كيفً يبـاع بـدس خـوفً مـن النـاس=ملـعـون ياشـاريـه والـلـي يبيـعـه
الكـيـف والله دلـتـيـنً ومـحـمـاس=ونـجـرً يـصـوت للنشـامـا لعيـعـه
فـي بيـت عـودً والمناعيـر جــلاس=هـذا غـرض قلبـي وهــذا ربيـعـه
وياما حلا المجلاس مع بعـض الاجنـاس=اللـي طبايعهـم علـى أحسـن طبيـعـه
عيـال نــاسً مايحـبـون الأدنــاس=أهـل الكـرم وأهـل النفـوس الرفيعـه
ماهوب مجلس مـن يحوشـون الأفـلاس=نقصً على أهل الديـن وأهـل الشريعـه
اليا من واحدهم ضـرب خمسـة الكـاس=كنـه يحـارب يـوم حــرب الوديـعـه
ضيع شعـوره وأصبـح الفكـر محتـاس=ونفسـه علـى كـل الجرايـم تطيـعـه
.........................................=........................................
........................................=.....................( إلـى أن قــال )
جـدي خلـف يالابـتـي ذخــر دواس=الطيـب يـذكـر والمـواقـف شجيـعـه
نخـاه إبـن مسعـد بعـد طقـه اليـاس=فـي ماقـفً مـاكـل رجــلً يطيـعـه
وإشتال إبـن مسعـد يجـاذب بالأنفـاس=والرمـي خــادم والمنـايـا سريـعـه
قلتـه وأنـا مـن لابـةً ترفـع الـراس=قبيـلـةً يــوم الـمـلاقـا شنـيـعـه