الحريبي يوم غنى حطكم فـي راس كمـه..ثم خلاكم عجينه كـن مافيكـم عظامـي
الجمل يمشي عل الدرب وكلامك ما يهمه..من هديره قمت من نومك وحرمت المنامي

الزمان اللي ستر حالك وحالي لاتذمـه..والحرم من دونه المسعى وبيبان السلامي
انت داب كل ما حرك شدوقه سال سمه..والله انا مانذوق السم يا لـداب التهامـي

انت ذيب تكره البـارود لـو انـك تشمـه..ما تحب النور الابيض ما تحب الا الظلامي
الطعام اللي ليا شفته على صدرك تضمـه..لا تقول انه حلال ولا تقول انـه حرامـي

علموا صياف لايتبع خفيف الظل عمه..دام انا وياه فالمذهب وفالطرقه ليامي
قله انا ما نبااللـي بننـا نقـال نمـه..بعد عود بيعة بين القبايل ما يسامـي

انت اشوفك كل ما تسرح تضوي لك مطمه..تحسد المسلم على دينه ليا صلى وصامـي
لا يزعلك الكلام اللي عسـى ربـي يتمـه..ثم بعده مستريح بلا شـراب ولا طعامـي

مطلـق

كل شي في طريقك يابيـض الشـارب تخمـه..ليـن ضيعـت الفشـق والبندقيـه والحزامـي
ان نثـرت القـش ياصيـاف ماتقـدر تلمـه..وان قربت من العرب ميسمك جوف النار حامي

صيـاف

لو بيتركلك على باب الخزينه رحت يمه..وان نظرلك نظرة حمراء تعديت النظامي
المسافر ما يطب البحر لين انـه يطمـه..يذكر الله في بلد مكه ويلبس له حرامـي

انت مانت مستشار ولاانت ريس مجلس امـه..انت غصن الحنظله مالك زهور ولا نوامـي
جيت عند الحسو ضامي مير ماللحسـو جمـه..ماخبل اللي يحسب ان الحسو يروي كل ضامي

لو يحطوك العرب ريس قضاء مافيك ذمه..يوم تضحك لي بسن ويوم تزعل من كلامي
لاتنزلك الدروب العوج وانت براس قمـه..ثم لـو اتمـوت ماقلنـا لعلـه للرحامـي

والله انـك تعـرف النقـاش صـواغ الازمـه..هات ياصياف خشمك كان تبغي لـه زمامـي
ماخبل اللي يرسلونـك يالحريبـي فـي مهمـه ..وانت في رجلك سلاسل وانت في راسك خطامي