يمر القلب من دارٍ ورا الخفجي طريق ودرب=وامرك يالطريق الي لك اقدامي مسخرها
واذا مريت مع ذاك الطريق الي يجي من غرب=ذكرت احلا ليالينا من اولها ليا اخرها
ومريت الحشا بالونه الي ماجذبها طرب=ومريت العيون بعبرةٍ لدرب ذاخرها
وشفتك في خيالي بين طيات الدفا والقرب=وناديتك فديتك خل يدينك لاتوخرها
عفا الله عن ضمانٍ حصل الما في الطريق وشرب= وعفا الله عن ليالٍ ماجهلنا في اواخرها
عذلنا والتطم حب المواجه يالعفيف الذرب=كما موجٍ لطم في غبةٍ واغرق بواخرها
وسقت الرجل صوبك ياحبيبي والليالي جرب=واليا اهتميت في ناسٍ تبي ترفع مناخرها
حبيبك ياحبيبي من سلالة هل دروع وحرب=ولايعشق من اصناف الجواهر كود فاخرها
تفاخر يابعد من حط له بين الحنايا درب=تفاخر وافتخر واغلا القصايد فيك اسخرها
واذا مريت مع ذاك الطريق الي يجي من غرب=تذكر لذة الدنيا من اولها ليا اخرها