طوى القيض ملهابه - منتديات شبكة قبيلة الغنانيم الرسمية

08-05-2012, 12:12 AM

نايف بن طلق بن مطيلق الغنامي

شاعر وكاتب

تاريخ التسجيل: Apr 2011

المشاركات: 131

معدل تقييم المستوى: 14

نايف بن طلق بن مطيلق الغنامي is on a distinguished road

طوى القيض ملهابه

طوى القيض ملهابه وقرب طلوع سهيل .. عسى ربعنا اللي فالمصايف يشوفونه
ليا بان في عرض السما مايبـــــا دربيل .. يشوفه ضـعيف الشوف فالليل بعيونه
وينفح على عرق الرويكب براد اللـــيل .. يروق النســـيم ويسجع الطير بلحونه
تخيل مزون الوســـم خلج وهدير السيل .. وجو تهالك يذهب الـــشوف من دونه
منازل شعفة البدو واهل النضا والخـيـل .. ومداهيل وعل يكـسر الغصن بقرونـه
ملاحظه (الغصن غصن الغضا والغضا ينبت فالنفود)

المصدر: منتديات شبكة قبيلة الغنانيم الرسمية

',n hgrdq lgihfi

__________________

منتديات قبيلة الغنانيم

نايف بن طلق بن مطيلق الغنامي غير متواجد حالياً

08-05-2012, 12:30 AM

نوح فايح الغنامي

كاتب ذهبي

تاريخ التسجيل: Mar 2011

المشاركات: 2,814

معدل تقييم المستوى: 16

نوح فايح الغنامي is on a distinguished road

طوى القيض ملهابه وقرب طلوع سهيل .. عسى ربعنا اللي فالمصايف يشوفونه
ليا بان في عرض السما مايبـــــا دربيل .. يشوفه ضـعيف الشوف فالليل بعيونه
وينفح على عرق الرويكب براد اللـــيل .. يروق النســـيم ويسجع الطير بلحونه
تخيل مزون الوســـم خلج وهدير السيل .. وجو تهالك يذهب الـــشوف من دونه
منازل شعفة البدو واهل النضا والخـيـل .. ومداهيل وعل يكـسر الغصن بقرونـه

قصيده جزله من شاعر مبدع

صح السانك مليون

__________________
سبحان الله وبحمده سبحان الله العظيم

08-05-2012, 02:13 AM

مغربل

تاريخ التسجيل: May 2012

المشاركات: 64

معدل تقييم المستوى: 13

قصيده جميله

ونابعه من اصالتك وحب للبداوه واضح فيها انك تحب البداوه من قلب

الله يهنيك ويارب تحصل كل اللي في بالك يانايف

__________________

منتديات قبيلة الغنانيم

08-05-2012, 02:42 AM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

أبوطلق شاعر مبدع وجزل دائما في كل جديد صح لسانك وبيض الله وجهك ننتظر جديدك دائما تحياتي وتقديري

__________________

منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات

للشاعر الكبير /فلاج بن عبدالله بن دخيل الله بن طايل بن نافه

08-05-2012, 02:49 AM

برق الشمال

كاتب ماسي

تاريخ التسجيل: May 2011

الدولة: الخـلـيـج العــربــي

المشاركات: 3,846

معدل تقييم المستوى: 17

شاعرنا المفضل صح لسانك على قصيدتك
الرئعه والله بيض وجهك لاكن لاتبخل علينا
بما تجود به خاطرتك الشعريه ولي وقفه مع قصيده
لشاعر وعلى مااعتقد انها لبدر الحويفيي يـقــــــــــــــول
القيض راح وبردن الليالي
والطير عقب القرنسة كمل الريش

والمزن بالمنشأ غدا له ظلالي
وتراكمت غر المزون المراهيش

وتذكر الصقار وقت مضى لي
ايام جالي بالغبية مغابيش

يوم الحباري حوزهن بالدحالي
ليا فرع النادر طلبهن مخاييش

والخرب بادناهن يصير الموالي
يوجس براسه للشجاعة نغاميش

خرب مغفل ماحسب للتوالي
طقيق حنكانه سوات القراقيش

وجاه اشقر جوفه من النسر خالي
جزام صياده يقض النشانيش

له بالطيور البرق فعل ومدالي
ضربه عطب ماهو مسوح وتناويش

ذاك الزمان اللي به المر حالي
يوم الصقارة تنعش القلب وتعيش

واليوم لو نقنص جنوب وشمالي
صرنا على ما قيل مثل القراريش

ما شوف والله للصقارة مجالي
نقفي ونقبل يالحميدي على ويش

مهما تجاوزنا فياح السهالي
غير الدجاجة ما لقينا عراميش

ما شوف غير القوبعة والكحالي
وزرق الثعال اللي سواة القرافيش

عزي لحالك يازميلي وحالي
بارض الرحيل نفتش القشع تفتيش

والله يلولا الطير بالقلب غالي
اني لاجوز من العنا والمطاريش

لاكان حب الطير شارك اعيالي
ولو ما تسلى بالولع كيف اباعيش

والله ماني عن غلا الطير سالي
لو نعلفه من بارد الخبز والعيش

لوكان للخارج نشد الرحالي
وندفع على شانه ضريبة وبخشيش

__________________
التوقيع

08-05-2012, 03:10 AM

أبو بتـــــال

كاتب ذهبي

تاريخ التسجيل: May 2009

المشاركات: 2,746

معدل تقييم المستوى: 18

أبو بتـــــال is on a distinguished road

صح لسانك وبيض الله وجهك على هالقصيدة الجميله حفظك الله بحفظه

__________________

آلاد غنام ياحماية التالي= الزايده ريعولي راس راعيها

08-05-2012, 03:12 AM

نايف بن طلق بن مطيلق الغنامي

شاعر وكاتب

تاريخ التسجيل: Apr 2011

المشاركات: 131

معدل تقييم المستوى: 14

يابرق الشمال عساه يبرق عليك برق رحمة من رب العالمين واشكرك على نقل هذه القصيده الرائعه

__________________

منتديات قبيلة الغنانيم

08-05-2012, 03:16 AM

نايف بن طلق بن مطيلق الغنامي

شاعر وكاتب

تاريخ التسجيل: Apr 2011

المشاركات: 131

معدل تقييم المستوى: 14

اخ نوح اشكرك على مرورك

__________________

منتديات قبيلة الغنانيم

08-05-2012, 03:18 AM

نايف بن طلق بن مطيلق الغنامي

شاعر وكاتب

تاريخ التسجيل: Apr 2011

المشاركات: 131

معدل تقييم المستوى: 14

ابوبتال اشكرك على مرورك

__________________

منتديات قبيلة الغنانيم

08-05-2012, 03:19 AM

#10

نايف بن طلق بن مطيلق الغنامي

شاعر وكاتب

تاريخ التسجيل: Apr 2011

المشاركات: 131

معدل تقييم المستوى: 14

يعطيك العافيه واشكرك على مرورك

__________________

منتديات قبيلة الغنانيم

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم
طوى القيض ملهابه

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules