السلام عليكم
اليوم اتصفح بعض اوراقي وبعض قصيداتي لكي انزل لكم احداهن في هالمنتدى
وقعت يدي على هالابيات الغزليه القديمه موجهه لشخص ما
اتمنى انها تعجبكم وتستمتعون بها ولاتنسون قلنا قديمه

سالتك بالذي حط المشاعر في قلوب النـــــاس
وصار العشق من بين البشر ياخذ مشاهرهـــــا
انا بقلبك مكاني جد ولا غشنـــي الاحســـــاس
ابي منك الاجابه جازمه واقبـــل خسايرهــــــا
ابيها جازمه بالحيل بلاشــــك ولا هوجـــــــاس
احاسيسك تدققها ونبض قلــــبك يصدرهــــــا
ابيها راحه انسانٍ تولــــع بك بدون قيـــــــاس
وصارت صورتك تجري مع عروقه يفسرهـــــا
تنام عيون هالعـــــالم وعينه ماهنت بنعــــاس
خيالك كل ماغضـــت بجفنيهــــا يكـــدرهـــــا
تولع بك واخذته ياذهب يانــــور يالالمـــــــاس
وروحه اصبحت لك ملكـــك بيدينك تقدرهــــــا
دخيلك لاحكمت احكم ولا تحكم حـكم جســـاس
حكم بكليب قيمة ذاهبه للمــــاء يصدرهــــــــا
وطعن به طعنةٍ بالرمح منها طاح باقي الـراس
وصارت سالفه لاهودت سالـــــــم يكررهـــــا
وانا ماني كليب ولا انت يالغالي مثل جســاس
لكن الشعر بحروفه على كيـفي يسطــــــرها
ونهايتنا نبي منك الاجابه ياعـــــــز النــــــاس
نبيها راحة انسانٍ حـــــروفه فيك سطـــــرها


ولكم تحياتي

---

]odg; ghp;lj hp;l ,gh jp;l p;l [shs