رفيقـك اللـي مايقـدّر مواقـفـــــك = تـرى ربيــــــع القلـب بعــــــده وفرقـاه
ان كان لا رجلن مقامه يشرّفــــــك = ولا طيبـن تقـــــــدر تحمـّــــــل خطـــــاياه
أحرص على فرقاه لومـن طوايفـك=لياصار ماتقوى على شيل عوجـــــــاه
ليا صـار دايـم بالمواقـف يخالفـك = ويفرض عليك الراي من غير ترظـــــاه
منـت اولدلـّه يستهينـك ويعسفـك = ولاوالــــدن ودّك على مكسب ارضـاه
ولولا لزومـه بـاول العـام عايفـك = ولوشاف طيبك عقـــب يوميـن ينسـاه
وأن قلت له مخطي فضحك ابمعارفك = وليا تجاوزت الخطا عنـه ماارظـــــاه
وليا سِكتّ وشمت يجـرح عواطفـك = وضحوك في وجهك وسودن خفايـاه
وأن قمت مايسوى هبايب عواصفـك = وإن شلتله عرقا على الكبد عرقـاه
وان جيت له محتاج ماتقـل يعرفـك = ويعطيـــــك مع بيض المعاذيـر علبـاه
ليا صار عنـد اللازمـه مايساعفـك = وقت الرخـــــــا ماانته بعـازت حمايـاه
لاتشتكـي عـنـده يكبّر سوالـفـك = فرقـــــــاه تغني عـن مسـرّات جــــــــدواه
وحاذور عنـه لايسـود صحايفـك = ولاتقـــــربـه مــــادام تعـــــرف نوايـــــــاه
وبعدك عنه في ديرتـن مايشاوفـك = أخيرمـن قربـه وشوفــــــــه ولامــــــاه
وموتـك بعـزّك جنتـن ماتكلفـك = ولاحاجتـن عنـد المنـــــــون وترجـــــــاه
وموت الكرامه عن جنابـه تشرّفـك = ولامِـنّتـه عســــــــى نواعيـه تنـعــــاه
ومن يجهلك في منطق العرف ياصفك = وعرف الفتى تنبيـك عنـه مزايـاه
وترى الرفيق اللي بهمّـك يناصفـك = ويفزع ليا شاف الخلل فيـك يرفـاه
ودايم صـدوق وبالحمـوّه يلاطفـك = ويقوم في واجبك مـن قبـــــــل تنخـاه
رجلن على كل المواجيـب عارفـك = ودايم طواريق الشرف ســـاس ممشـاه
وان حلّت الرفقه يشيـد أبوصايفـك = ماكنـك الا واحــــــدن مـن دنـايـاه
لياجا مجالك جـاب عنـّك طرايفـك = ولياذكـرك بجملـة الخيــــر مبــــــــداه