يا مل قلبٍ من غثا الوقت ملتــــــــــــــاع = لوعة كبير السن والوقت لاعـــــــــه
عودٍ كبير ولأمر الأقدار منصــــــــــــــاع = أركى عليه الوقت والضيم صاعـــــه
إعياله اكبار ولا بهم واحدٍ طــــــــــــــاع = ولا فيهم اللي قال سمعاً وطاعــــــــه
وربعه مع اخوانه جفوا درب الأسنــــــاع = حقه جفوه الربع ربع القطاعـــــــه
يشوف ربعه حملوا كل مطـــــــــــــــــواع = كلٍ على زمله يحمّل متاعــــــــــــه
وشدو ربوعه مع الأخوان نجــــــــــــــاع = وخلوا عجوزه يوم ضفوا شراعــه
وعجوزه اللي خليت فيه الأوجــــــــــــاع = مشلولة والوقت فقر ومجاعــــــــه
وخلي بجوٍ يدهله كل قطـــــــــــــــــــــــاع = وأيضا دهله الذيب وايضا ضباعـه
قفوا يناظرهم غدا القلب مـــــــــــــــــلاع = وعينه تخيل اضعونهم بالرفاعـــه
يوم اتقوا هفوا على دربهم فـــــــــــــــاع = يبغى النجاه وما حصل له جماعـه
وقف عقب ما فاع وارخى للأسمــــــــاع = سمع العجوز وعاد يسحب كراعه
يبكي زمانٍ فات ما فيه مرجــــــــــــــــاع = يوم الشباب ويوم قوة اذراعــــــه
والليل جاه وجنه اسباع وجيـــــــــــــــاع = قاماً يدورنه لهن به طماعـــــــــه
اول بدن باللي بها زين الأطبــــــــــــــاع = عجوزه اللي رافقته بقناعــــــــــه
عاشت اسنين العمر مع قشر الأوضاع = مع زوجها اللي حبته من طباعـه
قامت تصيح ومزعن منه الأكــــــــواع = والعود ما له في حماها استطاعه
شااااااف الذيابه مزعن جسمه اوداع = الدم فوق افراشها واندلاعــــــــــه
والعود ناجا الذيب والذيب طمــــــــــاع = يطمع بلحم العود يبغى انتزاعـــــه
يقول وش لك بالذي قلبه انـــــــــــــلاع = شاف الغبن ما هو بقلبه رعاعه
يا ذيييييييييب عودٍ ذاق الأمرار بأنواع = والعود لحمه مر يا ذيب راعـــــه
والعود جاه الموت يزفر وجـــــــــــزاع = والدم من جوفه مع الفم زاعــــه
والعود طاح ومزعن جسمه اسبـــــاع = جاروا هله وشلون ترحم سباعه
جرحي مثل هالعود لاجي بالأضـــــلاع = هذا كلام الصدق هرج الوقاعـــه