الألـف أبـا أنظـم مـن قصيدي كونه=شــعــرٍ يـخـلــد لـلــمــلأ مـضـمـونــه
أرتــــب الأبــيـــات قــبـــل أكـتـبـهــا=لـيـن أعــرف إن حروفـهـا مـوزونـه
والـبـاء بـنـات أفـكـاري أنـقـى منـهـا=مهمـا تكـون عــن الخـطـأ مصيـونـه
أسـتـرسـل الأفــكــار قــبــل أبـنـيـهـا=فكـره مـن الــوزن الـقـوي مشحـونـه
والتاء تـرى فحـوى القصيـده مخفـي=وأهـــل الـجـزايـل لا قـــروا يلـقـونـه
تـشـرح لـهـم كــل الـنـقـاط الـحـرجـه=الـلــي ورى الـخـفـاق والـلــي دونـــه
الـثــاء ثـيــاب الـصـبـر ماتكـسـيـنـي=ثوب الصبـر بـادت عـراوي إمتونـه
من جور وقت (ن ) ماعرفنا سيره=تعبـت أصـارع فـي الحيـاة شطـونـه
الجيـم جرحـي لـو عصبـت ضـمـاده=تنـزف علـى سطـح الضمـاد طعونـه
جرح(ن) لجـا بيـن الضلـوع ونـوَخ=مــن واحــد(ن) كــل الـمـلأ يفـدونـه
الحاء حمسني حمس بن(ن) صافـي=بـن(ن) صـلا المحمـاس غيّـر لونـه
لجّـت ضلـوعـي مــن لجـيـج فــوادي=عـلــى فـــوادي وانـحـنـت مـرهـونــه
والـخـاء خشـيـم الـريـم يـاخــذ حـلـيـا=مــن طـلـة الـلـي فــل شـقـر قـرونــه
أبــو جـديــل(ن) لا لفـحـلـه غـربــي=تلعب على ردف(ن) عطـاه ركونـه
الــــدال دوخــنــي بـكـثــر أوصــافــه=مـافـيـه عـيــب الا بـيــاض سـنـونـه
والعيـب الآخـر زيـن رسـم حجـاجـه=والـلا الرمـوش الـلـي تـظـل عيـونـه
والـــذال ذابــلــت الـشـفـايـف عـيـبــه=كــن الحـريـر مــن الـثـغـر يجـنـونـه
يـاقــدرة الله يــــوم أنــاظــر عــــوده=غصـن(ن) عروقـه فالثـرى مدفونـه
الــراء رحــى حـبـه تــدور وتطـحـن=لـيـن(ن) زانــت فالـرحـى مطحـونـه
قبـض علـى الخفـاق وأحـكـم قبـضـه=وعصـر حصيلـه عـصـرة الليمـونـه
والزاي زلـزل فـي الحشـى حبـي لـه=وتراسلـت حــدب الضـلـوع شجـونـه
غـيّــر مراسـيـمـي وهــــدّ حــــدودي=ولخـبـط حـيـاتـي لـخـبـط الله شـونــه
والسيـن سالـت مــن غــلاه دمـوعي=سيـل السحـاب اللـي تنـوض مزونـه
حـسـبـي علـيـهـا الله بـعــد مـاجـانــي=عـلــى فعـايـلـهـا مـاهـيــب مـمـنـونـه
والشين شاب الراس وأصبـح طرفـه=وأنــــا شـبـابــي مـابـلــغ عـشـرونــه
وإن كان حب البيـض يشبـه حبـه=يـالـيــت ربــــي مـاخـلــق مـزيــونــه
والصـاد صــح إن الحـيـاة معـاصَـر=أحـــد نـجــح وأحــــدٍ فــقــع بـيـلـونـه
لــكــن حــــب الـبـيــض لايـخـدعـكـم=كـم واحـد(ن) منـهـن مـسـك قيلـونـه
والـضـاد ضــد الـضـد لــو يـضــدك=خـلــك تـضــده والـصـديــق تـعـونــه
وإن جـاء يمشيهـا عليـك إفـطـن لــه=وهـامــان مايـلـعـب عـلــى فـرعـونـه
والطـاء طبيـب النفـس مـن يرعـاهـا=عــن الـهــوى والشيـطـنـه والـخـونـه
يـحـفــظ تـوازنـهــا ويـحـكــم عـقــلــه=ولـيــا نـسـاهــا الــنــاس مايـنـسـونـه
والظـاء ظـروف الوقـت مـن يأمنهـا=دنـــيـــاً دنـــيـــه كــلــهــا مـلــعــونــه
ياكـود ذكـر الله وشخـص(ن) عـالـم=ومتعـلـم(ن) يـقــرأ الـكـتـاب بـهـونـه
والعـيـن عــز النـفـس فـــي واجـبـهـا=مـــادام نـفـسـك بـالـهــوى مـقـرونــه
تــرى الجحـيـم بـكـل شـهــوه حـفــت=وماتـعـمـلـون بـدفــتــر(ن) تـلـقـونــه
والـغـيـن غـيّــر كـــل مـنـكـر يُـفـعـل=واطلـق عـبـارات الـوفـى المسجـونـه
إمـــا قـــدرت بـيــدك يـنـكـر قـلـبــك=والـلا إبطـش بيمنـاك وأنـكـر مـونـه
والـفـاء فهـيـم العـقـل يـعـرف دربــه=يـحـكـم ضـمـيـره ســاعــة مـيـمـونـه
يبـعـد عــن الأنــذال وأهـــل الـشـكـة=وهـــدامــــة الـبــنــيــان مـايـبــنــونــه
والـقــاف قـلـبـك لايـفـاخــت عـقـلــك=وتـغـريـك حـبــة شـجــرة الزيـتـونـه
لاتنجـذب نفسـك عـلـى مــا أشهـاهـا=وتصير نفسك فـي الـردى مسحونـه
والـكـاف كــف عــن العـبـاد لسـانـك=وحــذراك مــن شـذابـة(ن) ملسـونـه
الــلــي مــــن لــحــوم الأودم تــأكـــل=نــاسٍ عـلـى شــذب الـقـفـى مفـتـونـه
والـــلام لـــف مـــع الـحـيـاة وسـيّــر=تلقـى العجايـب فـي الـدهـر مسنـونـه
أحـد(ن) يبيـح السـد وأحـد(ن) يكتـم=وأحـد(ن) سيـوره بالـردى مدهـونـه
والمـيـم مـالـك فــي الطويـلـه حـاجـه=أبـعـد عــن الـلـي فــي خفـاهـا بـونـه
وليـا بـلاك الله بشخـص(ن) جاهـل=لا تلـفـت لــه لـــو تـشــوش عـيـونـه
والـنــون نـاحــر لـلـعــدو بـسـلاحــك=لادنــــدن لـحــــرب الــعــدا دنــدونــه
والخـايـف الـرعــراع يـــوم الجـمـعـا=حــــذرا زمــــام الأمــــر لاتـولـونــه
والـهــاء هـدانــا الله عـلــى منـهـاجـه=وأنظـف ضمايـرنـا مــن الضيغـونـه
الله يـكـافـيــنــا شـــــــرور الــدنــيـــا=ويـديــم عــــزه لـلـوطــن واقـطـونــه
والــواو وصـــى الله بمـحـكـم قـولــه=لــلــوالــديــن وكــلـــكـــم تــقـــرونـــه
وصــى عـلـى الـوالــد يـوفــى حـقــه=ديـــن(ن) علـيـكـم حـقـهــم تـوفـونــه
والـيـاء ياسـامـع فــي مثـايـل قـولــي=إستـغـفـر الله وإذكـــره فـــي كــونــه
وإختامهـا منـى صــلاة عـلـى النـبـي=أعــــداد مــــالاح الـحــيــا بـمــزونــه