الا يالشعر جعلك ماتحيّا=غزيت الفكر ثم ناديت هيّا
تلعثم منطقي وآخذت ساعه=أشوف الفكر في شمسً وفيّا
تلاشت ضحكتي يالله دخيلك=ظروف الوقت مافيها حميّا
أسولف للزمن وآقول هانت=يزين الحظ مير الحظ عيّا
ليا فكّرت في حاجه لشاني=يخيب بجهر ماهو في خفيّا
ياكم عانيت مراتً عديده=طلبتك لاتسوّي هالسويّا
انا مدري وش اللي صآر فيني=اعيش بحلم ماضن يتهيّا
يابعد الحلم لو كثرت ظنوني=مثل بعد الثرآه عن الثريّا
على الله يمكن ان البعد خيره=مابين أحلامنا هاذي وذيّا
ختامي كان لومي فوق حظّي=وابا اشوف آخرة سمح المحيّا