اضحك على الي يوم جيته قام يصفق راحتيه=مره يقول من الصديق ومرة(ن)غدر الخليل
وعديت في رجم مقابل طف ظلع مهتويه=ماعندي الا الي غلاها بالحشاء ماله بديل
عفر(ن) ليا مني زعجت الصوت لدت للنبيه=وقلت اسمع القيفات ياشمات والبدع الجميل
الي مهو لك من قديم الوقت لا تضمن عليه=مايغني الرجل الفقير اريال من كف البخيل
ون زل صاحبك انتبه لاتسئله ياشين ليه=بكره تدور ابه الدوائر ياعسى شكله قليل
ون كان في قلبك غرام وفيه حب مبتليه=وشفت العشيقه مع بدالك نزل الحمل الثقيل
ون قلت سرك للامين وخاب كل الضن فيه=اخذ احتياطك لاتبين سر للشخص الهزيل
ون جاك شك من الرفيق الشك مايملا يديه=بس انتبه دامه يشك وكل الرب الجليل
واذا كذب صاحبك مره ويش باقي ترتجيه=الكذب حبله يافتى يمسك لك اقدام الحبيل
ابحث عن الرجل الفهيم الي هل الخوه تبيه=لو مال وقتك والبشر مالت,,..,,عفيف مايمل
لو جيت يمه قال ليدين الكرم قومي عطيه=وليا بغيت الراي جاب الك الكلام السلسبيل
والقلب دور له غنوج (ن) ونتبه كلمة خذيه= خل الليالي من دواخلها على الوزنه تكيل
شف صدقها من كذبها قرب لها الشي البديه= ترا الاصايل يامدورت الاصايل روس خيل
ون شفتها تلعب لذا ولا لذا ولا لذيه=اسكت ترا سرك تبا تعطيه للرجل العميل
ون شفتها بنت قويه مايروضها السفيه=قل دوك قلبي طوعي شي لغيرك مستحيل
ون جات يمك لا تخون البنت يالقلب النبيه=هذي هي الي كنها البلسم على القلب العليل
بس انتبه ماقلت في خلوه وللمعنى شبيه=ترا الدروب اثنين مسلك ذيب ولا للحميل