بعدما جاتني دعوة هـل الوقفات والطولات =لفــــيت وجيــت في دارٍ تشرفني بجيتها
وسلام الله سلامٍ يقنـــــع أهل العرف و الشرهات=وترضا به رجالٍ ذمتي من عرض ذمتها
وسلام الله على الشيخ الغويري راعي الفزعات =أليا مالت عدلها لاتميل وشال حملتها
أبو تركي أليا راحت محاميل العلوم وجات =ووقف دور الكلام ونوخت بقعا مطيتها
وقف وقفت فهيمٍ ما يجي في وقفته ميلات =وقصرها لاتطول حبالها تكبر مصيبتها
بوجود العزوة اللي فالملاقا ترفع الهامات =ليا جا ذكرها هزت جموع القوم سمعتها
رجال آلاد دلبح وإنشد الحاضر عن اللي فات =وتدري وتعرف مقدارها وتعرف قيمتها
زحازيح الرجال اللي تزود وتخلف الهقوات=وتخلف طمعت الطماع من قوة عزيمتها
لهم تاريخ فالماضي و فالحاظر لهم وقفات =ليا من الدهر شد الحبال وشد عقدتها
ولهم عادات في كسب الجميل وفالوفاء عادات=رجالٍ بالعلوم الطيبة هذي طبيعتها
و أنا ما أقول قول إلا عليه من الرجال إثبات =وتشهد به رجالٍ ما طلبناها شهادتها
ويقولون الرجال أذخر هل الشدات للشدات =ليا شحت وجيهن ما تقدم وزن لقمتـــها