الـبـارحــه مــــا بــيـــن خــذهـــا وذقــهـــا=بـيــن الـهـمـوم وبـيــن قــــل الـتـوافـيـق
من يوم شمس إعصير روّح شفقها=وأنـــــــا اتــبــيّـــن لـلـغــرابــيــل وأويــــــــق
الأولــــــه يـــاكـــود نــمــســـك شـنــقــهــا=والــثــانــيـــه بــدقــيّـــقـــات الــمــعــالــيــق
والـثـالـثــه عـمــيــا وطــرمـــا وصــقــهــا=افـتـح لـهـا بــاب المشـاريـه ويضـيـق
شـــيِ قـضــب نـفـسـي وجـــوّد وثـقـهـا=يــا طــول لـيـل المبتـلـي والعشـاشـيـق
ويـوم إرتـكـى هـمّـي ونفـسـي شنقـهـا=اغـيــب مـــن كــثــر الـغـرابـيـل وأفــيــق
والــمـــوق دمــعـــات الـغـبـيـنـه دفـقــهــا=مــاعـــاد لـلــخــوّه عـــهـــود ومــواثــيــق
ودام إخـتـلـط ريحـانـهـا مــــع عـرقـهــا=وأنـــا عــلــى دلّــــه وفـنـجــال وإبــريــق
يــا هاجـسـي هــات المعـانـي وسـقـهـا=الــلــيــل تــــــوّه والــســعــد بـالـطــواريــق
إن كـانــهــا بــانـــت وبـــيّـــن نـسـقــهــا=كـتـبـتـهــا لــعــيــون نــــــاسٍ مـطـالــيــق
وإن مــرّهــا شــعــفٍ قــــويّ وصـفـقـهـا=مــانــي مـعــوّدهــم تـجـيـهــم خـثــاريــق
إحـفــر لــهــا بــيــن الـمـحـانـي نـفـقـهـا=وإدفــن جسـدهـا بالـضـلـوع المغـالـيـق
لا حـسّــت الـهـرجـه لـسـانــي نـطـقـهـا=طيّـرتـهـا وأطـلـقـت مـعـهـا المـسـابـيـق
بعـض اللحـى مـوس المحلـق حلقـهـا=لــو غـطّـت الـغـربـان فـيـهـا الغـرانـيـق
وبـعـض اللـحـى تـكـرم وربـــي فـرقـهـا=أطهـر مـن الـورده بـروس الزمالـيـق
يــا صاحـبـي حسـنـات حـبـك محـقـهـا=هـجــرٍ لـــه الغـيـبـه عـلامــه وتـوثـيــق
بعض البنِي شرٍ على اللـي عشقهـا=حـبــه يـعــلّ الـقـلـب ويـنـشّـف الـريــق
مـثـل الشـجـر وإن حــت منـهـا ورقـهــا=تنـعـاف لــوّ إغـصـون قلـبـه مـواريـق
والـيـوم والـلــي سـبــع الأبـحــر فلـقـهـا=إنـي عـن الشـرهـه قفـلـت الصنـاديـق
روحـــي وقـصــة حـبــك الـلــي حـرقـهـا=إنّ الــغـــلا فـيــهــا مــزيّـــف وتـلـفــيــق
وإن ضــاقــت الـدنـيــا ودبّــــل زهـقــهــا=مــــال الــحــرار ألا عــلــوّ الـشـواهـيــق
يــــارب يـالـلــي كـــــل الأمـــــه خـلـقـهــا=يــــا واحـــــدٍ بـيــديــه رزق الـمـخـالـيـق
إلــطــف بــنــا والــــروح بــتــلا رمـقــهــا=لا صــرت بـيـن الغـرغـره والتشاهـيـق