ياصاحبي عقب طول الصمت والغيبه=طرالي اخذ علومك عبر الارسالي
اخذت عهد(ن) على نفسي وماضيبه=مااقطع رجال الوفى لو كثرت اشغالي
الحر دنياك ماتوفي مطاليبه=يشب ويشيب معه الحلم لازالي
مامعه ياكود طاروق(ن) يغنيبه=عهد(ن) مضاله لجيل تعده اجيالي
دار الزمان وزمانك قد عوا ذيبه=واختلفت اعرافنا من حال(ن) لحالي
راع المواجيب قصر في مواجيبه=غرته دنياه همه جمع الاموالي
احد(ن) ليا من نصوه اجناب ياطيبه=كنه لكبد(ن) لضيه عذب(ن) زلالي
بشته على ساعده والجيب يوميبه=يبذل لكسب الجميل المال والحالي
والى ذكر وسط ربعه قيل والخيبه=خيره بعيد(ن) وشره دايم موالي
هذاك ياصاحبي لاشك ماليبه=وتنشل يمن(ن) عليه تسوق فنجالي
ياليتنا قبل ننصى الرجل ندريبه=ماكان شفنا الغباين والصدر خالي
الهم بالقلب قد ثبت مناسيبه=وصار الخوي الوفي فاقفاي واقبالي
نصبح على هم ولاامسى الليل نسريبه=اقلب الفكر انا ياكيف ابحتالي
ومن عقب مااروح انا بالفكر واجيبه=ارجع واقول التوالي ربها الوالي
لاباس والوقت لو بين عذاريبه=مشكاي للي كلامه يصدع جبالي
واخر كلامي كلام صحيب لصحيبه=احي الوصل بيننا لو هو بجوالي