ياراكبن من فوق قطاع الابعاد=جيبن جديدن مشترينه وكاله
ماساقه المطفوق ولاهوب معتاد=الا على راعيه فوقه لحاله
نسل الرجال مطوعة كل وراد=في الحرب يوم الوقت ذبح وجهاله
واليوم نحمد ربنا بظل الاسياد=أهل القنا والسيف وأهل العداله
أبا المشوره من معربة الاجداد=أهل المعرفه والبيوت الجزاله
واخص ابو ياسر عسي العمر يزداد=ولافيه شكن بين عمه وخاله
صارت حرارن بوم والذيب ينقاد=والمقط غادى والعوض بالمحاله
ولاعاد يفرق بين فهده وفهاد=ولاعاد ندرى وقتنا وش جراله
يصدر احكامن غريبات وجداد=وفي كل يومن ظاهرله رساله
واحترت من كثر الروايه وقصاد=وأزريت أميز ويش معنى المقاله
مدرى مطاليبه يبا حرب وجهاد=والا يقلل في دروب الرجاله
ولو طالت الايام مانيب منقاد=الا بدروب العز وأهل الشكاله
واللى رحل نبكيه لو كان مافاد=واللى لفا يارب تصلح لحاله
وجهة نظر مانيب شاعر ونقاد=وليا خويه بار نلقى بداله
والبيت مايبنى على غير الاعماد=والعز يفرق عن دروب الرذاله
ولانتبع المقفي وشامت وحساد=لو كان في طرد المقفي جماله
وختامها صلو على خير الاسياد=نبينا المبعوث مدي الرساله