...

اضطراب ،، نص قديم تربطه علاقة وطيدة بالابيات الثلاثة التي قبله :


وهي ابيات من نص ( الحلم العظيم ) كما اطلق عليه احد اخواني الكتاب ،،


تخيل الدنيا ورى تلٍ اخضر
ـــــــــ كوخٍ صغير وداخل الكوخ فانوس

قارب ونهر ولحظةٍ ماتكرر
ــــــــــ وانتم على جال النهر مغرب جلوس

انت ومناة الروح وحدّك تصوّر
ـــــــــ لابهذلة عيشة ولاحاجة فلوس

.

.

توطـئة : ،، هو للقراءة والنقد والشتم والقذف ،، والتشهير ان احببتم
.


.

وين ماشي يـا غشيـم وكـل ماقدمـك سـراب
وانت شوفـك يفتـح الله دوب دوبـه يـا غشيـم


لادليلـة فـي متاهـات الطريـق ولا زهــاب
والتعـب طـلاّب ثـار وكنّـك لجـدّه غـريـم


تطرد احـلام "الفقـارى "تنبـش الأرض اليبـاب
تايـه بهالكـون وحـدك لاصـديـق ولا نـديـم


انتهى "نهرك" نضوب وصـار "كوخـك" للخـراب
وانكسـر "لـون الغروب"وفاتـك الحلـم العظيـم


لاتخربـش فالدفاتـر ملّـت الـروح انسـكـاب
دفتـرك "كتلـة مشاعر"سترهـا قطـعـة أديــم


لاتسولـف "للعطاشا"عـن مواعـيـد السـحـاب
العطـش وسـط الكبـود اليابسـة دايـم مقـيـم


تلعب "بعلبـة سجاير"تحـرق الصـدر /اكتئـاب
تنفث الدخـان فـوق وتحسـب ان الجـوّ "غيـم"


وين سجّيت وتركت "الشمع" فـي صمتـك يـذاب
يشتكـي "للمنضـدة" مـن وحشـة الليـل البهيـم


جالس بغرفة ومـن خلفـك يناديـك الـف بـاب
"هلوسـة" حائـط وشبـاكٍ علـى وجهـه تهيـم


عاصفة/واصوات رجف/وخيل تركض /واضطراب
نار/وغبار/وصـراخ مـن الحناجـر مستـديـم


رعب/ واشلاء/وسيـاط اشبـاح تفتـك ماتهـاب
ناس في هيئة "عقـارب" والسنتهـا مـن جحيـم


صحصـح الله لايهينـك حـنّ لكفوفـك تــراب
مـن ربـا "نجـدٍ" كريمـة كـل مافيهـا كريـم


سال من صوتك سهول ولاح في عينـك هضـاب
حنّ بعروقك شواطـي "والتفـت " مركـب قديـم


كيف تسلى عن وطنـك؟ وكـل مافيـك اغتـراب
غارق بحـزن الأغانـي واشرطـة "عبدالحليـم"


لملـم اطرافـك دخيلـك وافتكـر يـوم الحسـاب
كفّـر ذنوبـك تطهّـر واطلـب الـرّب الرحيـم


انتهـى يـومٍ تعيشـه وانطـوت صفحـة كتـاب
وابتـدا يـومٍ بلا عنوان و الموقـف ألـيـم


غيّر الموضوع تكفـى شقلـب "الهـم "الخطـاب
وصّل اللي ماقدرت توصّلـه يـا (سيـن .ميـم)

.
.
.


كم سـؤالٍ ينحـرج مـن نفسـه بسبـة جـواب
وكـم فقـدت لطيبتـي يالله دخيلـك يـا علـيـم


وكـم يعاتبنـي "خيـالٍ" بينـي وبينـه حـجـاب
وكـم "عزيزٍ"تنغـرس طعنـة جحـوده فالصميـم


كم دموع /وكم وداع/وكـم "ذهـاب "بـلا ايـاب
وكم "حبيبٍ"راح عـن عينـي وخلانـي "بضيـم"


علّمـوا ذيـك الفتـاة "المترفـة " ذات النـقـاب
تبتعـد عـن شاكـي الحرمـان والحـال السقيـم


وش تبيبي ؟ والشقـا الملعـون شاربنـي شـراب
ليش تضحك لي ؟وانا "مسجون" فـي دمعـة يتيـم


علّموهـا شيّبـت راسـي وانـا تـوّي شـبـاب
وش لهـا والبهذلـة ؟ مـادام تحيـا فـي نعيـم


علّموهـا تستريـح مـن "المشاكـل " والـعـذاب
لاتظـنّ "العـج" ناعـم مثـل نفحـات النسـيـم


واعذروني كـان شفتـوا فـي كلامـي مايعـاب
"ملعنة " والوقـت قاسـي والبخـت شيـخٍ عقيـم


وصدّقوني لو حضـوري يلبـس الـوان الغيـاب
جيت ابكتب مابنفسـي واكتشفـت انـي "غشيـم"


.
.
.
.

---

>> hqJJ'JJvhf !