امس بعد الجمعه جالس انا وواحد من العال قالي ياخي انا اعاني من الحكه قلت الله يشفيك قال انت ما اشوفها فيك قلت قل ما شاء الله قل وش رايك نروح نسوي حمام سونا يمكن تروح مني قلت وانا وش دخلني هي فيك ولا فيني قال ياخي خاوني واذا تبي تدليك فيه في نفس الفندق الي ابي اروح له قسم للمساج رحنا للفندق يوم دخلنا بعد صلاة العصر قال المصري الي على الكونتر حمام الوسونا بخمسين ريال والمساج بسبعين ريال نص ساعه قلت وش ذا الاسعار قال عاوز حياك الله ومش عاوز الباب يوسع جمل طبعا خفت منه لانه يلعب حديد قلت عطني مساج نص ساعه قال مفيش الحين يبيلك ساعه اودامك ناس حتنتزر ولا عاوز حمام سونا مع خويك ويوم شفت انها ما فيها قلت مع خويي رحنا دخلنا غرفة صغيرونه فيها جمر والعرق يصبصب وطلعنا بعد ما سحنا من الحر قال ادخلووو الى هازهي الغرفه قلنا امرنا لله دخلنا غرفه كلها بخار كتمه اخذنا فيها ربع ساعه وطلعنا وبعدين طلعنا للجاكوزي سبحنا شوي وطلعنا ومن امس وانا جلدي مصيبته الحكه بعيد عنكم الله اعلم ان خوينا اعداني :