أهل الركاب اللي لفونا محاميد=من دار ابو تركي فصيح اللساني
اللي ونعم نقولها له تراديد=شاعر واديب ومبحرٍ فالمعاني
من روس قومٍ فعلهم مابه جحيد=سلطان بن براك ما فيه ثاني
جونا وجيّتهم مثل جيّت العيد=وإستقبلوا بأفراح عيد وتهاني
على الشحم ما بين حيل ولحم صيد=وقعدانٍ تبرّك بوسط الصواني
وحليب عفرٍ قيدت قدمهم قيد=ريحه نفل مخلوط بالقحوياني
والنار تشعم والحطب كانها الحيد=والجمر سمر حالقته المثاني
صفر الدلال مع النشامى مجاديد=والعود الازرق مع طوال اليماني
وسوالفٍ يطرب لها زيد وعبيد=وفلة حجاج لكل قاصي وداني
والكل منّا وده يفاد ويفيد=واروحنا يطغى عليها التفاني
حتى تفاجانا وقالو معاويد=حنّا نترخص مر سبع وثماني
قلنا مهب هذي وقالو محاديد=والكل منّا ظاق والوجه شاني
قلت اسلموا يا اهل الركاب المفاريد=وقولوا لابو تركي عريب المجاني
وصل السلام ومثله نقول ونعيد=أعداد ما عد الزمان الثواني
سلامٍ احلا من حليب المصاعيد=في خايعٍ نبته يكف المباني
جاني كلامك دون سابق مواعيد=وما جاك يا سلطان بالحال جاني
حنّا ترانا فالقدايم زواهيد=لو هي جبالٍ للخلايق تباني
وانته ونعم اقولها والله أشهيد=كفيت وبيوتك عراض متاني