع طويـل ومزمـوم=وحنـا خلقنـا الله انجـوم تهـلـه
وانتم كما طير البحر ذاك ابا الحـوم=وطير البحر ما يذبحـه غيـر ظلـه