صباح ومساء الخير عليكم جميعا ...
اليوم جبتلكم قصه من اروع القصص الشعبيه في موروثنا ..
تتكلم عن شرف الاباء والاحباب في ذالك العصر..
اتركم مع القصه

***************



هذه القصه حصلت على واحد يقاله معثم
جت على ديرته القحط وشد يدور عن المكان الزين عشان يعيش فيه وهو في الطريق تصادف مع فارس ثاني وماهو من من قبيلة معثم فسأله معثم :

من انتم؟ وجاوب عليه وقال انا ابوخلف ومعي زوجتي وبنتي وابلي
وسال ابو خلف معثم :

وانتم من ؟رد معثم وقال انا معثم ومعي زوجتي وبنتي وابلي .
وكان معثم ما عنده بنت لكن كان له ولد واسمه عقيل.
واذا دار في بالك ليش معثم ما قال ان عندي ولد أسمه (عقيل) ؟
لأنه خاف على ابوخلف ان يكره قربه عشان الولد خوفن على بنته من الولد .
الوكاد بعد مده تعارفو على بعض
واتفقو كلهم الاثنين ان ينزلون بجنب بعضهم وانهم يحمون بعضهم من القوم
او من غيرها من المشاكل الي تحصل في هاك الوقت
وتعاهدو انهم يصيرون كلهم يد وحده وهاذا من عوايد العرب
وراح معثم وعلم زوجته :
ورضت زوجته بالاقتراح ورضى عقيل ابن معثم
وبعد ما اتفقو معثم وجاره

راح معثم يم ولده (عقيل)وقاله اسمع ابيك تلبس لبس بنت ولاتهرج اذا زوجة الجار او ابنته سيرين على امك
إلين ينتهي الربيع.
قال عقيل ابشر يابوي وراح
الولد عقيل يتشبه بالبنت يسرح مع بنت جاره بدون ان تلاحض عليه شيء عشان عفته وحيائه.
.................
ولكن يا اخواني الغالين المخفي والمكتوم ما يبطي


وحصل الي مايتوقع جو القوم على الابل واخذو الحلال ولحقهم معثم وابو خلف وما قدرو وعجزو يرجعوا الحلال.



وعندها ما طول الصبروإلا عقيل يركب فرسه وتقول الروايه حسب ما قرئت انه كان من ابرز الفراسان ذاك الوقت.
وقدر الله عليه انه يجيب الابل والغنم لهم .
المهم نرجع للقصه


ابو خلف وزوجته اصابتهم الدهشه
ويقولون وشلون انه ولد وانه كان يطلع مع بنتنا . ويسرحون مع الغنم
وشلون ماعرفنى
وبعد الموقف عرفت البنت عفت وشرف الفارس عقيل.



ويوم وصل عقيل الي بيتهم ومعه الابل وبعض الاسرى انطحته البنت بهذه الابيات


وتقول



هلا هلا باللي سلامه يداوي



ماهو زبون للعلوم الرديه



اشهد شهادة حق ماهو دناوي



ولا شبوح العين للاجنبيه



عقيل من شفته خجول حياوي



من عرفته ماباق غرة خويه



فوق العبيه مثل فرخ النداوي



ينف خيل القوم نف الرعيه


ويوم سمع عقيل قصيده البنت رد عليها بنفس القافيه


ويقول عقيل ها الابيات .


ياعم والله ماجعلت الغطاوي



ويشهد على ماقلت رب البريه



عن طاري الشكات والا الهقاوي



حلفت لك والله رقيب عليه



عن المشكه يازبون الجلاوي



شاروا علي بشورهم والديه



ويوم خذونا طيبين العزاوي



دون العشاير مانهاب المنيه








وبعدها فهم ابو البنت سبب تخفي عقيل وهي كرامة للجار خشية تنفيره من وجودبنت .


وبعد انتها الربيع شدو كل واحد يم اهله دياره وفارق عقيل عن البنت المزيزنه ولكنه ضل هائما في حبها .
حتى مرض بسبب فرقا البنت
وبعد مده من الشديد رجع عقيل وابوه يم اهلهم ورج عقيل يم ديرته ورجع يم خوياه وربعه
وفيه مره من المرات اصيب عقيل بمرض ودرا احد خويا عقيل ويقاله فهيد
ان عقيل مريض
ومن عقبها راح فهيد يدور عن مداوي
لين حصله له مداوي ويقاله عيد
ويوم وصل فهيد والمداوي عيد يم عقيل
ويوم اخذعيد الميسم ليكوي عقيل قال عقيل :





يامحمي الميسم بالنار خله



جروح قلبي حاميات مكاويه



مابي مرض ياعيد لاشك عله



من غير شفي ماطبيب يداويه



ماطيب لو تحمى المخاطر ابمله



انا بلى قلبي على فقد غاليه



الصاحب اللي عنده القلب كله



علمي بدور العافيه قبل اخاويه



واليوم مدري وين حروة محله



فاتن ثلاث سنيين ياعيد نرجيه








وعرف عيد سبب مرضه وتجاهل الامر واصر على ان يكويه حتى يتضح له اكثر .


وبعد الكي قال ستطيب فرد عقيل:





ياعيد لوكويتني مابي اوجاع



ليتك عرفت بعلتي وش بلايه



بلاي غرو طول قرنه يجي باع



ياعيد دعني لا تبيح خفايه



مادام مانت لعلة القلب نفاع



ياعيد مالك بي تحمل خطايه



ياما عذلت القلب ياعيد ماطاع



اطلب وربي مايخيب رجايه








وبعد ما عرف ابوه معثم طلب منه ان يروح معه عشان يخطب البنت
وبعدها تزوج عقيل البنت وجاه من البنت ولد.



ويقولون من الابيات الي قالتها البنت يوم فراقهم من الربيع
قالت لها ابيات عن مفارقه عقيل وهي جميله جدا جدا واعجبتني الابيات وتقول






اول نهاري دمع عيني عصيته



وتالي نهاري دمع عيني عصاني



وغارب قعودي من دموعي سقيته



مثل هماليل البرد يوم جاني



على الذي من بد حيه بغيته



وهو الذي من بد حي بغاني



وسبعة مخاطر بالضماير كويته



وسبعين مخطر بالضماير كواني



وانا الذي طي الشويحي طويته



وهو اللي طي البريسم طواني
................




اتمنى تنال رضاكم ... ونأسف على الاطاله.....

---

rwi>urdJJJJJJg>,fkj hf,ogt