هات القلم يا سرور واكتب على البوك = بلغة كلام(ن) ما يعبى ورقها
اكتب نصيحه والنصيحه وانا ابوك = تشراء وعشاق الجميل يعشقها
الاولة دينك ترى الدين مبروك = الناس تذكر ربها اللي خلقها
والثانيه قم للنشاما ليا جوك = وليا ذبحت الذيب عشه شنقها
وان شفت ناس بينهم شي مشروك = وش تاب شر الناس خذها وذقها
وان رحت بحقوق الرياجيل مرفوك = والاش يزري فالعلوم وفهقها
ولا تكشف الدعواء علا ما ذكر دوك = ما جاب دهم الريم ملا درقها
والمرجله تمشي على الجمر والشوك = وملا مشى قدامها مالحقها
والاش لو عند ملايين وصكوك = بندق شريف ما يثور فشقها
ولو كبر المجلس وخلاه مصكوك = يكفي عنه بيتن للجواد مقها