ساير بيض الله وجهك على قصايد خلف بن هذال العتيبي

الوطنيه ونبيها طال عمرك في موضوع مستقل والله يعطيكم العافيه جميعكم

ومشكوره عزيزتي الحنونه على قرارك الذي نتقبله بكل صدرً رحب

التوقبع ابوإياد
وأنا أقول غالي والطلب رخيص













يالله يالله فزعتـك يارحيـم ويــاودود
ياكريـم عنـد دفـع المصايـب يسـألا
ياجواد(ن) كل من جاد من جودك يجـود
يامشرفنـا بحمـل الكـتـاب المـنـزلا
ماسجدنا إلا لوجهك لطاعتـك السجـود
بأمرك احـداث الليالـي تحـل وتفتـلا
إلتفتنـا للحرايـب ووثقـنـا القـيـود
خطة(ن) تبرم وتضرم وجهد(ن) يبـذلا
حرك الفتنه عميل الشيوعـي واليهـود
هامل الجديـن مسـرج ظهـور الهمـلا
جعل يوم جاب صدام يـوم(ن) مايعـود
المشاكل تصطلي والخطر منـه إصطـلا
إعقلوا عـدو الإسـلام بعقـال القعـود
خلـوا النـازي يشـم التـراب مكبـلا
إنشق البارود حتى يطيـب لنـا الكبـود
وإسحب أذيال الهزيمه وناد إلك إزمـلا
أنت حربك خاسره لو حشدت أكبر حشود
مقبرتـك إممهـده عاجـلـه ماتـجـلا
تنتظرك النار بيـن النصايـب واللحـود
قاتل المسلـم يمـر القصـاص ويقتـلا
الهوى والنفس غرتك يالنجس الحقـود
تذبـح الأطفـال والمرضعـات الرمـلا
مثل غاز الخردل اللي هجدت به الرقو د
الطيور تموت والناس ووحـوش الفـلا
أنت ماتربطك معنـا مواثيـق وعهـود
الخيانـه تربطـك مـع قليليـن الحـلا
وانت سرد عراق مالك يمين ولا شهود
ماتصـدق لـو تعاهـد وتحفـظ بكفـلا
وأنت شخصية ثعل منت أسد من الأسود
عدل المكياج شخصك بشخصيـن بـدلا
وأنت شخصك مزدوج لاتقـاد ولاتقـود
الحيا عن كـل وجهـك تجـلا وإنجـلا
وجهك اسود مثل ليلك لك الأيـام سـود
حافلـه بعلـوم فيهـا العواقـر حـمـلا
ماخبرنـا بباطـل سـاد والله مايسـود
إنتصار الحق مضمـون رغـم السفـلا
كان لك تاريخ في مزبلة عـاد وثمـو د
منكـر(ن) ماودعـك ربــك ومـاقـلا
يوم ولعـت الفتيلـه وقربـت الزنـود
ثلث جيشك عندنا اسرى وثلثيـن قتـلا
طلقة(ن) في راسك الصبح تطلقها الفرود
وطلقة(ن) في راس حنا وطلقه في عـلا
سدنـا ماهرفلـو بـه ردييـن السـدود
حظنا عالـي وفـي قمـة العـز إعتـلا
من تلوى في ذرانا يبـى يلقـى سنـود
كم غريب(ن) في حمانا نسى الهم وسلا
ربما من ضارة(ن) نافعه تبنـي وجـود
وإن دعتنا المعركه مرحبا وأهـلا هـلا
ياوطنا ياوطنـا عمـت عيـن الحسـود
ماتهـزك لازوابـع ولا غـدر عـمـلا
ياوطنـا لاتزعـزع وحنـا لـك جنـود
البـلا نصـب وفوقـه مقابيـس البـلا
غطرفي يابنت وأرمي علينـا بالـورود
وإرقدي بأمـان رب السمـاوات العـلا
أمرحي بآمانـا عـن ملطمـة الخـدود
يوم جيـش الرافديـن إبتلانـا وإبتـلا
كل ماذعذع من الشرق والا الغرب نـود
إحترك زرع المحبـه وبالطيـب إمتـلا
السراه تعاكس الريح عن صحراء النفود
والخليج وساحل البحر الأحمـر ماجـلا
البلاد مقيـم ومكرسيـن لهـا الجهـود
والوكيـل الله ولا ضـاع للحـق وكـلا
والعدا لاتشتبه في الخـوراط والحـدود
الحدود من الحديده إلى أقصـى كربـلا
قد رفعنا في سماه العلـم فـوق العمـود
بين رجم من الجماجم وحشد من المـلا
وقعة(ن) زلزالها مثل زلـزال الرعـود
في نهار(ن) فيه صم الرمك تـرم الفـلا
ملحمين سيوفنا في المناكـب والعضـود
ومطعميـن رماحنـا بالقلـوب وبالكلـى
ياكـلاب المجـزره يامسحبـة الجلـود
الخلا عن دارنـا والخـلا ميـر الخـلا
كلنا الخفجي ولا عنك يالخفجي صـدود
قطعة(ن) منـا وفينـا وعـدت مجمـلا
وكلنا للتضحيـة والتصـدي والصمـود
من يريـد منازلتنـا نقـوم لـه إنـزلا
مادخل في صفنا مرجفـون ولا شـرود
تعقـل العيّـال منـا وحـنـا العـيّـلا
الشجاعه ورث أهلنا جدود عـن جـدود
للعـوارف دار نـدوه وللجهـل جهـلا
كل مدرك يعلم إنا علـى الشِطـه نـزود
والسفيـه نخاطبـه لاولالا وألــف لا
قادنا فهد بـن عبدالعزيـز بـن سعـود
وإقتنعنـا بالقيـاده وأخـذ منـا الـولا
الزعيم اللي عن العرب وأوطانـه يـذود
قايد(ن) للحرب والضـرب يِتـلا ماتَـلا
عـزك الله ياملكنـا وللكـايـد تـكـود
ضاع كيد دماغ غل(ن) تغلغل ثـم غـلا
إحتميت الأرض والعرض والدنيا ركـود
والوطـن فينـا بـدم القلـوب مسجـلا
وياحرسنا فيك أملنا على النصر معقـود
أنت رمـز أمجادنـا والشعـار الأمثـلا
مومن(ن) تصمد لنص الصوادر والورود
بالأمانـه والفـدا والجـهـاد محـمّـلا
فاد عن شبه الجزيره ولاتخلـف وعـود
العمـل الحيـن وشـوي ماهـوب أولا
وإلبس أنواط الشرف والكرامه والخلـود
ماتقـوم إلا تجيـب الـلـزوم مكـمّـلا
وجّه النيران وإسحب من المجرم وقـود
طِق راس الشر والكيـف جـاك مهيّـلا
ريّسك ولي عهد الفهـد ذخـر الفهـود
من نواه بسـو يهـزم ذليـل ويخـذلا
ابو متعب قاسي البـاس حـلال العقـود
طيب المبـدا طويـل الـذراع الأخطـلا
وعشت ياسلطان قـدّ المهمـه والقـدود
ابـو خالـد فيـه كـل الدفـاع إمثـلا
ويحفظ الله بدر نايب وبالفضل محمـود
نايـب محبـوب وبـه النجـاح مكلـلا
وسمّ ياطيّار وإصعد وعادتـك الصعـود
خلّ الأرض مزلزله والحريـب مزلـزلا
واصل الغارات وإخذ القنابـل بالـردود
هِلهـا فـوق المسّلـح وخـلّ الـعـزّلا
ماذكر بالحنظله غصن ينفع منـه عـود
شجرةٍ لاشـرب فيهـا ولا فيهـا كـلا




التعديل الأخير تم بواسطة ساير الغنامي ; اليوم الساعة 12:31 AM.

---

ogt i`hg td gk]k ,djp]n hgyvf ,dtjov fhgs[,] ggi ,p]i