الجرح جرح اللي جرحني غــيابه = ماهوب جرح اللي جرحني بســكين
طــفلاً جــميلاً زاهــياً فــي ثــيابـه = القــلب يغــليها ومــسكانـها العيــن
لاهي من المطران ولا من عتابه = مســتورتن تسوى من الغيد سبعين
اول عــهد به واقــفــاً قــدم بــابــه = قــبل يتغــطى ياســعد كـامـل الــزين
والــيوم قــلبي مبــحراً فــي عذابه = ولا ادري عذاب الروح مـغايباً وين
ويلي على المزيون لو هي انهابه = انحاش به بين الســهل والضلاعين
فــي خايــعاً مرحــوم مــحداً رعـابه = اشــفي عطــش قــلباً يتل الشريين
اخــذت حــلال ولا نويــنا الــحرابــه =مستقبلاً حــاضـر ولا هــرج بـعدين
يــاقــلب كــب الــعناء وش تبــا بــه = لا تنــتظر رجــعه غــلا من مقفـين
المسعد اللي في الهوى ما شقى به = عاقل ذلوله مسترح في البساتـين
مريــح نــفــسه وعــارف حــسابــه = يلعب بحكمه حسب نص القوانـين
ماهوب من ضيــع سـلاحاً غزى به = وعود طعين بحد سحم الـسـكاكين
وخــتامهــا عــداد وبــل الســحـابــه = صلوا على محمد شفيع المصلين