بسم الله الرحمن الرحيم ..

هاذي سالفة في عنيزة حصلت أمام ناظر عنوني وحبيت اقولها لأن ذكرني فيها واحد من اصدقائي بأتصال ..
عنيزة باريس نجد على مسماها كان يجونها ناس من شتى بقاع الارض .. فا كان فيه شارع اسمه الحمراء .. الشارع ذا وسيع ومنار وعلى جوانبه ثيل ونخل ومطاعم فحولوه الشبآب هدآهم الله شارع تفحيط وصار معلم من معالم التفحيط ...
وصار كل ما سمعوا ان فيه مفحط جاي من الرياض ولا جاي من الشرقية ولا جاي من جده على طول مبرمجين يروحون للشارع ذا ويتفرجون على الحركآت البربرية والإنتحاريه..
المهم جاء يوم من الأيام وكان معي صديقن لي غبيوي كلمني قال نبي نطلع نشوف التفحيط فيه مفحط كبير جآي للقصيم قلت يرحم امك مبي بعدين تخلف وش تفحيط وحركآت بزارين وش بك انت ... اصر علي انه بيروح ولاهو برآيح الا لمين اروح معه ..
قلت له من المفحط طيب قال المفحط ابو شليطيح .. ملك الكورد .. قلت الله يستر نروح ونشوف ...
المهم كل مفحط يجي معه موكب يعني اللي يجي من الرياض يجيب معه موكب والموكب ذا يصير حوالي سبع سيارات .. ومليانه شبآب صايعين ما عندهم هدف في الحيآة مجرمين خآلصين ...
مهمتهم تعزيز للمفحط والتعزيز: يتمثل في انهم يسرقون له كفرات سيارات ..يسرقون له فلوس .. يسرقون ذهب .. يسرقون دكاكين < وصلنا للب الموضوع ..
طلعنا للحمراء والمفحط يسوي حركاته البهلوانيه الخنفوشاريه .. فا رحت انا لدكان مقطاع الشارع ابي اشتري اكل ذبحني الجوع وانا افكر وش عند البششريه ذولي يعني جايين عشان الخبل ذا ...
المهم حين اقبلت على الدكان الا والله الموكب حق المفحط جاي ووقف عند الدكآن اربع سيارات نزلوا منها شباب اللي هم المعززيين لا خلا ولا عدم . وقاموا بعمليه سطو عيني عينك اخذو بسآكيت وعصيرات وحليب ولبن يدخلون ويحطون في شليلهم ويطلعون الهندي اللي في الدكان ماله حيله لكثره عددهم مع انه حاول بس فيه واحد دق خشمه ببكس وسكت وطلع برا المحل وقعد يصيح يقول :ايش فيه انتا كلوا نفرات خربآن سوي شيل روح شيل روح < أحتجاجن منه على عمليه السطو< كان يهاوش واحد فيهم اسمر البشره معضل طويل< الاسمر ذا كان يدخن ومتوجه للدكان بكل برود ومسك الهندي مع متنه واسداء له معلومه خطيره مره قال صديق ليش قرقر واجد معلوم هذا دكان ايش اسم قال الهندي ايش اسم: قال:هذا اسم شيل روووووح ويرفع ادينه للسماء يعني رووووووووووووح ما فيه فلوس ولا فيه شي ..
انا كنت اتفرج يوم سوا الحركه ذي وانا اموت ضحك < فديتني وبس خلصت السالفه

العبرة فيها .. انكم تدعون انكم ما تفتحون دكان وتسمونه فجأه يصير دكآن شيل روووح وهـ بص ههههههههههههههه

---

adg v,,,p