سلام تسليمن كما النور منقاد
اليا ادلهم الليل يجلي سواده

يثبت كماتثبت على الارض الاوتاد
اليا رخصت الاسعار نغلي مزاده

واضفي عليه البشت واقطع به الماد
ويسري مسار الذيب واكثر جلاده

هاذا وللاحداث يارجال ميعاد
كلن على عرفه يعبر مراده

حنا سعوديين لله عباد
في غير دينه مارضينا عباده

دين النصيحه والتسامح والارشاد
دين المروءه والشرف والسعاده

النا الف وربع ميه عشرين بوكاد
حفظت في التاريخ للاستفاده

بدوبها العشره وحنا لها احفاد
عضو عليها بالنواجذ زياده

من سد مارب لين وصلو البغداد
ثم انتحو للاندلس في طراده

وقضو على كسرى ولوكان جلاد
عرشه خذه خالد وحطه وساده

بامرن من الفاروق ورجاله امداد
اواه يالفاروق مااحسن عناده

وقالوالكلب الروم ياكلب تنقاد
ودفع لهم جزيه وكبو عتاده

حنا سلاطين العرب واهل الامجاد
استاذنا التاريخ وحنا عماده

منا المثنى والهبيره وزياد
وهاني ابن مسعود وبوقتاده

ولانقبل الذله ولاعيشة انكاد
ولاخذلنا من حصل به قراده

ولانعرف الهروين من عصر الاجداد
الا بعد جانا غزو من بلاده

جانا من بلاد الكفر وهل الالحاد
بعده يصير الرجل في عقل داده

لاكن نمسك للعدا كل مرصاد
حنا عباقر عصرنا فالرياده

ونقول لاوالله ولا لهل الافساد
مال الفساد بمجتمعنا سياده

وننصح خوي الجنب والملح والزاد
ومن لافهم بلاش ملحه وزاده

ولاعاد من لايفهم النصح لاعاد
عيبه على نفسه ولهله فساده

تحتاج نفسك يافتى الجود لجهاد
ضروة سنام الامر مكسب جهاده

اسرتك في حاجتك ونته لها عماد
يبغون عيشه ونت تبغى العياده

فيهم اكبار السن وصغار واولاد
عاشو كما الايتام واكثر نكاده

وين الشيم وين القيم وين ياغاد
وين الرجوله يامكسر عضاده

عيبن على الامه ولاعنك نشاد
جعله مراح الطير مابك افياده

والحر يفهم والمعاني لها ابعاد
وكلن يناظر كيف صهوة جواده

ذا قول من قوله على روس الاشهاد
ومن لا يقول الصدق ماله شهاده



الشاعر/سهيل بن حباب الشيباني
١٤٢٠

---

ahuv> ykd uk hgjuvdt