لم يعد شاعر الرد بحاجة إلى الصفوف - الردادة - دائماً..!!
فالشبكة العالمية (الإنترنت) مليئة بالمحاورات المباشرة. وفي هذا العدد نضيف لوناً آخر، حيث ننشر محاورة جرت بين سمو الأمير الشاعر خالد بن سعود الكبير والشاعر تركي الميزاني.. عبر الجوال:
تركي الميزاني:
سلام الله سـلامٍ للعلـوم الطيبـة عنـوانوأعرف معزبه والضيف في حكمة معازيبـه
وأنا لي صاحبٍ ما ينطق الكلمة بلا برهـانأبا سولف معه والعلم يدري به وانا أدري به
خالد بن سعود:
ألا يا مرحباً وأهلاً بقلطة شاعر المطرانتراحيب لها بالصدر تشريقـه وتغريبـه
وانا يا صاحبي ما نيب مثلك للشعر ميزانترفق بي ترى توي غشيم وداخلي ريبـه
تركي الميزاني:
يدوم الك البقا والطير ما يكفخ بلا جنحـانوانا خابرك صقر وكل صقر لـه مخاليبـه
سبحنا في البحور اللي تضم اللول والمرجانواخذنا ما نبي والوقت ما تصفى مشاريبـه
خالد بن سعود:
صحيح الوقت ما يصفى وتعكير الزمان ألـوانوأشوف الخايبه تعجـب وهـذه والله مصيبـه
غدى عند الهزيلة شان والجزله ثمنهـا هـانوسيف الكذب والتهريج اشوف الناس تغزي به
تركي الميزاني:
أشوف اللي تشوفه طال عمرك يالله الغفرانواشوف الناس قامت تبتسم بسنون تركيبه
لو ان اللي بنى البيت المسمى ثبت العمدانما شفنا الريح تلعب بين ذرياته واطانيبـه
خالد بن سعود:
يا كيف الحل والحالة سفينه ما لهـا ربـانيمشيها الهوى من حيث ما هبـت دواليبـه
عربها ترقص وتزفن على حس الوتر والدانيحسبون المعاني صولها من جاب له خيبـه
تركي الميزاني:
أظن الحل نتركهـا تهيـم بغبـة النسيـانعساها من نصيب القيض لا هبت ملاهيبـه
لو أن النابغة مخطي ما عود بالرضى حسانيكفّينا رضى حسـان والوقـت وتجاريبـه
خالد بن سعود:
أنا خابرك ميزانـي وربعـك كلهـم شجعـانعلامك يوم عرّض لك هدفها ما تضحـي بـه
ترى صمتك عن الغاوي وتصديدك عن الخوّانعذاب للضمير الحي ولا في هرجتـك غيبـه
تركي الميزاني:
أنا مثلت فيك القاف ما مثلت فيـه فـلانوطبعي كل مقفي ما الحقه واشذب عراقيبه
نبي نبعد عن المنقود والمشروه مهما كانولا نفرح على المسلم ليا كثرة عذاريبـه
خالد بن سعود:
أجل بنشدك عن فيلٍ يحب مغازل النسـوانتضيق ابه الاماكن والمداخل مـن لغابيبـه
يقول إلهن انا الساحر انا الباهر وانا الفنانوهو ياكل شنق غيره وكـل داري بعيبـه
تركي الميزاني:
سمعت انه على كبره يحس بعقدة النقصانمجند له رعاة تمدحه وتقـول يـا طيبـه
لكن الفيل يبقى فيل يوم ان الحصان حصانوضلع طويق ما كل يبي المرقى يعدي بـه
خالد بن سعود:
ما بين ممسح الريضان وبين ملهي الرعيانغدى ما للجزاله دور ولا لاهل السنع هيبـه
الا يال الزمان الشين الا يا ضيعة الوجـداننزل في سوق ابن قاسم وكلٍ قال كم هي به
تركي الميزاني:
من أول كنت يا هداج تيما تـروى الضميـانلكن اليوم جمـك مـا نذوقـه مـن غثاريبـه
لا بد الوقت يكشف من هو الرابح من الخسرانوكلٍ يلتبس له ثـوب فـي قـده يصلـي بـه
خالد بن سعود:
أنا يعجبني الشاعر قوي الحبك والبنيانالي منه بني بيته يشوقك فن تقطيبـه
أجاذبه العلوم اللي تونّس والخفا ما بانمثل تركي عساه يفوز بالمليون ويجيبه
وسلامتكم
تحيات
حــــــــــــ نجد ـــــــــر
lph,vi ufv hg[,hg
03-12-2008, 05:31 PM
محاوره عبر الجوال
تعليمات المشاركة
المواضيع المتشابهه
