طفح كيل الدليـل وكبـرت الحجّـه علـى البرهـان = وأنــا ثـابـت واشـاهـد والحقيـقـه شـاهـد إثـبـاتـي
على الفطره ما احب المفتـري بالزيـف والبهتـان = فطـرنـي مــن يـوايـق فــوق سيـاتـي وحسنـاتـي
أدوّر للـصـراحـه طـرقـهـا واكـوســر الألـحــان = ولا تقـبـل تصاريـحـي تـخـلاّ عـــن صـراحـاتـي
عسـى الله يقطـع لسانـي ويتركنـي بــدون لـسـان = لـيـا بالـغـت فــي هـمـي وفــي واقـــع معـانـاتـي
نشـف دم القصـيـد وذاب مــدري شـابـت القيـفـان = سـكـن كـلـه عـسـى تـدفـع حركـاتـه .. حركـاتـي
أغنّـي مـع مسيـرات الحـوادث ليـن وقتـي شــان = وجاب أصعب حدث وأخطر مسيره من مسيراتي
مصاب ومستصيب وضربة ٍ في معقـل الوجـدان = وانـا اعلنـت الطـواري عقـب مـا نكسّـت راياتـي
علـى ضيـق التنفـس وانحـبـاس الــدم فالشـريـان = وزفــرات ٍ تــروح ولا تمثـنـت خـاطـري تـآتــي
شهقـت وقلـت يـاربـي فنـيـت وكــل خلـقـك فــان = لكـن احسـن خواتيمـي .. وعفـوك عـن بدايـاتـي
أحسـب أنّـي زناتـي فـي المحبـه وأحكـم الميـدان = واثـر مـا فـي المحبـه والغـرام وحربـه زنـاتـي !
الا يـا خـلّـي الـلـي مــن عرفـتـك سـيـد الـخـلان = ومــن ســاد الحبـايـب والقـرايـب سـيـد سـاداتـي
فـراقـك ولّــع بـصـدري لهـيـب وشعـلـه ودخــان = وخلّـف فــي ضلـوعـي قنبـلـه تفجيـرهـا ذاتــي !
كـذا بالشمـع الاحمـر عـن حبيبـك تقـفـل البيـبـان = ولا حتـى تبـي تسمـع صــدى نـوحـي و ونـاتـي
ثلاث سنيـن أردّد ( لا عدمتـك ) ليـن فقـدك حـان = وعدمتـك آه يـا كبـر المصـاب ومـا أكثـر آهاتـي
بغيت ابكي وانا خابر دموعـي مـن ثـلاث الـوان = ولا أدري بأي لـون أهـلّ مـن فرقـاك عبراتـي ؟
أحبك ..لا ما أحبك ..لا أحبك .. صبتنـي بجنـان = وانا اكثـر عاشـق ٍ عاقـل فـي تاريـخ العلاقاتـي !
تـقـول انــك مـثـبـت لإتـجــاه الـحــب مـاجــلاّن = تحاصرنـي وتظـهـر لــي عـلـى كــل إتجاهـاتـي
بـقـت كلـمـه وشايلـهـا مـعـي بـسـم الله الرحـمـن = لـيـا مـنـه سـلـم منـهـا لـسـانـي تـجــرح شـفـاتـي
عـزيـز وهيبـتـي تبـقـى عـزيـزه والذلـيـل مـهـان = حفظـت أغلـى كنـوز الارض فـي ذمـة قناعـاتـي
ولـو نعـرض علاقتنـا علـى لجنـة حقـوق إنسـان = تـبـي تـحـكـم عـلـيـك بحكـمـهـا وتـقــرر الآتـــي
عليك تعـود لـي وألاّ عسـى مـا تنجـزي باحسـان = قـريـت الفاتـحـه وازريــت لا تـقــرا التحـيّـاتـي