^^__قصائد خالدة __^^ - الصفحة 2 - منتديات شبكة قبيلة الغنانيم الرسمية

02-14-2011, 11:17 PM

#11

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

سلمان العطاوي is on a distinguished road

القصيده التاسعه:

ياونـة ونيتهـا تـسـع ونــات
مع تسع مع تسعين مع عشر الوفي
مع كثرهن باقصى الحشا مستكنات
عداد خلـق الله كثيـر الوصوفـي
ونة طريح طاح والخيـل عجـلات
كسره حدا الساقين غـاد سعوفـي
على سيـوف بالملاقـى مهمـات
سيفين أغلى ما غدا من سيوفـي
وعلى محوص بالمـوارد قويـات
أسقي بهن لـو القبائـل صفوفـي
احشم بحشمتهم ولو هن بعيـدات
وأنام لـو ان الضـوارى تحوفـي
خليتني ياعقاب مـا بـه مـروات
عيالك صغار والدهر بـه جنوفـي
من عقبكم ما نبكي الحي لو مـات
ولاني على الدنيا كثير الحسوفـي
ياطول ما جريت بالصـدر ونـات
على فـراق معطريـن السيوفـي
ياعقاب عقبك شفت بالوقت ميلات
واوجست انا من ضيم بقعا حفوفي
مرحوم يا ناطح وجيـه المغيـرات
إن جن كراديس السبايا صفوفـي
مرحوم يا مشبع سبـاع مجيعـات
وعز الله أنه عقبكـم زاد خوفـي
الخيل تدري بك نهـار المثـارات
ياللي على كل المـلا فيـك نوفـي
والخيل تقفي من فعولـك معيفـات
تاطا شخانيب الرضم مـا تشوفـي

سعدون العواجي يرثي أبنائه عقاب وحجاب

__________________

منتديات قبيلة الغنانيم

02-14-2011, 11:21 PM

#12

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده العاشره:

ياونتي ونة كسير الجباره
إليا وقف ما احتال وإليا قعد ون
عليك يا شبّاب ضو المناره
عليك ترفات الصبايا ينوحن
من مات عقب عبيد قلنا وداره
لاباكي ٍ عقبه و لا قايل ٍ من
تبكيك صفر ٍ البسوها غياره
تبكيك يوم إن السبايا يعنن
وتبكيك وضح ٍ ربّعت بالزباره
إليا قزن مع خايع ٍ ما يردن
الخيل عفب عبيد مابه نماره
وش عاد لو راحن وش عاد لو جن
ياشيخ ما تامر عليهم بغاره
كود الجروح اللي على القلب يبرن
يقطع صبي ٍ ما ينادي بثاره
إلى أقبلن ذولي وذوليك قفن
يا أهل الرمك كل ٍ يعسف مهاره
والمنع ما نطريه لاهم ولا حن

ضيف الله بن حميد يرثي أخاه عبيد

__________________

منتديات قبيلة الغنانيم

02-14-2011, 11:25 PM

#13

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده الحادي عشر:

البارحة جريـت بالصـدر ونـات
والنـوم عيّـا لا يهملـج قليلـه
يا عين لا تبكين كثـرة وقـلات
إبكي على اللي كاسبيـن النفيلـه
إبكي على سطام زبـن الونيّـات
يـا لولـب الحكّـام كـلٍ يجيلـه
إبكي العديم اللي مع الناس ما مات
مرباع وايـل بالسنيـن المحيلـه
إبكي ذعار الخيل وان صار شدات
زيزوم جيشه بالسنيـن الجليلـه
وابكي على محمد حصان المهمات
هو بيرق الفرسان وشهاب ليلـه
يا الله يا ناهض سبع السمـاوات
يا رافع ٍ شـدّات مـن يلتجيلـه
تخلي لنا واحـد ٍ فيـه هقـوات
سلطان نور العين تالـي السليلـه
يبني بيوت العز من عقب ما فات
الله كـريـم وكلـنـا نشتكيـلـه
عقب الرجال اهل الفعول القديمات
شيخان وايل من سنيـنٍ طويلـه
يجبر عزانا في عظيم المصيبـات
يوم المقدّر مـا لنـا فيـه حيلـه

خزنة الملحم ترثي زوجها سطام الطيار وابنها محمد

__________________

منتديات قبيلة الغنانيم

02-14-2011, 11:28 PM

#14

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده الثاني عشر:

بعض العرب موتهم تخفيف
مير البلا مـوت عبـدالله
مرحوم يا مهليٍ بالضيـف
يا مكثّـر الهيـل بالدلـه
إذا مسكت زينة التوصيف
الدم مـن مضربـه شلـه
ياما صفقهن ووردن عيف
وياما حمـى كـل منتلـه

كنة الشمرية ترثي زوجها

__________________

منتديات قبيلة الغنانيم

02-14-2011, 11:42 PM

#15

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده الثالث عشر :

يـامـن لعيـنـن للشـريـف محـمـد
تهلهل دمعه مـن مخـة الـراس حـادر
جريت السرايـا مـن الطايـف والحـرم
وصلنـا وجلـنـا يــم واد الـدواسـر
وصلنا على ابن حميـد بالنيـر وانتحـى
اقفـى وقفـى عــن لقـانـا مخـايـر
وصفقناهن باليسرى على الصقور وانتحوا
اقفـوا وعرفـوا بـه حمـران النواظـر
وجينا الديرة اللي اسمهـا باسـم اهلهـا
كـرام اللحـى بايـام حــر المسـاعـر
رجـنـا وروجـنـا بـديـار شـمــر
بديـار مرويـن الـعـدى بالشـواطـر
مناخـنـا لعـبـده تسعـيـن لـيـلـه
بساقـي بزاخـه لاسقتـهـا المـواطـر
وفاضـوا مـع بيضـاء وفضنـا وراهـم
لجـوا والتجـوا فـي طمـان المغـاتـر
بالتلعـة اللـي جعلهـا لساقـي الحـيـى
التلعـة اللـي كـل حـصـوه جـفـادر
وجتنا السرايـا بيـن متالـع والحضـن
تسمـع زغاريـت البـنـات الجـواهـر
جتنـا جحافلهـم علـى ظهـور ظـمـر
قـب(ن) يشـادي صرعهـن كـل نـادر
اذا اقبلـن مثـل الشياهـيـن للعـلـف
وان ادبـرن مثـل اللـقـاح الـصـوادر
وتطـاردن باللغـف فـي حـد مـوقـق
وصـارت علينـا مـن كبـار الكسايـر
صحنـا وقلنـا الخيـل يابيـص فكـنـا
يابيـص يابيـص الوغـى يابـن شاكـر
رده عليهـم بيـص واحمـر السـمـاء
وصارت فـروق الخيـل مثـل البواخـر
تسمع حسيـس سيوفهـم فـي ظهورنـا
مثـل نشيـش المـزن مـن نـو ماطـر
وتشوف جثي الخيل مـن حـر ضربهـم
مثل خشب سـدرن مـع السيـل حـادر
عبـده وزوبــع لاتصـافـوا بينـهـم
حريبهـم ضـاقـت علـيـه المعـابـر
يامكرميـن الـجـار يـاغـش ضـدهـم
وسـاع الطعـون ومدركيـن التفـاخـر
يامدلهيـن الخـور بــارض المخـافـه
لاجـاء نهـارن فـيـه وارد وصــادر
وردنـا الحليفـه تاركيـنـن شيوخـنـا
فياض وحوشان ومقتفـي الخيـل ناصـر
وتركنـا سـالـم والزنـاتـي عـبـدالله
والله عليـمـن بالخـفـى والظـواهـر
ملنـا عليهـم ميلـتـن مــن خطـانـا
وانــا عـلـى مـاقـدر الله صـابـر
حلفـت ماتـي ديارهـم عقـب مامضـى
لـمـا نتـواجـه عـنـد رب المـقـادر
هــذا كـلامـن للشـريـف مـحـمـد
يذكـر فعولـن ماضـي(ن) لـه بـوادر
وختامهـا صلـو علـى سـيـد الـمـل
اعــداد مــن أذن بــراس المنـابـر

الشريف محمد

واقبلو تحياتي اخوكم : سلمان العطاوي

__________________

منتديات قبيلة الغنانيم

02-14-2011, 11:45 PM

#16

ابو رامي

كاتب ماسي

تاريخ التسجيل: Nov 2010

المشاركات: 4,287

معدل تقييم المستوى: 19

سلمان والله انك تستحق كل تقدير ماتجيب الا كل جزل الله يعطيك العافيه ويكثر من امثالك

__________________

منتديات قبيلة الغنانيم

02-14-2011, 11:52 PM

#17

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة ابو رامي

سلمان والله انك تستحق كل تقدير ماتجيب الا كل جزل الله يعطيك العافيه ويكثر من امثالك

شهادتك الي اعتبرها وسام على صدري وياك اخوي ابو رامي

__________________

منتديات قبيلة الغنانيم

02-15-2011, 12:16 AM

#18

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة العبرود

بيض الله وجهك ياسلمان للنقل الرائع

وجهك ابيض ياخوي العبرود
اسعدني تواجد...دمت بود

__________________

منتديات قبيلة الغنانيم

02-15-2011, 12:17 AM

#19

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة إياد الروقي

سلمان يعطيك العافيه

وياك اخوي اياد الروقي
اسعدني تواجدك ومرورك
العطر

__________________

منتديات قبيلة الغنانيم

02-15-2011, 12:19 AM

#20

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة الجريح

مشكوووووور والله يعطيك الف عافيه على النقل المميز .دمت بخير.اخوي سلمان.

العفو وياك اخوي الجريح
اسعدني تواجدك ومرورك العطر

__________________

منتديات قبيلة الغنانيم

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياليت حضرتها غنانيم يامعين / والا قساسمةٍ قشرهم يلالي	جهز بن فالح بن مزنوت	القسم العام	16	08-26-2012 12:15 PM
ياليت يانواف / سالم معيض الغنامي	غنامي	ديوانية شعراء الغنانيم	12	01-06-2012 02:48 AM
فوايد شرب الماء علي معدة خالية	نجم	القسم العام	6	02-28-2009 01:04 AM

		منتديات شبكة قبيلة الغنانيم الرسمية > الأقسام الشعبية والأدبية > منتدى الشعر والقصص الشعبية
^^__قصائد خالدة __^^

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules