يـقــول مـــن عـبــر بـزيـنـات الأمـثــال=وازهــى القـوافـي جايـبـيـن جـزيـلـه
من جاش أديب ينظم الشعـر بالحـال=أخــذ جـزيـل الـقـاف وأرمــى هـزيـلـه
الفكـر يحضـر والحـبـر بـالـورق ســال=والــقــاف مــــازون عــلــى مابـنـيـلـه
مــثــايـــل مـاولــفــوهــن الأنـــــــذال=ولا نـقـلـوهـن مـدركـيــن الـفـشـيـلـه
شاقن لنظم الشعـر ماضيـن الأفعـال=يــــوم الــزيـــارة لـلــديــار الـجـمـيـلـه
يوم الخميس اثنيـن وعشريـن شـوال=جيـنـا الـرجـال الـلـي علـومـه نبـيـلـه
أولاد روق الـلــي عـريـبـيـن واثــقــال=قـبــيــلــة يـــاحــــي والله قــبــيــلــه
أولاد روق اللـي لهـم صـيـت وأفـعـال=أهـل السيـوف المرهـفـات الصقيـلـه
وأهـل البيـوت الرامـيـه كنـهـا الـجـال=عــــز الـرفـيــق ومـكـرمـيــن نـزيــلــه
ذبـاحـة الـحـايـل كريـمـيـن الإسـبــال=متـوارثـيـن الـطـيـب نــعــم القـبـيـلـه
شرهاتهم ماهي علـى جمعـة المـال=فــوق الـصـحـون يقـلـطـون الجلـيـلـه
كبار الصيانـي والسمـن فوقهـا سـال=الابــــة الــلــي يـذبـحــون المـحـيـلـه
وبيوتـهـم للـضـيـف مـزبــن ومـدهــال=وديــارهــم كــــم واحـــــد يلـتـجـيـلـه
ولو ننشـد التاريـخ ونشـوف وش قـال=يـشـهـد لـهــم تـاريــخ نـجــد وجـيـلــه
تاريخهـم واضــح عـلـى راس مـاطـال=تاريـخـهـم بـيــن وكـــل حــكــي لــــه
يـــوم عـلــى طـــلال مايـبـهـج الـبــال=ثـار الـدخـن مــن حــر صـلـوا الفتيـلـه
زادوا علـى الهقـوات يـوم أدبـر الفـال=يــوم الحـرايـب والـعــدو تـركــي لـــه
ميزانـهـم يـرجـح عـلـى عـايــل عـــال=وحريـبـهـم يـــوم الـلـقــا عــــز تـيـلــه
قـبـيـلــة مـاطــاوعــوا قـــــو عـــــذال=قـوم عـلـى الـحـراب تشـفـي غليـلـه
رجـالـهــم يـنـطــح ثـلاثــيــن رجـــــال=وخيـالـهـم يـنـطــح جــمــوع وخـيـلــه
لـلــزيــن زيـنــيــن ولـلــضــد جــهـــال=عــوق الخصـيـم لـيـا بــدا مـنـه ميـلـه
قـوم يعـرفـه عـاقـل الـنـاس والـضـال=سـقـم الحـريـب ومقحمـيـن الدبـيـلـه
يشـدون سيـل يضـرب الجـال للـجـال=والـلـي بـوجـه السـيـل لازم يشـيـلـه
ودخيلهـم يلـقـى المـعـزة مـاهـو ذال=وعـــز الله أنـــه داخـــل بـــه دخـيـلـه
وصديـقـهـم لا نـشـدتـه عـــن الـحــال=يـقـيــن مـايـعـتـاض عـنـهــم بـديــلــه
وصديقـهـم عـنـه المحامـيـل تـنـشـال=تـنـشـال لــــو أن الـمـحـامـل ثـقـيـلـه
وعــدوهــم يـسـقـونــه الــمـــر وذلال=بـالـلـيـل يـسـهــر مـاتـهـنــى بـلـيـلــه
وعـدوهــم يـــذوق تسـعـيـن غـربــال=خـلــوا عـلــى كـبــده حــــر ومـلـيـلـه
وعدوهـم لـو هـو مـن الجيـش حمـال=بالمـعـركـة خـلــوه يـطــرق شـلـيـلـه
يردون حياض الموت جسرين الأقبـال=فـرسـان لـيـا ركـبـوا ظـهـور الأصـيـلـه
صـولاتــهــم غـدابــهــا كـــــم رجـــــال=ويــاويــل رجــــال تــعــرض سـبـيـلـه
وكــم عقـيـد وســدوا راســه الـجــال=وشـيــوخ راحـــوا بالـمـعـارك قـتـيـلـه
ولــو أبــا اعــد فعـولـهـم مـالـهـا تـــال=يصعـب علـي اعدادهـا مــن حصيـلـه
يستاهلـون المـدح عريبـيـن الأنـسـال=نسـل الرجـال الـلـي عـلـو بالطويـلـه
شـي لشوفـه زاد مـدحـي بـالاقـوال=والـقـول عـقـب الفـعـل أكـبـر دلـيـلـه
وجعل الخيال اللي نشى فوقه خيال=والغيـث يمطـر مـن حقـوق المخيـلـه
عـلـى نـفـي مــع الـقـرارة والاجـبــال=وتسـيـل كــل شعابـهـا مــن مسيـلـه
حيـث أنـهـا ديــار البطـولـه والأبـطـال=ديــار الـكـرم والطـيـب لـلــي يجـيـلـه
ديــار لـهـم حامينـهـا مــاض الاجـيــال=مــن دونـهـا تـرخــص عـمــار طـويـلـه
يــقــولــه الـــلـــي مـاتـغــيــر ولا زال=قـــول الحقـيـقـه والـصـراحـة يبـيـلـه
وصــلاة ربــي عـــد مـــا وادي ســـال=وعـــــد بـــــراق بـــــرق بـالـمـخـيـلـه
على الـذي سـن الفرايـض والأعمـال=نبـيـنـا الـمـخـتـار راعــــي الفـضـيـلـه