يا زين قاف ٍ يا محمَد قريته = في ذمتي يجلا عن القلب الاحزان
لو هو يباع بحر مالي شريته = ابآ اتفاخربه على مرّ الازمان
يا بدر قاف ٍ من ضميرك بنيته = انا اشهد انّه صدق من قلب ولسان
وجعل السحاب اللي ترادم وليته = يرسل له اللي عالم ٍ كل ما كان
ريح ٍ بعون الله تجي مقتفيته = وليا وصل ديرة طويلين الايمان
يمطر ويملى كل حزم ٍ هويته = ويقعد بعدها قيس الاسبوع ودّان
وينبت بها نبت ٍ على ما بغيته = من كل نوع , وينبت اشكال والوان
ديرة ربوع ٍ فعلهم ما كنيته = لنّه يشرف ما يجينا بنقصان
الرجل منهم ما قفل باب بيته = يا ما ذبح للضيف من قرّح الضان
لو ابطي اكتب حقهم ما وفيته = ربع ٍ نسل غنّام فالهوش شجعان
هذا كلام ٍ واقعي ما (ا)دعيته = هرج ٍ صحيح ولآ يجي فيه جحدان
وهذي مجاراتي لقاف ٍ قريته = لآ هان راس ٍ اللي بدا فيه لآ هان