علم والا حلم يا قلبٍ حشاه عويد سمرة

كنّ من بين اضلعه جنّيّةٍ تصفق iiيداها

قلبي اللي من سطر مابه تقل غاشيه iiخمرة

يوم فيه قلوب شق الثوب ما كدّر كراها

قم يمانع فوق وجْناً من خيار الجيش iiضمْرة

وصف شقرا ربّها دون المليحة ما iiنحاها

بنت هرشٍ كنّ قرن العامريّة وصف iiوبْره

وكنّّ نيبان السباع الضارية تنهش iiحفاها

ابن مدعث لجل عينه نقرن الحجّة iiبعمرة

ابن من همّل مجاهيمه على البصرة iiوجاها

لا تحسّر دام باقي في صليب الراس iiقُطْرة

يا ابن مدعث والضلوع العوج داها في iiرداها

لا وربي ما نقلنا السيف ابو حدّين iiبطْرة

كود لعيون الصبيّ الدوسري نطعم iiشباها

يا ابن مدعث ما نلومك في الهوى لو شفت iiعُزْرة

الهوى قبلك غداله بأمّةٍ بِيْضٍ iiلحاها

ما أطال النوم في عمر الفتى المكتوب iiفترة

والسهر ما قصّر اعمارٍ كتب ربي iiبقاها

زمّ نفسك والهوى سكرتْه عن مليون iiسكرة

لو حصل منها سلامة وين تسلم من iiنماها

نركض وتركض وما نجمع بأيادينا iiنِخَسْره

الليالي دوْل والدنيا رحول اللي iiمشاها

تالي الدنيا يخالد حفرةٍ في جوف iiحفرة

نطرد الدنيا ولا نفرق خطاها من iiقداها

هيّ وش هي؟ هيّ من هي؟ هي ثمانٍ كان عشرة

البواشق قرنست وام الكباير ذا iiجزاها

مير اخذ من دنيتك (صاحب) و(بارودة) iiو(خفرة)

زبدة الدنيا ثلاثٍ عانها واترك iiسواها

اترك اللي يطرد الدنيا يبي عزٍّ iiوشهرة

كيف يبغاها تعزّه وهْي ما عزّت iiضناها

يا ابن مدعث لو عرا جسمك بمشلحها iiتغمره

لا لقت غيرك تِحَذْفك حذفة الجاهل iiحصاها

رايعت من لا بنى من شامخ البيتين iiوكره

ولعوزت كل ابن حرٍّ بأوّل الهجرة عطاها

وصفنا وصف ثْمَرَه والزين فلاّحٍ iiبغمره

يعتنيها وان حداه الجوع ما اسرع ما iiكلاها

يا ابن مدعث لا رعت بين الجهام السود عفره

حاجةٍ تقضي عقب سن الصبا وش هو iiقضاها؟

ابعد الله دار من يبعد ثنينٍ كان قصرة

امّة لا شافت الشمل اجتمع جاها بلاها

لا سقى الله فيضةٍ فيها سمين الصيد iiقُعْرة

كل دِحْلٍ واجهوا به حيّةٍ تلحس iiجماها

عزّتي للي بقى بينه وبين الموت شعْره

روحه اقرب للمنايا السود من حذفة iiعصاها

طال وقتك يا ابن مدعث بين لا تطريه واطْره

حيّ ابو مجناك وين الله شلع بك في فضاها؟

شدّها من خدّها واقطر على المركاز iiصفْرة

والحمى ما احدٍ حماها كان ربّي ما iiحماها

انت مثل اللي يدوّر للوسايد وسط iiخُبْرة

وخُبْرة الروض ايتحمّل ما يجيه اللي iiرباها

نقطن الواد المخيف ونضرب البيد أمّ iiجُفْرة

لعنبو بعض البني يا ما لحقنا من iiهواها

ما لقينا من يقول: ابطى بهاك السيل iiكُبْره

طالت المدّة وخالد في رجا دورة iiرحاها

الوجيه البيض سفْرة والوجيه السود iiودْرة

وجثّةٍ ما سرّت الصاحب على ويش iiانغذاها؟

هيه ياللي في فؤادك من عسام الوقت iiنفْرة

طالت الدعوى ولا ادري وش حجَلها من iiقطاها؟

آخر المنصوب فتحة وآخر المجرور iiكسْرة

حطّها نذرٍ عليّ انّي لأليّن لك قساها

واجمع اوّل حرف من كل بيت تلقى بيت iiشطْره

عقّب اللي مزنته ما يروي العطشان iiماها
أنتظر ردودكم .

---

ugl ,gh pgl dhrgf pahi u,d] slvi