ياللي تولم للسفر وأنت عجلان=ود الرسايل وأنت منت بسببها
رسالةٍ في وسطها قلب ولسان=رسالةٍ نطْقْ اللسان وكتبها
أسلم وسلم علمها لأبن وبصان=شيخٍ وناره ما يطفاء حطبها
شيخٍ ولد شيخٍ وجدّه كحيلان=كم سربةٍ بالسيف الاجرب قصبها
راجع بختم أبوه والحق ميزان=وحطه على ظهر الذلول وشعبها
خلا البدايع من ورى كشب ضميان=وحول على بطن الرياض ونهبها
ماني حسودٍ له ولاني بزعلان=لكن يا جلاب الارزاق جبها
ساس الكرم والطيب للمجد عنوان=وسبع المعاني في يدينه قضبها
نايف ليا عديتو فلان وفلان=نسل الرجال اللي عزيزٍ نسبها
يحط في صينيته قرّح الضان=تروح والا جات له ما حسبها

ياهاجسي ما دام للشعر قيفان= انطح بيوت الشعر وانطح عربها
الشاعر اللي يكتب البيت مليان=وتشوش له روس الرجال بأدبها
شاعر ليا منه شعر شعره يبان=وأبيات شعره طاعته ما غصبها
جتني بيوته شانها فالصدر شان=تسوى العيون بموقها مع هدبها
يمدح ومدحه صار له عدّة الوان=والطيبه من طيب راسه كسبها
فلاّج فلاّج العداء طير حوران=صقر من صقورٍ شهر ما عقبها
سج القدم ما بين دجله وعمّان=ولا خطوةِ قدامنا الا خطاء أبها
نعمٍ به بوقت الملاقا والاكوان=له وقفةٍ تبري الكبود ولهبها
نسل الرجال مخزية كل شيطان=وأرواحهم يفدونها من طلبها
في ديرةٍ سكانها تزبن الجان=والعرف والراي السديد بصحبها
عندي غلاها ما يقدر بالاثمان=أغلا من كنوز الرياض وذهبها
ما قلته أجامل ولا أرد عرفان=حقيقة بين السطور وكتبها